Dagblaðið Vísir - DV - 30.03.2007, Blaðsíða 42
föstudagur 30. mars 200744 Helgarblaðið DV
Matgæðingur vikunnar er Guðný
Aradóttir, einkaþjálfari og stafgöngu-
leiðbeinandi, sem Hrafnhildur Há-
konardóttir, einkaþjálfari, skoraði á
í síðustu viku með þeim orðum að
Guðný væri alltaf að hóta að bjóða
sér í mat en stæði aldrei við það! Nú
er næstum öruggt að Hrafnhildi verði
boðið í girnilega súpu og heilsudrykk
til Guðnýjar.
„Fyrri uppskriftina fékk ég hjá
þeim hjónum Degi B. Eggertsyni og
Örnu Einarsdóttur, en þau buðu mér
ásamt fleirum í mat um daginn og
ég kolféll fyrir súpunni eins og aðrir í
matarboðinu,“ segir Guðný. „Ég ákvað
að deila uppskriftinni sem Dagur
sendi mér með lesendum DV. Súpan
er mjög saðsöm og auðveld í eldun og
þar af leiðandi tilvalin að elda meðan
skrafað er við gesti. Ég er sjálf búin að
elda súpuna fyrir fjölskylduna og hún
hitti í mark og þótti mjög góð - hvílir
sennilega aðra rétti sem eru eld-aðir
fyrir fjölskylduna. ,,Kærar þakkir Dag-
ur fyrir uppskriftina. Ekki spillir fyr-
ir að drekka svo sem eitt hvítvínglas
með súpunni !“
Súpan
l tOm KHa KaI
l thai Chicken-coconut soup
l 3 bollar kjúklingasoð
l 1 dós (14OZ) kókosmjólk
l 1/3 bolli engifer, fínt saxað
l 1 bolli kjúklingabringa skorin í bita
l 1/2 bolli villtir sveppir
l 1 1/2 teskeið lime -safi
l 2 matskeiðar hrásykur
l 1 matskeið thai fiskisósa
l 2 teskeiðar thai chilli massi (paste)
l 1/2 bolli Kóríanderlauf
l Chilli saxað eða dverg chilli ( má
sleppa)
Setjið saman kjúklingasoð, kókos-
mjólk og engifer í stóran pott, látið
suðuna koma upp og hrærið í eina
mínútu. Bætið kjúklingnum í og hrær-
ið í aðra mínútu. Að lokum eru svepp-
um, lime safa, hrásykri, chilli massan-
um og fiskisósunni bætt út í og hrært
í eina mínútu á meðan suðan kemur
upp. Hellið í skálar og setjið kóríand-
erlaufin ofan á. Til að hafa súpuna
sterkari, bætið þá ofan á hverja skál
sneið af chilli. Með súpunni má bera
fram til dæmis hrísgrjón og þá eru þau
sett út í súpuna, eins má setja núðlur
út í hana. Einnig er gott að bera fram
ferskt salat eða ristað brauð.
Græni heilSudrykkurinn
„Hér er ekki um eiginlega uppskrift
samkvæmt kokkabókum að ræða,
heldur er bara slurkað í þetta og mæli-
einingin aðallega lófinn.“
l spínat
l ruccola salat
l Vatn
l gulrætur
l avakado
l mangó
l Banani
l radísur
l dass af ávaxtasafa
Allt sett saman í blandara og klaka
bætt í eftirá. Ég mæli eftir tilfinningu
í þennan drykk, salatið gæti rúmast í
hálfri könnu í blandaranum, um það
bil fjórar litlar gulrætur, tvær radísur,
1/2 avakado og vatnið að smekk, eftir
því hvað drykkurinn á að vera þunn-
ur. Til að auðvelda þetta má segja að
best sé að hafa 60% græna og 40%
ferska ávexti og helst, lífrænt ræktað
græmeti og ávexti, gott er að bæta ör-
lítið af engifer út í drykkinn, það gerir
hann enn bragðmeiri.
