Morgunblaðið - 08.06.2012, Síða 18
18 FRÉTTIRInnlent
MORGUNBLAÐIÐ FÖSTUDAGUR 8. JÚNÍ 2012
STUTT
Sumri er fagnað í Viðey með hinni
árlegu Viðeyjarhátíð á morgun,
laugardaginn 9. júní.
Þetta er kjörið tækifæri fyrir alla
meðlimi fjölskyldunnar að halda
upp á skólalok og gleðjast saman í
sumarbyrjun, segir í tilkynningu,
enda skarti Viðey sínu fegursta og
fuglalífið í miklum blóma.
Margt er í boði á hátíðinni.
Hestaleiga verður starfandi allan
daginn, boðið upp á gönguferðir og
Þjóðdansafélag Reykjavíkur sýnir
dans. Á leiksvæðinu aftan Viðeyj-
arstofu geta ungir og aldnir brugð-
ið á leik með skátafélaginu Land-
nemum.
Klukkan 14 mun sr. Jakob Ágúst
Hjálmarsson leiða fjölskylduguðs-
þjónustu í Viðeyjarkirkju. Viðeyj-
arstofa er opin allan daginn og
hægt að njóta þar veitinga í mat og
drykk.
Nánari upplýsingar um ferju og
dagskrá er að finna á www.videy-
.com.
Morgunblaðið/Ómar
Viðeyjarhátíð
Í tilefni útgáfu bæklings Ferða-
þjónustu bænda, Beint frá býli,
og Opins landbúnaðar, „Upp í
sveit“, ætla yfir 100 bæir innan
þessara samtaka að hafa opið hús
sunnudaginn 10. júní kl. 13.00-
17.00.
Gestir munu geta skoðað gisti-
aðstöðuna á bæjunum, sótt nýja
bæklinginn, fengið kaffisopa,
spjallað við bændur og upplifað
sveitastemninguna.
Nánari upplýsingar og listi yfir
þá bæi sem bjóða heim hinn 10.
júní í hverjum landshluta má
finna á vefsíðu Ferðaþjónustu
bænda www.sveit.is.
Opið hús á yfir
100 sveitabæjum
Viðskiptafræðinemar frá Bifröst
munu flytja Bifrastarandann í
Kringluna um helgina.
Þeir verða staðsettir fyrir fram-
an verslanirnar Zöru og Hugo
Boss kl. 11-19 í dag og 10-18 á
morgun. Um er að ræða raunhæft
verkefni í markaðsfræði þar sem
nemendur sem að verkefninu
standa fengu algerlega frjálsar
hendur við markaðsherferðina.
„Völdu nemendur „pop-up“ leiðina
til að koma með Bifröst í bæinn
með Bifrastarandann meðferðis í
flösku,“ segir í tilkynningu frá
nemunum.
Flytja Bifrastar-
andann í Kringluna
Guðni Einarsson
gudni@mbl.is
Reglugerð um verklegt skotpróf
vegna hreindýraveiða (424/2012)
hefur ekki stoð í lögum og er því
marklaus, að mati Axels Kristjáns-
sonar hæstaréttarlögmanns. Hann
skorar á umhverfisráðherra að fella
reglugerðina þegar úr gildi og fela
Umhverfisstofnun (UST) að aftur-
kalla öll fyrirmæli um verklegt skot-
próf. Félag leiðsögumanna með
hreindýraveiðum telur einnig nauð-
synlegt að fella reglugerðina úr gildi
eða breyta henni og gerir miklar at-
hugasemdir við reglugerðina.
Axel rekur breytingu á lögum um
vernd, friðun og veiðar á villtum
fuglum og villtum spendýrum (64/
1994) sem gerð var í fyrra með setn-
ingu laga 63/2011. Þar er m.a. kveðið
á um hertar kröfur til hreindýra-
veiðimanna. Axel bendir á að þess-
um nýju fyrirmælum laganna fylgi
hvorki hvernig né hverjir skuli prófa
í verklegu skotprófi. Þá vanti heim-
ild til setningar reglugerðar um
framkvæmd prófsins í lögunum og
að þar séu ekki nein fyrirmæli um
að ráðherra skuli setja slíka reglu-
gerð. Telji ráðherrann nauðsynlegt
að setja reglugerð beri honum fyrst
að afla heimildar Alþingis til þess.
Axel bendir einnig á að reglugerð-
in hafi ekki verið sett fyrr en ellefu
mánuðum eftir að lögin tóku gildi.
Þá hafi UST látið líða 23 daga áður
en hún sendi veiðimönnum tölvupóst
og krafðist þess að þeir lykju próf-
inu fyrir 1. júlí nk. Axel segir að
verði reglugerðinni engu að síður
haldið til streitu sé ljóst að hún hafi
ekki tekið gildi fyrr en 7. maí síðast-
liðinn. Hún geti því ekki tekið til
þeirra sem höfðu fengið úthlutuð
veiðileyfi fyrir þann tíma og greitt
tilskilið staðfestingargjald.
Axel, sem hefur stundað hrein-
dýraveiðar allt frá 1963 og veitt
a.m.k. 50 hreindýr, gagnrýnir skot-
prófið og telur það miðast meira við
skotfimi en veiðihæfni. Hann segir
að reyndir veiðimenn noti eitt skot á
hverja bráð en í prófinu er veiði-
manni gert að skjóta fimm skotum á
fimm mínútum.
