Læknablaðið - 15.02.1997, Blaðsíða 7

LÆKNABLAÐIÐ 1997; 83
83
reykingar eru þau alltaf betri en þær og flestum
sem reyna að hætta að reykja mistekst engu að
síður. Ókosturinn er að nikótínlyf viðhalda
ávana og fíkn í nikótín. Við skammta að vild í
lyfjatilraunum þar sem sjúklingum er séð fyrir
nikótínlyfjum, sér að kostnaðarlausu, verður
nikótín í bláæðablóði þó aðeins um 30-40% af
því sem verður við reykingar. Áhætta á hjarta-
og æðasjúkdómum eða lungnasjúkdómum eða
krabbameinum af völdum nikótínlyfja hefur
ekki komið fram.
Reynslan hefur sýnt að unnt er að hamla
gegn reykingum þótt árangurinn sé ekki skjót-
fenginn. í góðri bók stendur: „Guð er að vísu
nokkuð dýrseldur kaupmaður, en hann svíkur
aungvan." Við eigum ekki að hika við að gefa
rétt ráð. Aðalatriðið er að hörð stefnan gegn
reykingum sé mörkuð af þeim sem til þess eru
kosnir og skipaðir, það er Alþingi og ráðuneyti
heilbrigðismála. Þeirri stefnu á að halda frá ári
til árs og frá áratugi til áratugar óháð stjómar-
skiptum. Til þess þarf fjármagn, aðstöðu og
starfslið. í kjölfar lagasetningar um tóbaks-
varnir 1985 varð 10% fall á næstu 10 árum en
síðan kyrrstaða. Ný lagasetning kom því miður
ekki fyrr en 1996. Nýju lögin veita ný tækifæri
og framlög til tóbaksvarna voru stóraukin.
Endurhæfing fyrir reykingamenn á Heilsu-
stofnun NLFÍ og endurmenntun fyrir starfs-
fólk heilbrigðisþjónustunnar á sviði tóbaks-
varna eru einnig úrræði sem nýlega komu fram
að frumkvæði heilbrigðisráðuneytis. Fagleg
vinnubrögð af þessu tagi vekja alltaf samhljóm
í stofnunum heilbrigðisþjónustunnar.
Þorsteinn Blöndal,
Heilsuverndarstöð Reykjavíkur og
lyflækningadeild Landspítalans