Læknablaðið - 15.04.1994, Blaðsíða 6

128
LÆKNABLAÐIÐ
áhrif meðferðar með collóídal bismút subcítrat
(De-Nol, Brocades Pharma) ásamt lyfleysu
(CBS+L) eða með metrónídasól (CBS+M)
hjá sjúklingum með meltingarónot og H.
pylori sýkingu. Kannað var hvaða áhrif
meðferðin hafði til upprætingar á H. pylori
eða á einkennin. Síðast en ekki síst voru
athuguð áhrif upprætingar á H. pylori á
einkenni sjúklinga með meltingarónot í 22
vikur eftir meðferð.
SJÚKLINGAR OG AÐFERÐIR
Allir sjúklingar á aldrinum 18-70 ára nteð
viðvarandi meltingarónot, sem höfðu varað
í að minnsta kosti fjórar vikur, voru taldir
hæfir í rannsóknina. Önnur skilyrði voru
almennt gott heilsufar og sérstaklega engin
saga um aðra meltingarsjúkdóma eða
aðgerðir. Sjúklingarnir voru valdir úr hópi
sjúklinga, sem annað hvort leituðu sjálfir til
meltingarsérfræðinga á stofu eða var vísað til
sérfræðings af öðrum læknum.
Magaspeglun var gerð hjá öllum við upphaf
rannsóknar til að útiloka sár í maga eða
skeifugöm eða æxli. Fjögur magasýni voru
tekin innan 5 cm ffá portverði (pylorus) og
athuguð með tilliti til H. pylori sýkingar
með Quick ureasa (CLO) prófi (Tri Med
Specialities Inc. U.S.). Einnig voru sýni send
í ræktun á blóð agar og Skirrows æti og
vefjasneiðar skoðaðar með Warthin Stairy
litun. Stofnarnir vom geymdir við -70°C
og næmi fyrir metrónídasól prófað við lok
rannsóknarinnar. Hammörk (MIC) voru
könnuð með agarþynningu í þéttninni frá
4 /ig/ml til 64 //g/ml. Eingöngu vom taldir
hæfir í rannsóknina sjúklingar sem höfðu
jákvæða ræktun eða vefjaskoðun hvað varðar
H. pylori og jákvætt CLO eða Jatrox próf.
Ómskoðun var gerð þar sem ástæða þótti til
að útiloka sjúkdóma í gallblöðru eða briskirtli.
I byrjun rannsóknar voru þau einkenni sem
sjúklingar töldu mest áberandi (eitt til þrjú
einkenni) skráð. Hvert einkenni var skráð á
þriggja punkta kvarða, það er engin einkenni,
betri eða óbreytt/verri. Sjúklingurinn skráði
einkennin daglega meðan á meðferð stóð en
vikulega eftir það.
Framkvæmd rannsóknarinnar var þannig: I
upphafi var tekin sjúkrasaga, magaspeglun
framkvæmd og sýni tekin. Ef ureasa próf
var jákvætt og skilyrði að öðru leyti uppfyllt
var sjúklingurinn tekinn inn í rannsóknina
og afhent dagbók. Sjúklingarnir fengu síðan
í tilviljanaröð CBS 240 mg tvisvar á dag í
fjórar vikur ásamt lyfleysu þrisvar á dag í 10
daga eða CBS 240 ntg tvisvar á dag í fjórar
vikur og metrónídasól 400 mg þrisvar á dag
í 10 daga. Eftir fjórar vikur komu sjúklingar
aftur og afhentu dagbækur og það sem eftir
var af lyfjunum. Sjúklingar sem höfðu tekið
innan við 90% af lyfjunum voru flokkaðir
sem óhæfir í rannsóknina. Þriðja heimsókn
var eftir 12 vikur þegar sjúklingar afhentu
dagbækur og fóru í magaspeglun og sýnatöku
eins og við upphaf rannsóknar. Fjórða
heimsókn var í 26. viku og var þá framkvæmd
sams konar skoðun. Þeir sjúklingar sem voru
H. pylori jákvæðir við 12 vikna skoðun voru
þó ekki magaspeglaðir. Sjúklingarnir voru
beðnir um að taka ekki magalyf meðan á
rannsókninni stóð, það er að segja frá fjórðu
og fram til 26. viku. Sjúklingar sem tóku engu
að síður H^ blokka, ómeprasól, súkralfat eða
mísóprostól voru flokkaðir sem verri. Kí rótar
(X2) próf með Yates leiðréttingu og nákvæmt
Fishers próf var notað við staðtölulegan
samanburð. P gildi innan 0,05 voru talin
marktæk.
NIÐURSTÖÐUR
Af 69 sjúklingum sem upprunalega voru
teknir inn í rannsóknina reyndist einn
vera H. pylori neikvæður við ræktun og
vefjaskoðun og var þess vegna ekki tekinn
með í úrvinnslu. I hvorum hópi voru því 34
sjúklingar sem voru sambærilegir hvað snertir
aldur, kyn, einkenni, tímalengd einkenna og
reykingar (tafla I). Þrjátíu og tveir sjúklingar
luku meðferð með CBS+M, tveir hættu vegna
aukaverkana og tveir voru ekki teknir með
Tablc 1. Patient characterístics.
CBS+M CBS+P
Number of patients 30 32
Age (mean, range) 50 (28-70) 43 (22-65)
Male/female 11/19 13/19
Duration of present history (weeks) 24 29
Mairi symptom:
Epigastric pain, day 22 26
Epigastric pain, night 2 0
Nausea 1 1
Vomiting 0 0
Heartburn 2 1
Upper abdominal discomfort 2 2
Excessive fiatulence 1 2
Other 0 0