Leiðsögumenn eru óánægðir
Félag leiðsögumanna með hrein-
dýraveiðum (FLH) hefur og sent
UST og umhverfisráðuneytinu at-
hugasemdir vegna reglugerðarinn-
ar. FLH telur nauðsynlegt að fella
hana úr gildi eða breyta henni.
Stefnt verði að því að setja nýja
reglugerð tímanlega fyrir hrein-
dýraveiðarnar árið 2013.
FLH telur það t.d. ekki samræm-
ast villidýralögunum að krefjast
þess að í verklegu skotprófi noti
veiðimaður eða leiðsögumaður ná-
kvæmlega sama riffil og þeir nota í
veiðiferðum. Það telur enga lagastoð
fyrir því að hægt sé að svipta leið-
sögumann leyfi noti hann aðra byssu
á veiðislóð en í skotprófi.
Þá segir FLH ágalla reglugerð-
arinnar varðandi fyrirkomulag skot-
prófsins valda því að draga megi í
efa heimildir UST til að láta nið-
urstöðu prófsins hafa áhrif á um-
sókn um veiðileyfi. Það bendir á að í
14. grein villidýralaga sé kveðið á
um skotpróf en þar sé engin heimild
til að láta prófið taka á öryggisþátt-
um. „Verklegt skotpróf á ekki að
fela í sér endurupptöku á skot-
vopnaleyfi, heldur einungis fela í sér
próf í skothæfni veiðimanns.“ Þá tel-
ur FLH að draga megi í efa heimild
UST til að láta niðurstöðu skotprófs
hafa áhrif á umsókn um hreinýra-
veiðileyfi.
Segir reglugerð um
skotpróf án lagastoðar
Morgunblaðið/RAX
Hreindýr Í prófinu á að skjóta 5 skotum á 5 mínútum í 14 cm hring á 100 m.
Skorað á ráð-
herra að fella
reglugerð úr gildi
Reglugerðin kom seint
» Breyting á villidýralögum
var samþykkt á Alþingi 9. júní
2011.
» Dregið var um hreindýra-
veiðileyfi 25. febrúar sl. Ein-
dagi staðfestingargjalds var 2.
apríl sl. Veiðar byrja í júlí.
» Reglugerð um verklegt skot-
próf var sett 7. maí sl.
Helgi Bjarnason
helgi@mbl.is
„Við erum byrjaðir að flytja vinnu-
búðir og tæki vestur,“ segir Dofri
Eysteinsson, forstjóri Suðurverks.
Reiknar hann með að verklegar
framkvæmdir hefjist við lagningu
Vestfjarðavegar í Múlasveit í næstu
viku. Það er stærsta vegagerðar-
verkefni næstu ára.
Fyrsta verkið verður að gera veg
út að sjó í Kjálkafirði og útskipunar-
aðstöðu fyrir efni. Prammi verður
síðan notaður til að flytja efnið út á
fyrirhugaða vegfyllingu yfir fjörð-
inn. Það verður sett út í lögum þann-
ig að botnlögin nái að jafna sig og
geti borið veginn og brúna. Þegar
vegfyllingin verður komin upp úr sjó
verður brúin byggð á þurru landi en
grafið undan henni þegar hún verð-
ur tilbúin. Mest af efninu kemur úr
skeringum á nýja vegstæðinu en
einnig úr námum.
Vegurinn verður seinna lagður
yfir Mjóafjörð með sömu aðferð.
Dofri hefur unnið að fjölbreyttum
verkefnum og er ekki ókunnugur
vegfyllingum sem þannig eru gerð-
ar. Nefnir hann Dýrafjarðarbrúna
sem Suðurverk vann að með Klæðn-
ingu. „Þetta eru mikið vegskeringar
og við þurfum að sprengja töluvert
af klöpp. Það höfum við allt gert áð-
ur. Við höfum ekki haft brúargerð
með höndum fyrr en erum með
öflugan undirverktaka í því.“
Verpti ekki í vor
Umhverfið er viðkvæmt og heyrð-
ust gagnrýnisraddir þegar Vega-
gerðin var að undirbúa verkið. Skil-
yrði voru sett um að ekki mætti
trufla arnarvarp. Það verður ekki
vandamál í sumar því örn verpti ekki
í vor í þeim þremur hreiðrum sem
liggja ofan í nýja vegstæðinu. Dofri
hefur heldur ekki áhyggjur af því að
trufla. „Örninn hefur bara gaman af
svona framkvæmdum. Við höfum
sprengt þarna fyrir vestan fyrir ann-
an verktaka. Þá var örn uppi í klett-
um og hann kom til að skoða,“ segir
Dofri.
Nýi vegurinn liggur á milli Eiðis í
Vattarfirði og Þverár í Kjálkafirði.
Hann er 16 km að lengd, um 8 km
styttri en núverandi vegur.
Samkvæmt útboði á að vera komið
bundið slitlag á meginhluta leið-
arinnar haustið 2014 en verkinu að
ljúka ári síðar. Suðurverk tók að sér
að leggja veginn fyrir tæpa 2,5 millj-
arða en verkið í heild kostar yfir 3
milljarða.
Morgunblaðið/Helgi Bjarnason
Þverun Siglt verður með efni á pramma í fyllingar í Mjóafirði og Kjálkafirði.
Byrja á aðstöðu til
að skipa út efni
Örninn vill fylgjast með vinnunni
Umhverfisvæn ræsting
með örtrefjum
Stangarhyl 4, 110 Reykjavík, Sími: 520 7700
raestivorur.is
Ræsting með örtrefjaklútum
og moppum er hagkvæmari
og skilar betri árangri