Læknablaðið - 15.04.1994, Blaðsíða 5

LÆKNABLAÐIÐ 1994; 80: 127-131
127
Einar Oddsson'*, Hallgrímur Guöjónsson1), Sigurður Björnsson4), Ólafur
Gunnlaugsson5), Ásgeir Theodórs41, Martin Gormsen6), Ólafur Steingrímsson3>,
Jóhann Heiðar Jóhannsson2), Bjarni Þjóðleifsson 1>
UPPRÆTING Á HELICOBACTER PYLORI
SÝKINGU HJÁ SJÚKLINGUM MEÐ
MELTINGARÓNOT
- Langtímaáhrif á einkenni
ÁGRIP
Langtímaárangur af meðferð með collóídal
bismúth subcítrate (CBS), með lyíleysu
(CBS+L) eða með metrónídasól (CBS+M)
var rannsakaður hjá 69 sjúklingum með
meltingarónot og Helicobacter pylorí
sýkingu. Athugað var hve margir losnuðu
við sýkinguna, áhrif lyfjameðferðar á
einkennin og áhrif upprætingar á H. pylorí á
meltingarónotin. Sjúklingarnir höfðu þrálát
meltingarónot frá efri hluta kviðarhols
sem höfðu varað í að minnsta kosti fjórar
vikur, en enga aðra sögu um sjúkdóma í
meltingarfærum. H. pylori sýking var staðfest
með ureasaprófi, ræktun og vefjaskoðun.
Sjúklingarnir fengu af handahófi CBS 240
mg tvisvar á dag í fjórar vikur og lyfleysu
þrisvar á dag í 10 daga (34 sjúklingar) eða
CBS 240 mg tvisvar á dag í fjórar vikur og
metrónídasól 400 mg þrisvar á dag í 10 daga
(34 sjúklingar). Þeir skráðu einkennin (engin,
betri eða óbreytt) daglega í fjórar vikur meðan
meðferðin var gefin og vikulega í 22 vikur.
Kannað var hvort H. pylori sýking væri til
staðar í 12. og 26. viku.
Við 12 vikna skoðun höfðu 6% (2/32) í
CBS+L hópnum losnað við H. pylori, en 37%
(11/30) í CBS+M hópnuin (p<0,05). Áhrif
á meltingarónot í fjórðu og 12. viku voru
góð í báðum hópum, en sjö sjúklingar sem
fengu CBS+L og fimm sem fengu CBS+M
höfðu fengið upphafleg einkenni að nýju eftir
26 vikur (ekki marktækt). Áhrif H. pylori
upprætingar á einkenni voru ekki marktæk
Frá 1>lyflækningadeild Landspítala, 2)meinafræðideild
Rannsóknastofu Háskólans, 3>sýkladeild Rannsóknastofu
Háskólans. 4>lyflækningadeild Borgarspítala,
5)|yflækningadeild Landakotsspítala, 6>Brocades Pharma,
Kaupmannahöfn. Fyrirspurnir, bréfaskipti: Bjarni
Þjóðleifsson, lyflækningadeild Landspítalans, 101 Reykjavík.
eftir 12 vikur, en við 26 vikna skoðun var
marktækt (p<0,00005) betri árangur hjá þeim
sem höfðu losnað við H. pylori. Niðurstaðan
er að uppræting á H. pylori hafði jákvæð
áhrif, en þau komu fyrst fram eftir 26 vikur.
INNGANGUR
Meltingarónot (non-ulcer dyspepsia) er
algengur kvilli og orsök hans óþekkt. I
yfirlitsgrein um lækningatilraunir er komist
að þeirri niðurstöðu að engin meðferð hafi
sannað gildi sitt (1). Engu að síður eru lyf
oft notuð við þessum kvilla. Nýlega var
gerð könnun á notkun magalyfja á íslandi
og áætlað að um 40% lyfjaávísana væru
vegna meltingarónota, svipað og hjá öðrum
þjóðum (2,3). H. pylori orsakar magabólgu
af gerð B (antrum gastritis) og finnst mjög
oft hjá sjúklingum með skeifugarnarsár
(90%) og magasár (70%) (4). Sú skoðun
nýtur vaxandi fylgis að H. pylori sé einn
meginorsakaþáttur þrálátra skeifugarnarsára
(4), en hlutverk sýkilsins í meltingarónotum
er óljóst. Algengi sýkingarinnar vex með
aldri bæði hjá þeim sem hafa meltingarónot
og einnig þeim sem eru einkennalausir, en
virðist samt marktækt meira hjá þeim sem
hafa meltingarónot (5-7). Fylgni H. pylori
sýkingar við meltingarónot er ekki eins náin
og við maga- eða skeifugarnarsár. Um 40%
sjúklinga með meltingarónot hafa H. pylori
sýkingu (5,7) en tengsl sýkingar og einkenna
eru óljós (7). Orsakir meltingarónota eru
vafalítið margvíslegar, en vel er mögulegt
að hjá hluta sjúklinga tengist þær H. pylori
sýkingu. Skammtíma lækningatilraunir sem
annað hvort bældu (8) eða útrýmdu (9) H.
pylori hjá sjúklingum með meltingarónot
sýndu hins vegar gagnstæðar niðurstöður.
Tilgangur rannsóknar okkar var að athuga