Drykkinn hef ég sem rúsínuna í
pylsuendanum eða bara einan og sér
sem millibita hvort heldur sem er fyrir
eða eftir æfingu. Hann er bæði orku-
og próteinríkur og góður fyrir melt-
inguna. Drykkurinn er ómissandi í
undirbúningi mínum fyrir Hvanna-
dalshnjúk sem ég ætla að kífa í vor
með félögum mínum hjá Íslands-
pósti og svo býður mín Kilimanjaro,
þangan stefni ég í haust með hópi frá
Ferðafélagi Íslands.
Hægt er að láta hugmyndaflug-
ið ráða um hvað drykkurinn verður
görugur og um að gera að prófa sig
áfram. Eins er bara hægt að nota af-
ganginn af salatinu sem haft var með
matnum kvöldið áður, en þá verður
það að hafa verið án olíu.
Steikt grænmeti
með klettasalati
Fyrir 6-8
l 1 eggaldin
l 1 kúrbítur
l 2 rauðar papríkur
l 2 gular papríku
l 125 g klettasalat
l 3 msk ólífuolía
l 50 g svartar ólífur með steini
l 50 g grænar ólífur með steini
sjávarsalt
l nýmalaður svartur pipar
l 4 msk balsamico
skerið eggaldinið í aflangar sneiðar og
síðan í stafi. saltið og látið standa í 30
min, skolið þá upp úr köldu vatni. skerið
kúrbítinn í stafi og papríkurnar í strimla.
stekið allt grænmetið í ólífuolíunni í 5-7
mín. takið grænmetið af pönnunni og
kælið. Blandið grænmetinu saman við
klettasalatið og ólífurnar. Veltið upp úr
balsamico rétt áður en það er borið
fram og kryddið með salt og pipar.
U m s j ó n : J a n u s S i g u r j ó n s s o n . N e t f a n g j a n u s @ d v . i s
&Matur vín
Ljósfælið vín
Það er ekki sama hvernig vín er geymt. Það þarf að geymast á dimmum stað
því talið er að ljós geti haft skaðleg áhrif á litarefni og gæði vínsins. Það er
ástæða þess að vínflöskur eru litaðar. Kampavín og freyðivín eru sérstaklega
viðkvæm fyrir ljósi. Það er líka gott að hafa í huga að það er misskilningur að
öll vín batni við geymslu. flest vín eru gerð með það fyrir augum að vera
drukkin ung og halda sér kannski í 2-3 ár eftir að þau koma á markað.
Guðný Aradóttir einkaþjálfari og stafgönguleiðbeinandi Matgæðingurinn
Lambalæri
með eplum og grófu
sinnepi
Fyrir 6-8
l 1 úrbeinað lambalæri
l 1 epli, Coxorange
l 3 hvítlauksrif
l 2 msk grófkornótt sinnep
l salt
l nýmalaður svartur pipar
l 4 stilkir steinselja, helst ítölsk
skerið epli og hvítlauksrif í litla teninga
og blandið saman við sinnepið.
Nuddið lærið upp úr salti og pipar.
Komið eplafyllingunni inn í lærið ásamt
steinseljunni.
Lokið lærinu og bindið saman með mat-
arsnæri.
steikið í ofni við 190°C í 1 klst og 45 mín.
Látið kjötið standa í 10 mín áður en það
er skorið í sneiðar.
Berið gjarnan fram með chutney
(kryddaðri sultu).
Súpa oggrænn hollustudrykkur
Guðný skorar á Hafdísi Jónsdóttur,
Dísu í World Class, að vera næsti
matgæðingur DV:
„Ég ætla að skora á Dísu, því eins
og alþjóð veit er Dísa hollustan út
í gegn og ég veit að hún eldar mjög
góðan fisk. Ég skora einnig á hana
að koma með góðan hollustudrykk.“
Staðsetning ráðstefnunnar eða fundarins er ekki síður mikilvæg en fyrsta
flokks aðbúnaður og þjónusta.Við bjóðum allt þetta; frábæra staðsetningu í
hjarta borgarinnar, þrjá glæsilega sali með öllum nauðsynlegum tæknibúnaði
og fyrirtaks veisluþjónustu.
Kynntu þér þjónustu okkar og skoðaðu matseðla á www.veislukompaniid.is
eða hringdu í síma 517 5020 og veislan er í höfn!
Fundur í miðborginni
Lækjargötu 2a 101 Reykjavík s 517 5020 www.veislukompaniid.is
F
í
t
o
n
/
S
Í
A