Sveitarstjórnarmál - 01.03.1997, Blaðsíða 40

SKI PULAGSMÁL
2. mynd. Hluti Lindahverfis sem fjallaö er um í greininni.
Almenna verkfræðistofan hf. býr yfir öflugum hug-
búnaði til að reikna umferðarhávaða. Forritið heitir
TST0Y (Terrengmodellbasert beregning og analyse av
vegtrafikkstöy) og hefur verið þróað á rannsóknarstofn-
uninni SINTEF í Noregi. I forritinu er unnið með tölvu-
líkan af landslagi þannig að tekið er tillit til þeirra áhrifa
sem hæðir og hólar, hús og byggingar, lega vegar og
langhalli hafa á dreifingu hljóðs frá umferðinni. Aðalfor-
sendur útreikninganna eru meðal annars umferðarmagn,
umferðarhraði og hlutfall þungra bíla í umferðinni. For-
ritið byggir á norrænum reiknireglum við útreikning á
umferðarhávaða, sem eru sömu reiknireglur og miðað er
við í íslensku mengunarvamareglugerðinni nr. 48/1994.
Kópavogsbær hefur unnið skipulag að nýju íbúðar-
hverfi, Lindahverfi, sem er austan Reykjanesbrautar, það
er eitt skólahverfi með um 1000 íbúðum sem skiptist í
sérbýlishús, minni og stærri fjölbýlishús. Hluti þessa
hverfis snýr að Reykjanesbraut sem er stofnbraut, en
Fífuhvammsvegur, sem er tengibraut, liggur um mitt
hverfið. Gert er ráð fyrir þungri umferð um Reykjanes-
braut og einnig töluverðri umferð um Fífuhvammsveg,
mestri þó næst Reykjanesbraut. Þegar tillaga lá fyrir að
deiliskipulagi seinni áfanga hverfisins, sem verður norð-
an Fífuhvammsvegar, var reiknað væntanlegt hljóðstig á
svæðinu miðað við umferðarspár. Útreikningar staðfestu
þann grun að án aðgerða væri hljóðstig yfir viðmiðunar-
mörkum við nokkrar götur. I framhaldi af því var meðal
annars skoðað með hjálp reiknilíkansins hvernig hag-
kvæmast væri að setja upp hljóðtálma sem tryggðu að
viðunandi hljóðvist yrði í hverfmu. Með hliðsjón af nið-
urstöðum útreikninganna var ákveðið að byggja jarð-
vegsmanir meðfram Reykjanesbraut, Lindavegi og Fífu-
hvammsvegi. Deiliskipulaginu var einnig breytt lítils
háttar, m.a. voru nokkur hús næst Reykjanesbraut felld
út og háhýsi næst Fífuhvammsvegi lækkuð. Reikningar
bentu til þess að þær aðgerðir dygðu til að kröfum meng-
unarvarnareglugerðar um hljóðvist væri fullnægt í
Lindahverfi nema fyrir íbúðir á efstu hæðum nokkurra
fjölbýlishúsa. Þar sem ekki var talið æskilegt að breyta
deiliskipulaginu frekar en orðið var setti Kópavogsbær
að fengnu samþykki heilbrigðisnefndar fram sérstakar
kröfur um útfærslu þeirra íbúða þar sem umferðarhávaði
var áætlaður yfir viðmiðunarmörkum.
Eins og áður var getið þá eru viðmiðunarmörk fyrir
umferðarhávaða 55 dB(A) utan við glugga íbúðarhús-
næðis en innanhúss er miðað við 30 dB(A). Hægt er að
halda hljóðstigi innanhúss innan tilskilinna marka þrátt
fyrir of mikinn hávaða utanhúss með því að gera sérstak-
ar kröfur til byggingarinnar. Þær geta t.d. verið að setja
hljóðvamargler í glugga, hljóðgildrur í opnanleg fög eða
hljóðdeyfðar loftrásir til loftræsingar. Einnig getur verið
æskilegt að hafa svalir djúpar og með steyptu handriði
34