Árbók skálda - 01.12.1958, Blaðsíða 15

lo
Þetta, sem hér er sagt, er raunverulega það, sem þegar hefur gerzt
í framþróuninni.
Sú þjóð, sem tekst fyrst að vaxa upp úr hinu pólitíska ofstæki, mun
vísa öðrum þjóðum braut. En hvaða þjóð það verður skal ég ekki segja
neitt um.
En nú myndi einhver vilja spyrja: Hver eru helztu einkenni hinna
útvöldu listamanna og vísindamanna?
Vísindamenn eins og Nevvton og Einstein, voru skáldlegir í sínum
vísindum, en listamenn eins og Bach og Shakespeare voru vísindalegir í
sínum skáldskap. Og séu slíkir andar trúaðir, hafa þeir trúna á sínum
stað, vísindin á sínum stað og listina á sínum. Grautarleg hugsun er
þeim framandi. Og slíkir menn hafa ekki aðeins stórt og gott hjarta, heldur
einnig mikinn og góðan heila.
En á öllum tímum hafa margir verið kallaðir, en fáir útvaldir.