Fréttatíminn - 17.12.2010, Page 74

74 andi jólanna Helgin 17.-19. desember 2010

JÓLAGJÖFIN Í ÁR:-)

HÚLLAHRINGUR! SKEMMTILEG NÝJUNG:-)
Þungir, bólstraðir og eru frábær æfingatæki
sem styrkja maga, mitti, mjaðmir, bak og læri.
Uppl í síma 6953764,
www.hullahringir.is

Kristrún
Eyjólfsdóttir
er leikmynda-
hönnuður
Sjónvarpsins og
fær þar útrás
fyrir sköpunar-
gleðina.
Þykir vænt um
allt skrautið
K
ristrún Eyjólfsdóttir er leikmyndahönn­
uður hjá Sjónvarpinu og sér meðal annars
um sviðsmynd Stundarinnar okkar þar sem
hún fær tækifæri til að leika sér og fá útrás
fyrir sköpunargleðina. Heimili hennar, lítil
risíbúð í miðbænum, fer ekki varhluta af hæfileikum
hennar þar sem Kristrún er búin að skreyta fyrir jólin.
„Fjölskyldan mín skreytir mikið fyrir jólin og foreldar
mínir hafa notað sama jólatréð ár eftir ár og því er nánast
drekkt í skrauti. En það er ég sem sé um að skreyta það
og hleypi engum öðrum að,“ segir Kristrún hlæjandi.
Íbúð Kristrúnar er undir súð sem takmarkar rýmið
en Kristrún nýtir það til hins ýtrasta. Stofan stendur í
jólabjarma frá jólaljósum og hvítu jólatré. „Fyrst maður
er með gervitré er fínt að fara alla leið og hafa það mjög
gervilegt,“ segir Kristrún. Á veggina hefur hún fest upp
snjókorn úr pappír. „Þetta eru snjókorn sem ég klippti út
fyrir Stundina okkar, og ég lagði svo mikla vinnu í þau að
ég tímdi ekki að henda þeim og skreytti meira að segja
nokkra pakka með þeim.“
Í glugganum eru jólakúlur í hvítum vösum. „Mér
fannst vasarnir eitthvað svo tómlegir og prófaði þá að
setja kúlurnar í þá. Ég á svo mikið af jólakúlum því ég
kaupi nýjar nánast árlega og vil ekki alltaf nota sömu
litina. Ein jólin tók ég mig til og festi kúlur með kennara­
tyggjói á vegginn og lét þær mynda stóran spíral,“ segir
Kristrún.
En hvert er uppáhaldsjólaskrautið?
„Það er erfitt að segja, kannski jólatréð með öllu sínu og
auðvitað stóra silfur jólakúluskrímslið í loftinu, en ég get
eiginlega ekki gert upp á milli. Mér þykir sérstaklega vænt
um það skraut sem ég hef fengið í afmælisgjafir í gegnum
árin. Það er kostur að eiga afmæli í desember.“ -keva
Jólakúlur í glugga undir súð og hvítt jólatré lýsir
upp stofuna. Kristrún Eyjólfsdóttir leikmynda-
hönnuður skreytir vel fyrir jólin.
„Fyrst maður er með gervitré er fínt að fara alla leið og hafa það mjög gervilegt,
segir Kristún.
Lítil handgerð mús situr
á gardínustönginni og
horfir yfir stofuna.
Silfur jólakúluskrímslið
eins og Kristrún kallar það,
fékk hún frá frænda sínum.
Upprunlega er það úr IKEA.
Snjókornin eru
klippt úr úr
hvítum pappír
og gerði
Kristrún þau
upprunalega
fyrir Stundina
okkar.
 Nýtt
Ljósmyndir uppi á vegg
Ljósmyndir eftir íslenska ljósmyndara fást
í nýju galleríi ArtPhotos sem var stofnað af
þremur ungum konum.
Í nýstofnuðu ljósmyndagalleríi er hægt að kaupa ljósmyndir eða leigja enda markmiðið að auðvelda aðgengi að ljósmyndalist. Galleríið, sem heitir
ArtPhotos, eiga þær Berglind Andrésdóttir, Rakel
Björt Jónsdóttir og Bára Kristjánsdóttir sem luku allar
nýverið námi í listrænni ljósmyndun. Þær segjast hafa
áttað sig á því að unnendur ljósmynda ættu ekki auð­
velt með að ganga inn í verslun og velja sér ljósmynda­
list, og hafi því ákveðið að stinga sér í djúpu laugina
með stofnun ArtPhotos.
Allar ljósmyndirnar sem eru til sölu eru eftir konur
og meðal þeirra sem eiga þar verk eru Sólný Pálsdóttir,
María Kristín Steinsson, Rebekka Guðleifsdóttir, Rúna
Dögg Cortes, Ólöf Erla Einarsdóttir, María Katrín, Ruth
Ásgeirsdóttir, Ásdís Eva Ólafsdóttir og Ásta Sif.
Galleríið er til húsa í Skipholti 35. Sjá artphotos.is -keva Updraft heitir þessi mynd eftir grafíska hönnuðinn Ólöfu Erlu.