Læknablaðið - 01.12.1970, Page 80

212
LÆKNABLAÐIÐ
kvæmd nefndrar reglugerðar, í hvaða atriðum má þá telja, að hún
kunni að vera fólgin?
Virðingarfyllst,
f. h. stjórnar Læknafélags íslands,
Arinbjöm Kolbeinsson
FYLGISKJAL 9 G
22. ágúst 1969.
Læknafélag íslands.
Ég skírskota til bréfs yðar, dags. 21. ágúst 1969, varðandi deilu
Daníels Daníelssonar, læknis, og stjórnar Sjúkrahúss Húsavíkur, en
áður hafði ég fengið Ijósritaða yfirlýsingu eða bréf læknisins, dags.
22.7.1969, þar sem hann býðst til að gegna starfi sínu við sjúkrahúsið
áfram samkvæmt reglugerðinni, að svo miklu leyti, sem reglugerðin
brjóti ekki í bág við læknissamvizku hans, sbr. 4. gr. Codex Ethicus.
Samkvæmt beiðni yðar í ofangreindu bréfi yðar skal þetta tekið
fram:
Ákvæði 2. mgr. 4. gr. Codex Ethicus mæla ljóslega fyrir um það,
að lækni beri að hlýða lögum og úrskurðum, jafnvel þótt „samvizka“
læknisins kynni að bjóða honum annað. Með öðrum orðum: Lög lands-
ins, en löglega settar reglugerðir koma þar undir, gilda framar siða-
reglum lækna, ef árekstur verður á milli. Reglugerðin hin umdeilda
er löglega sett að formi til og hlýtur því að gilda, a. m. k. meðan hún
hefur eigi verið dæmd ógild af þar til bærum dómstól. Fyrirvari lækn-
isins hefur því enga þýðingu og er í sjálfu sér ástæðulaus. Málið virðist
allt vera risið út af reglugerðinni. Ef læknirinn fellst á að gegna starfi
sínu áfram, hlýtur hann þar með að starfa eftir reglugerðinni, úr því
að vinnuveitandi hans, sjúkrahúsið, æskir þess. Ég tel sjálfsagt, að
stjórn Læknafélags íslands leggi það til við stjórn sjúkrahússins, að
læknirinn verði endurráðinn og því þar með látið reyna á heilindi
hans gagnvart vinnuveitanda.
Virðingarfyllst,
Guðm. Ingvi Sigurðsson
FYLGISKJAL 9 H
22. ágúst 1969.
Stjórn Sjúkrahúss Húsavíkur,
Húsavík.
Þann 19. ágúst 1969 komu til viðræðna við stjórn Læknafélags
Islands þriggja manna sendinefnd frá Húsavík. Nefndin var þannig
skipuð: Þorgerður Þórðardóttir, Hermóður Guðmundsson og Gunnar
Karlsson.
Nefndin óskaði eftir, að stjórn Læknafélags fslands fjallaði um
bréf Daníels Daníelssonar til stjórnar Sjúkrahúss Húsavíkur, dags.
22.7. 1969, og léti í ljós áht á því, hvort bréf þetta gæfi ekki tilefni til
endurskoðunar á uppsögn læknisins. Þá lofaði nefndin að útvega stjórn
Læknafélags íslands ljósrit af nefndu bréfi Daníels, og barst það fé-
laginu 20. ágúst.