Læknablaðið - 01.12.1970, Qupperneq 81

LÆKNABLAÐIÐ
213
Stjórn L.í. óskaði eftir áliti lögfræðingsins á máli þessu og ritaði
honum bréf (sbr. fskj. 1). Svarbréf lögfræðingsins barst 22.8 1969
(sbr. fskj. 2).
Samkvæmt ábendingu Guðmundar Ingva Sigurðssonar, hrl., bein-
ir stjórn L.í. þeim tilmælum til stjórnar Sjúkrahúss Húsavíkur, að hún
endurskoði uppsögn sjúkrahúslæknisins með það fyrir augum, að hann
verði endurráðinn, enda fari hann eftir reglugerð sjúkrahússins að
öllu leyti í störfum sínum, eins og í bréfi lögfræðings (22.8 1969) segir.
Virðingarfyllst,
f. h. stjórnar Læknafélags íslands,
Arinbjörn Kolbeinsson Friðrik Sveinsson
formaður ritari
FYLGISKJAL 9 I
Húsavík, 1. sept. 1969.
Læknafélag íslands.
Stjórn Sjúkrahússins á Húsavík s.f. hefur móttekið bréf yðar,
dags. 22. ágúst s.l. Framkvæmdaráð sjúkrahússins vill vekja athygli
á skoðanaágreiningi lögfræðings Læknafélags fslands og Daníels Daní-
elssonar um túlkun á siðareglum lækna, sbr. fyrrnefnd bréf yðar og
í grein Daníels í Alþýðublaðinu 22. júlí s.l. Treystir framkvæmdaráð
sér ekki til að hefja deilur við Daníel um túlkun á margumræddri
reglugerð.
Ljóst er, að læknadeilan, sem kennd er við Húsavík, er fyrst og
fremst deila milli lækna um starfsfyrirkomulag.
Sáttaumleitanir hafa orðið árangurslausar þrátt fyrir sáttatilraunir
sérstakrar sáttanefndar.
Þar til að fullar sættir hafa tekizt með læknunum, telur fram-
kvæmdaráð ekki fært að endurskoða ákvörðun sina um uppsögn Daní-
els Daníelssonar yfirlæknis.
Efni þessa bréfs var samþykkt samhljóða á fundi framkvæmda-
ráðs í dag.
F. h. framkvæmdaráðs Sjúkrahúss Húsavíkur,
Þormóður Jónsson
formaður
FYLGISKJAL 10
BRÉF SENT SÉRFRÆÐINGUM í SKURÐLÆKNINGUM
Reykjavík, 16. maí 1969.
Góði kollega:
Fimmtudaginn 1. maí sl. voru auglýstar í dagblöðum Reykjavíkur
yfirlæknisstaða við Rannsóknastofu Háskólans og við handlæknisdeild
Landspítalans.
í því sambandi benda stjórnir L.R. og L.í. á, að það er stefna
læknafélaganna, að læknasamtökin verði samningsaðili um laun allra
lækna, sbr. aðalfund L.í. að Laugum 1966 og fundarsamþykkt í L.R.
9.11 1966.