Sveitarstjórnarmál - 01.03.1997, Blaðsíða 35
UMFERÐARMÁL
Stefnt er aö því aö fá tleiri til þess aö velja strætisvagn í staö
einkabils eöa bils númer tvö.
tengingum við göngu- og lijólastíga. í áætluninni er
einnig lagt til að hjólreiðamenn noti strætisvagna á viss-
um leiðum.
Endurskoðun leiðakerfis SVR, nýjar skiptistöðvar og
aukin ferðatíðni er mikilvægur áfangi í þeirri viðleitni
að fá fleira fólk til þess að velja strætisvagna í stað
einkabflsins eða í stað bfls númer tvö.
Aógeróir til úrbóta fyrir fatlaöa
vegfarendur
Reykjavíkurborg hefur lagt sérstaka áherslu á að bæta
aðgengi fyrir fatlaða. I því skyni hafa fláar verið settir á
gangstéttir og við gatnamót og bekkjum hefur verið
komið fyrir á gönguleiðum. Haldið verður áfram að
setja fláa á gangstéttir. Ennfremur er lagt til að huga bet-
ur að staðarvali umferðarmerkja, ljósastaura og annarra
hindrana sem valda fötluðum erfiðleikum. Víða hefur
verið komið upp sérmerktum bifreiðastæðum fyrir fatl-
aða og hefur það gefist vel. Rétt er að fjölga slíkum
stæðum. Stæðin auka aðgengi fatlaðra og draga úr slysa-
hættu. Mikilvægt er að aðrir vegfarendur virði rétt fatl-
aðra til sérmerktra bflastæða. I samráði við Blindrafé-
lagið hafa verið sett hljóðmerki fyrir blinda á gangbraut-
arljós. Ennfremur þarf að hvetja til virðingar fyrir „hvíta
stafnum".
Aógeröir í aöaigatnakerfinu
Aðalgatnakerfi borgarinnar þjónar mikilvægu hlut-
verki. Það þarf að vera greiðfært en jafnframt verður að
taka tillit til umhverfisins og umferðaröryggi verður að
vera innbyggt í skipulagið. Með úrbótum á aðalgatna-
kerfmu má ná fram umtalsverðri fækkun á óhöppum og
slysum. Mikilvægt er að umferð sé skipulögð á þann
Fláar auövelda fötluöum aö komast lelöar slnnar.
veg að mesta umferðin sé á aðalgatnakerfinu, m.a. til
þess að koma í veg fyrir að óviðkomandi umferð leiti í
gegnum íbúðahverfin. Nýlega var gerð skýrsla um úr-
bætur á Miklubraut m.a. til þess að efla umferðaröryggi.
Af stórframkvæmdum má nefna að framkvæmdir á
Vesturlandsvegi/Artúnsbrekku, sem lokið verður við á
þessu ári, munu auka umferðaröryggi verulega. Mislæg
gatnamót við Skeiðarvog eiga einnig eftir að bæta um-
ferðaröryggi á þessum fjölfamasta þjóðvegi Iandsins. Á
vel útfærðum mislægum gatnamótum er lág slysatíðni,
því að umferðarstraumar eru aðskildir.
Viðbótarbeygjuakreinar á Kringlumýrarbraut/Miklu-
braut og fjögurra fasa umferðarljós eru einnig dæmi um
framkvæmdir sem ráðist verður í á næstu árum og munu
auka umferðaröryggi á þessum stað. Vert er að geta þess
að Miklabraut er þjóðvegur og verða allar meiri háttar
aðgerðir þar greiddar úr ríkissjóði.
Aögeröir í umferöaröryggismáium
I umferðaröryggisáætlun er lagt til að haldið verði
áfram að skilgreina hættulega götukafla, eða gatnamót,
stundum kallaðir „svartblettir“ og koma með tillögur um
lagfæringar. Markmiðið er að laga ákveðna staði í gatna-
kerfinu á þann veg að umferðaröryggi aukist.
Sjálfvirkt umferöareftirlit
Reykjavíkurborg er frumkvöðull að sjálfvirku umferð-
areftirliti í umferðinni. Borgarstjórinn í Reykjavík af-
henti lögreglunni í Reykjavík búnað til sjálfvirks um-
ferðareftirlits á sex gatnamót í Reykjavík í janúar 1997
og mun lögreglan í Reykjavík sjá um sektir og rekstur
rauðljósamyndavélanna. Að undirbúningi málsins var
einnig unnið á vegum dómsmálaráðuneytisins og Um-
29
L