Nýtt Helgafell - 01.04.1957, Side 26

Smásaga eftir
SHIRLEY JACKSON
Morguninn 27. júní var bjart veður og
sólskin og ferskur hásumarylur í lofti.
Blóm vóru hvarvetna sprottin út og djúp
grænka í grasi. Þorpsbúar fóru að safnast
saman á torgið milli pósthússins og bank-
ans um tíuleytið: sumar borgir vóru það
mannmargar, að happdrættið stóð í tvo
daga og varð að byrja hinn 26., en í þessu
kauptúni bjuggu eitthvað 300 manns, svo
að athöfnin stóð ekki lengur en tvær
stundir; hún gat byrjað klukkan tíu og
allir verið búnir að ijúka sér af og komnir
heim fyrir mat.
Börnin komu fyrst á vettvang eins og
gefur að skilja. Vorprófum var nýlokið,
svo að þau voru ennþá á báðum áttum;
þau hnöppuðu sig þögul stundarkorn, áður
en þau byrjuðu að ærslast, og töluðu um
skólann og kennarann, um lestur og snupr-
ur. Bobby Martin hafði troðið grjóti í vasa
sína, og bráðlega fóru aðrir strákar að
dæmi hans; þeir tíndu sér sléttustu og koll-
óttustu steinana. Bobby og Harry Jones
og Dickie Delacroix báru saman stóreflis
grjóthrúgu á einu liorni torgsins og vörð-
ust þar ránsferðum hinna. Telpurnar stóðu
álengdar og vóru að stinga saman nefjum,
en litu öðru hverju um öxl til drengjanna;
smábörnin kútveltust í rykinu, ellegar þau
hengu á systkinum sínum, sem eldri vóru.
Ekki leið á löngu, áður en karlmennirnir
tóku að hópa sig: þeir gáfu börnum sínum
auga, en spjölluðu um sáningu og úr-
komu, dráttarvélar og skatta. Þeir stóðu
í þyrpingu nokkuð álengdar við steina-
hrúguna, smágerðu að gamni sínu og
brostu dálítið en hlógu sem minnst. Konur í
snjáðum morgunkjólum og hnappapeys-
um komu eilítið á eftir mönnum sínum.
Þær heilsuðust og spurðust tíðinda á leið
til bænda sinna, en staðnæmdust. síðan
þögular við hlið þeirra. Bráðlega fóru þær
að kalla á börn sín, en þau gegndu illa, svo
að þær urðu að kalla oft. Bobby Martin
smaug hlæjandi undir handlegg móður
sinnar, þegar hún ætlaði að grípa hann,
og hljóp aftur að grjóthrúgunni. Faðir
hans kallaði til hans höstuglega og Bobby
kom um hæl og staðnæmdist milli föður
síns og elzta bróður.
Happdrættinu — og sömuleiðis þjóð-
dönsunum og ungmennafélaginu — stýrði
Summers; hann var atorkumaður og mátti
vera að sinna félagsstörfum. Hann var
búlduleitur glaðværðarmaður og átti kola-
—
Shirley Jackson er handarískur höf-
undur og hefir einkum sknfað smá-
sögur í hið ágœta tímarit, The New
Yorker. Happdrættið (The Lottery)
birtist þar fyrir nokkrum árum (1947)
í fyrsta sitmi.
--------------------—