Dagblaðið Vísir - DV - 30.03.2007, Síða 30
föstudagur 30. mars 200730 Sport DV
Íslenska liðið lék þrjá leiki í undan-
riðlinum sem leikinn var í Portúgal.
Auk okkar Íslendinga tóku, Rússar,
Norður-Írar auk heimamanna þátt.
Liðið gerði jafntefli við Portúgal og
Norður-Íra en lék síðan ótrúlegan
leik gegn Rússum sem endaði 6-
5 og komst áfram á fleiri mörkum
skoruðum. Ísland komst þar með í
lokakeppni EM sem haldin verður
í Belgíu í maí, ásamt sjö öðrum lið-
um meðal annars, Þýskalandi, Eng-
landi og Hollandi auk gestgjafanna
frá Belgíu en lokaleikirnir fara fram
í hinum undanriðlunum um helg-
ina.
„Það var hörkuleikur og mikið
hlaupið,“ segir Eggert og rifjar upp
fyrsta leikinn sem var gegn Norður-
Írum sem endaði 2-2.
„Við byrjuðum vel og komumst í
2-0, en það var mikill mótvindur og
þeir byrja að liggja á okkur og ná að
skora nánast strax eftir hálfleikinn.
Einhvern veginn fór boltinn í netið,
og einhvern veginn datt liðið niður í
seinni hálfleik. Þetta var ekki okkar
besti leikur en við náðum jafntefli.
„Ég var nelgdur niður einu sinni,
kom svona góð bresk tækling,“ segir
Eggert og hlær.
Næsti leikur liðsins var gegn
heimamönnum í Portúgal þar sem
náðist jafntefli 0-0. Portúgalar hafa
alið af sér margan góðan knatt-
spyrnumanninn í gegnum tíðina
og nægir þar að nefna Luis Figo og
Christiano Ronaldo.
„Þeir voru hörkugóðir, við átt-
um bara frábæran leik á móti þeim.
Óheppnir að nýta ekki færin í leikn-
um sem við fengum, en þeir voru
ekki að fá nein færi.
Það var einn sem var að semja
við Arsenal í liðinu hjá Portúgal,
framherjinn hjá þeim og hann var
góður.“
Lokaleikurinn var ótrúlegur svo
ekki sé sterkar að orðið kveðið. Leik-
ið var við Rússa og varð íslenska lið-
ið að vinna til að eiga möguleika á að
fara í lokakeppnina sem haldin verð-
ur í Belgíu í maí. Leikurinn fór 6-5
eftir að íslenska liðið komst í 6-0.
„Við vorum 5-0 yfir í hálfleik og
náðum 6-0 í upphafi síðari hálfleiks.
Menn voru ekki að gera sér grein
fyrir þessu. Það var eins og menn
ætluðu sér að slaka á. Það þýðir ekk-
ert á móti svona liði. Þetta er nátt-
úrulega stórlið og þeir refsuðu okk-
ur fyrir það.“
Þegar Rússarnir náðu að minnka
muninn niður í eitt mark skömmu
fyrir leikslok segir Eggert að leik-
menn hafi verið orðnir stressaðir.
„Eftir leikinn þá hélt ég að við
værum ekki að komast áfram. Ég var
mjög svekktur að við hefðum misst
þetta niður. En svo sagði dómarinn
við bekkinn: „Til hamingju, þið eruð
komnir áfram,“ og þá ruku vara-
menn og fleiri inná völlinn. Þá var
maður bara alveg í sjokki en fagnaði
alveg svakalega. Dómarinn frétti að
leikur Portúgala og Norður-Íra hafði
farið 2-1 þannig að við komumst
áfram með því að skora fleiri mörk.
Þetta var ólýsanleg tilfinning, frá-
bær og ein sú besta sem ég hef upp-
lifað á ferlinum,“ segir Eggert greini-
lega enn í skýjunum.
Mikið er um að stórlið Evrópu
sendi njósnara sína á svona mót
og því ekki ólíklegt að lið úr hinum
stóra heimi muni setja sig í sam-
band við leikmenn Íslands sem léku
í Portúgal.
„Ég heyrði að útsendari frá Ars-
enal hefði verið á svæðinu og svo
var einhver frá West Ham þarna og
trúlega einhverjir fleiri.“
Íslenska liðið sem lék útí Portú-
gal var skipað tveimur atvinnu-
mönnum, þeim Viktori Illugasyni,
Reading og Birni Jónssyni sem leik-
ur með Heerenveen.
„Þegar við vorum að slappa af
þá spurðu Rússarnir okkur í hvaða
liðum við værum og það var fynd-
ið að segja þeim að við værum í HK,
KR and Breiðablik. Þeir voru allir í
einhverjum stórliðum á við CSKA
Moskva og einhverju álíka.“
Ferðin útí Portúgal tók vikutíma
og segir Eggert að lítið hafi verið gert
annað en að æfa og spila fótbolta.
„Þetta er mjög stíft prógramm.
Þegar ekki voru leikir þá voru tvær
æfingar og KSÍ reynir að leyfa okk-
ur að fara eithvað í bæinn og versla
og slaka á. En annars eru bara fund-
ir og reynt að slaka á og sofa og hvíla
sig. Þetta er svo mikil keyrsla.“
Eggert er við nám í Kvennaskól-
anum og líkar vel. Auk þess að iðka
námið, sem hefur reyndar setið á
hakanum að hans eigin sögn vegna
ferða með landsliðinu, æfir hann
hjá KR og þrátt fyrir að vera á yngsta
ári í öðrum flokki er hann nú þegar
farinn að æfa með meistaraflokki.
„Það er mjög fínt að æfa með
meistaraflokknum. Frábært lið og
gefur manni forskot á jafnaldra
mína. Ég æfi með meistaraflokki en
spila með öðrum flokki. Bíð bara ró-
legur eftir tækifærinu með meist-
araflokki.“
benni@dv.is
Íslenska landsliðið í knattspyrnu skipað leikmönnum undir 17 ára náði þeim merka áfanga ekki alls fyrir
löngu að komast í lokakeppni Evrópumóts landsliða. DV settist niður með fyrirliða liðsins Eggerti Rafni
Einarssyni og spjallaði við hann.
Ólýsanleg tilfinning
Stefnir á atvinnumennsku
Eggert rafn Einarsson fyrirliði u-17 ára
landsliðsins segist stefna á atvinnu-
mennsku. Hann leikur með öðrum
flokki Kr en æfir með meistaraflokki.
Mikill heiður að vera
fyrirliði
„Þetta var ólýsanleg tilfining,
frábær og ein sú besta sem
ég hef upplifað á ferlinum,“
segir Eggert þegar hann rifjar
upp augnablikið þegar Ísland
var komið í lokakeppnina.