Læknablaðið - 15.03.1990, Blaðsíða 42

162
LÆKNABLAÐIÐ
mældar með viðteknum ensýmaðferðum á
rannsóknarstofu Fjórðungssjúkrahússins á
Akureyri. Við mælingu á heildarkólesteróli
var notuð ensýmvirk litrófsmæling sem
fyrirtækið Boehringer Mannheim GmbH
Diagnostica sér um hvarfefni fyrir. Þessi
mælingaraðferð er skráð undir sérheitinu
’Monotest’. Við mælingar á HDL-kólesteróli
var notuð mælingaraðferð frá sama aðila
þar sem kýlómíkrón, VLDL og LDL fitur
eru fyrst felldar út með fosfótungstensýru
og magnesíum jónum, en HDL-kólesteról
sem verður í floti eftir skiljun mælt með
’Monotest’ mælingaraðferð.
Tölfræði og marktækni voru reiknuð með
aðstoð »STATVIEW 512« TM forrits fyrir
Macintosh tölvuvinnslu. Marktækni styðst
við t-test. LDL-kólesteról var fengið með
nálgunarútreikningi samkvæmt eftirfarandi:
Heildarkólesteról - HDL-kólesteról -
þríglýseríðar/2,2 = LDL-kólesteról. Þessi
aðferð er talin allörugg, ef þríglýseríðar eru
<4,5 mmól/1 (»10«), I upphafi meðferðar
voru 40 mg lóvastatíns gefin daglega með
kvöldverði. Eftir 6 vikur var skammtur
aukinn í 80 mg lóvastatíns með kvöldverði,
ef heildarkólesteról mældist ennþá >5,2
mmól/1. Skammtur lyfsins var aukinn hjá 33
einstaklingum.
NIÐURSTÖÐUR
Við upphaf lyfjagjafar mældust blóðfitur
þátttakenda sem hér segir: Heildarkólesteról
var á bilinu 7,5-11,7 mmól/1, meðaltal 9,23
mmól/1. LDL-kólesteról var á bilinu 5,5-9,3
mmól/1, meðaltal 7,16 mmól/1. Þríglýseríðar
voru 0,93-3,97 mmól/1, meðaltal 1,7 mmól/1.
HDL-kólesteról var 0,8-2,0 mmól/1, meðaltal
1.3 mmól/1. Hlutfallið LDL-kólesteról á móti
HDL-kólesterólí var 2,94-9,28, meðaltal
5,83. Tíu einstaklingar voru með hækkaða
þríglýseríða (>2,3 mmól/1).
Breytingar á eftirlitsbreytum hvað varðar
blóðfitur urðu eftirfarandi:
1. Heildarkólesteról: 7,46-11,65 mmól/1 í
upphafi (meðaltal 9,23 mmól/1); 4,39-
7,57 mmól/1 eftir 6 mánuði (meðaltal 6,06
mmól/1) (sjá mynd 1).
2. LDL-kólesteról: 5,5-9,3 mmól/1 í upphafi
(meðaltal 7,16 mmól/1); 2,99-5,71 mmól/1
eftir 6 mánuði (meðaltal 4,14 mmól/1) (sjá
mynd 2).
Blóöfitur einstaklinga
• Heildarkólesteról I upphafi o Heildarkólesteról í lok
Mynd 1. Heildarkólesteról fyrir og eftir sex mánaöa.
meðferð með lóvastatíni.
LDL-kólesteról einstaklinga
• LDL-kólesteról í upphafi o LDL-kólesteról í lok
Mynd 2. LDL-kólesteról fyrir og eftir sex mánaða
meöferð með lóvastatíni.
• Þríglýseríð I upphafi o Þriglýseriö í lok
Mynd 3. Þríglýseríðar fyrir og eftir sex mánaða
meðferö meö lóvastatíni.
3. Þríglýseríðar: 0,93-3,97 mmól/1 í upphafi
(meðaltal 1,69 mmól/1); 0,53-2,95 mmól/1
eftir 6 mánuði (meðaltal 1,29 mmól/1) (sjá
mynd 3).
\