Læknablaðið : fylgirit - 31.07.1995, Blaðsíða 49

LÆKNABLAÐIÐ 1995; 81
49
Sigurður Samúelsson. Málverk Benedikts Gunnarssonar, listmálara.
þjónustan dýrari. En hún verður líka betri. Hún
verður nákvæmari og ákveðnari og betri fyrir
sjúklinginn. En maður heyrir nú sönginn, ekki
aðeins hér, heldur alls staðar, að þessi þjónusta sé
orðin alltof dýr. Það má vel vera. En góð þjónusta
verður alltaf dýr.
Ég get nefnt dæmi um heimilislækni, nýkominn
heim frá námi. Ég kom upp á deild til Jóns Þor-
steinssonar, og hann er eitthvað úfinn. Ég fer að
spyrja, og hann fer að hlæja og segir: „Nú er orðið
laglegt. Það er bara heimtaður af manni sjúkling-
urinn. Ég er hér með gigtarsjúkling í meðferð og
heimilislæknirinn hringir núna og heimtar sjúk-
linginn, hann hafi ekkert meira hjá mér að gera.“
Það er sjúklingsins hagur, að læknirinn viti sem
allra mest um sjúkdóminn, sem hann þjáist af.
Það er erfitt fyrir nokkurn lækni að fallast ekki á
þetta, og þetta á að vera lækninum hvati til að
viðhalda og auka við þekkingu sína.
Þegar göngudeild fyrir háþrýsting var sett á
stofn, mætti það nokkurri andspyrnu meðal heim-
ilislæknanna. Formaður Læknafélags Reykjavík-
ur kvaddi okkur Snorra Pál Snorrason til fundar
ásamt tveimur heimilislæknum. Við Snorri bent-
um á að venja væri, að göngudeildir störfuðu við
alla kennsluspítala, og nú þegar hefðu nokkrar
þeirra starfað um árabil. Nauðsyn væri á ákveðnu
eftirliti og rannsóknum hjá fólki með hækkaðan
blóðþrýsting. Eftir nokkurt pex var fundi slitið,
en göngudeildin hélt áfram starfsemi sinni.
Göngudeild háþrýstings veitti heilbrigða sam-
keppni, sem varð sjúklingunum til góðs, en
þróaðist líka yfir í að vera rannsóknardeild, þar
sem árangur lyfjameðferðar er skoðaður; alveg
eins og á göngudeild fyrir hækkaða blóðfitu. í dag
hafa læknafélögin ekkert við þetta að athuga.
Rekstur göngudeilda til rannsókna er yfirlýst
markmið læknafélaganna, en var það ekki þá.
Það er viss togstreita milli einkareksturs og
þess, sém mætti kalla stofnanareksturs, og það er
ekkert óeðlilegt, ef rekstrarskilyrðin eru þau
sömu. Davíð Davíðsson tók strax stefnu, sem