Læknablaðið - 15.10.1991, Page 49

LÆKNABLAÐIÐ
327
SKYLDUR LÆKNA í UMRÆÐUNNI UM
FORGANGSRÖÐUNINA
Læknar hafa skyldu til að tjá sig umfram það,
sem veit einungis að ráðgjöf um einstaka
sjúkdóma eða líffæri og ekki nægir að
þeir komi einungis fram sem talsmenn
þrýstihóps, þó svo hópurinn beri fram
réttmætar kröfur. Með öðrum orðum sagt:
Læknar hafa siðferðilega skyldu til þess að
tjá sig út frá heildarsýn til samfélagsins og
heilbrigðiskerfisins.
Lykilorðið í brýnni umræðu um
forgangsröðunina á næstu árum er
trúverðugleiki.
Heilbrigðisstarfsmenn verða að leggja sitt
af mörkum í nauðsynlegri og vísindalega
viðeigandi upplýsingamiðlun. Það gera þeir
ekki sem siðræn ofurmenni (því sú manngerð
er, eins og við vitum, ekki til). Það gera
þeir hins vegar sem borgarar með sérstaka
ábyrgð. I þeim tilvikum hugsa þeir ekki
einungis um eigin sjúklinga, heldur um alla
þá sjúklinga sem þeir komast ekki í snertingu
við og viðurkenna þar með rétt hinna til
heilbrigðisþjónustu.
Povl Riis
Greinin er útdráttur úr erindi fiuttu á
Landspítalanum 25. marz 1991.
(Örn Bjarnason íslenzkaði.)