Sveitarstjórnarmál - 01.03.1997, Page 65

UMHVERFISMÁL
Erlend ráðgjöf á sviði fráveitumála
Tilraunaverkefni haustið 1996
Guðrún S. Hilmisdóttir verkfrœðingur
Frá fundi þar sem norsku verkfræðingarnir kynnfu
niðurstööur sínar. Á myndinni eru, taliö frá vinstri,
Guðrún S. Hilmisdóttir greinarhöfundur, Jörund Ofte
og Yngve Johansen.
Frá kynningarfundinum með tæknimönnum sveitar-
félaga sem haldinn var í húsakynnum sambandsins
að Háaleitisbraut 11 í Reykjavík. Myndirnar meö frá-
sögninni tók Unnar Stefánsson.
í september 1996 komu hingað til
lands tveir norskir verkfræðingar,
þeir Jörund Ofte, verkfræðingur hjá
Verkfræðistofunni Vidar Tveiten í
Seljord-Skien og Yngve Johansen,
verkfræðingur hjá verkfræðistof-
unni Gröner í Tromsö. Þeir hafa
báðir starfað að hönnun fráveitna og
hreinsibúnaðar fyrir sveitarfélög í
Noregi. Þeir voru fengnir hingað til
lands til að skoða fráveitumál í
sveitarfélögum hér á landi og gera
tillögur að úrbótum á sama hátt og
þeir myndu vinna slíkt fyrir sveitar-
félög í Noregi.
í upphafi var gert ráð fyrir að þeir
skoðuðu fráveitur fjögurra sveitarfé-
laga en að lokuni urðu tvö sveitarfé-
lög fyrir valinu, þ.e. Sauðárkróks-
kaupstaður og Rangárvallahreppur
vegna Hellu. Verkefnið er sam-
starfsverkefni umhverfisráðuneytis,
félagsmálaráðuneytis, iðnaðar- og
viðskiptaráðuneytis, Sambands ís-
lenskra sveitarfélaga og Sauðár-
króks og Rangárvallahrepps og var
kostnaðaráætlun kr. 3.500.000. Til
verkefnisins fékkst fjárframlag frá
Norræna Atlantshafssamstarfinu
(NORA) sem nemur hluta af kostn-
aði sambandsins og umræddra
sveitarfélaga í verkefninu. Umsjón
með verkefninu hafa Smári Þor-
valdsson, starfsmaður fráveitu-
nefndar umhverfisráðuneytisins,
Bjami Þór Einarsson, framkvæmda-
stjóri Sambands sveitarfélaga í
Norðurlandskjördæmi vestra
(SSNV), og Guðrún S. Hilmisdóttir,
verkfræðingur hjá Sambandi ís-
lenskra sveitarfélaga.
í upphafi var settur fram eftirfar-
andi óskalisti fyrir verkfræðingana:
1. Gefa yfirsýn um reynslu Norð-
manna varðandi lausnir á
fráveitumálum.
2. Gera gróft mat á nú-
verandi stöðu fráveitna í
sveitarfélögunum tveimur.
3. Gera tillögu að úrbót-
um í fráveitum sveitarfé-
laganna með upplýsingum
um hönnunarforsendur
m.m.
4. Gera yfirlitsteikning-
ar fyrir úrbætur svo og
setja fram tillögur um við-
eigandi hreinsibúnað fyrir
staðina.
Verkefnið hófst með því
að haldinn var fundur með
fulltrúum frá Sauðárkróki
og Hellu og fleiri aðilum
þar sem norsku verkfræð-
ingarnir gáfu yfirsýn um
stöðu mála í Noregi. Síðan
dvöldust þeir á Hellu og
Sauðárkróki og skoðuðu
aðstæður með heima-
mönnum. Síðustu vikuna
unnu þeir síðan frum-
skýrslur fyrir Sauðárkrók
og Hellu. Dvöl norsku
verkfræðinganna lauk
með því að haldinn var
lokafundur þar sem þeir
kynntu frumskýrslur sínar og af-
hentu fulltrúum Sauðárkróks og
Hellu. Tæknimönnum sveitarfélaga
var boðið að koma á lokafundinn og
komu yfir 30 tæknimenn á hann.
Margt áhugavert kemur fram í
skýrslum norsku verkfræðinganna
um fráveitumál Hellu og Sauðár-
króks, svo sem hvernig þeir meta
stöðu í fyrirtækjum á báðum stöð-
unum, tillögur þeirra um ákvarðanir
í skipulagsmálum svo og tillögur að
lausnum fyrir staðina, svo aðeins
nokkur atriði séu nefnd.
Nokkrar minni háttar athuga-
semdir voru gerðar við frumskýrsl-
urnar og hafa þær verið sendar til
Norðmannanna sem eru nú að vinna
að lokaskýrslum fyrir Sauðárkrók
og Hellu. Fyrirhugað er að þýða þær
á íslensku og er stefnt að því að
skýrslurnar verði tilbúnar til dreif-
ingar innan tíðar.