Læknablaðið - 15.04.1994, Blaðsíða 13

LÆKNABLAÐIÐ
135
Við síðustu augnskoðun fjórum mánuðum
síðar var sjón 6/6 á báðum augum en aukin
virkni í glærusýkingunni. Sjúklingur fékk á
ný acyclovir smyrsli. Hann kom ekki aftur
í augnskoðun en þegar síðast var vitað var
glærusárið nokkuð vel gróið.
Sjúklingur 6: Sjúklingur greindist HIV-
jákvæður og með alnæmi samtímis. Fór í
augnskoðun sjö mánuðum eftir greiningu
vegna móðu fyrir augum. Sjón var þá
6/9 á báðum augum og sjóntaugarrýrnun
beggja vegna. Visual Evoked Potential
(VEP) rannsókn á Landspítala sýndi lengdan
leiðslutíma í báðum sjóntaugum og mislangan
milli hægri og vinstri. Rúmum mánuði
síðar hafði sjón hrakað í 6/36 á hægra auga
og 6/60 á vinstra auga samfara aukinni
sjóntaugarrýrnun. Sjúklingur var settur á
ganciclovir og síðan foscarnet meðferð án
mælanlegs gagns.
Við síðustu skoðun, rúmu ári eftir að hann
fékk alnæmi, var sjón 1/60 á hægra auga og
fingurtalning á vinstra auga. Sjúklingurinn var
búinn að vera blindur í átta mánuði þann 30.
september 1993. Aldrei sáust nein merki um
æðasjúkdóma né sýkingar í augnbotni.
Sjúklingur 7: Sjúklingur greindist HIV-
jákvæður og með alnæmi samtímis. Kom til
augnskoðunar rúmum tveimur árum eftir að
hann greindist með alnæmi, vegna ljósblossa
frá vinstra auga. Sjón var 6/5 á báðum augum.
Skoðunin sýndi fífubletti og CMV sjónubólgu
í báðum augum og var hafin meðferð með
ganciclovir. Augnskoðanir tveimur og þremur
vikum síðar sýndu batnandi sjónubólgu og
óbreytta sjón.
Sjúklingur lést tveimur mánuðum eftir að
hann greindist með CMV sjónubólgu.
Sjúklingur 8: Sjúklingur fékk alnæmi tveimur
árum eftir að hann greindist HlV-jákvæður.
Fjóru og hálfu ári eftir að hann fékk alnæmi
kom hann til augnskoðunar eftir að hafa haft
ljósblossa og ský fyrir hægra auga í fjóra
daga. Við skoðun sást CMV sjónubólga í
hægra auga og fífublettir í báðum augum.
Sjón var 6/6 á báðum augum. Sjúklingur var
þá þegar kominn á meðferð með ganciclovir.
Einum og hálfum mánuði eftir að sjónubólgan
greindist var hún enn virk og hafði sjón
hrakað í 6/9 á hægra auga en óbreytt á því
vinstra. Þremur vikum síðar hafði sjónubólgan
hjaðnað, sjón var þá 6/9 á hægra og 6/6 á
vinstra auga.
Sjúklingur 9: Sjúklingur var greindur HIV-
jákvæður og með alnæmi á sama tíma.
Við augnskoðun tæpum tveimur árum eftir
greiningu alnæmis sást CMV sjónubólga í
vinstra auga. Sjón var 6/5 á vinstra auga en
6/6 á hægra auga. Sjúklingur var settur á
foscarnet og síðan á ganciclovir meðferð. Við
augnskoðun mánuði síðar var sýkingin í rénun
og sjón óbreytt.
UMRÆÐA
Þann 30. september 1993 hafði 81
einstaklingur greinst HlV-jákvæður á íslandi.
Af þeim höfðu 29 fengið alnæmi. Rannsókn
okkar byggðist á gögnum um 12 HlV-smitaða
sjúklinga. Níu þeirra höfðu greinst með
augnfylgikvilla sjúkdómsins 30. september
1993, þar af voru átta með alnæmi en sá
níundi með forstigseinkenni sjúkdómsins.
Æðabreytingar: Algengustu augnfylgikvillar
alnæmis eru æðabreytingar í augnbotni (mynd
1), en þær eru fífublettir, blæðingar í sjónu,
háræðagúlar (microaneurysm), háræðavíkkanir
(telangiectasia) og æðabólgur. Fífublettir eru
langalgengastir en þeir sjást í augnbotnum
rúmlega 60% alnæmissjúklinga (1). Fífublettir
eru skemmd í taugaþráðalagi sjónu, sem
myndast vegna blóðþurrðar. Orsök þeirra er
óþekkt en hugsanlegar skýringar eru HIV-
sýking æðaþelsfrumna, útfelling ónæmisflétta
eða truflun á blóðflæði (3).
Sex af þeim 12 íslensku HlV-jákvæðu
sjúklingum sem skoðaðir voru höfðu fífubletti
í augnbotni.
Cytomegaloveiru sjónubólga: Fjölmargar
tækifærissýkingar hafa greinst í augum
#
Fig. 1. Retinal cotton-wool spots. Riglit eye, patient 4.