Helgafell - 01.05.1942, Page 16

104
HELGAFELL
flotinn norski var á veiðum í Suður-
höfum, er stríðið skall á í Noregi, og
voru skipshafnirnar kallaðar í herþjón-
ustu að veiðitímanum loknum. Talið
er, að hinn nýi norski landher hafi
fengið ágætan vopnabúnað og æfingu
í nútíma hernaði. Yfirmaður hans er
Fleischer hershöfðingi.
Um það bil einn tugur norskra her-
skipa komst undan, er stríðinu í Nor-
egi lauk. Nú munu vera um 60 herskip
í flotanum, að vísu aðeins tundurspill-
ar og þaðan af smærri skip, en þau
inna af hendi mikilvægt hlutverk, veita
kaupskipalestum vernd, slæða tundur-
dufl o. s. frv. Norsku sjóliðarnir hafa
getið sér hinn bezta orðstír fyrir dugn-
að sinn og hreysti. Komst brezkur að-
míráll nýlega svo að orði, að hann
væri stoltur af því að hafa forustu
meðal slíkra bandamanna. Yfirforingi
norska flotans er Corneliussen aðmír-
áll.
NORSKI KAUP- Hér hæfir að geta
SKIPAFLOTINN norska kaupskipaflot-
ans. Hann er langverðmætasta eignin,
sem hinir frjálsu Norðmenn ráða yfir.
í köldum og ömurlegum fjallakofa á-
kvað stjórnin 22. apríl 1940 að taka
verzlunarflotann eignarnámi í þágu rík-
isins meðan styrjöldin stæði yfir. Lang-
mestur hluti hans, eða um 3/i millj.
smálesta, er nú í förum fyrir Banda-
menn. Mörg þessara skipa eru nýleg
og mjög hraðskreið, þar á meðal margt
olíuflutningaskipa. Fróðir menn hafa
áœtlað, a<5 norsl^i verzlunarflotinn jafn-
gildi einni milljón vopnaSra og vel
œfðra hermanna. Má af því marka, að
Norðmenn hafa stórveldisaðstöðu í
styrjöldinni sem siglingaþjóð. Með tekj-
um af kaupskipaflotanum geta Norð-
menn kostað þátttöku sína í stríðinu og
staðið í skilum um vexti og afborganir
erlendra skulda. — Fjárlagaveitingar
norsku stjórnarinnar á fyrra árshelm-
ingi 1942 nema um 121/2 milljón
sterlingspunda, og má af því gera sér
í hugarlund, að tekjur verzlunarflotans
eru engir smámunir. — Á norskum
skipum í siglingum fyrir Bandamenn
munu starfa um 22000 sjómenn. Þeir
hafa nú í tvö ár leyst af höndum erf-
itt og hættulegt starf, fjarri föðurlandi
sínu og ástvinum, og margir hafa lát-
ið lífið í baráttunni. Ymsar sögur eru
sagðar um hreysti einstakra manna og
skipshafna og um hinn óbilandi kjark,
sem margir sjómenn hafa sýnt með því
að stunda áfram siglingar, þótt skip
þeirra hafi verið skotin í kaf og þeir
lent í lífshættu og hrakningum hvað
eftir annað. Norska þjóðin mun seint fá
endurgoldið sjómannastétt sinni hina
miklu þakklætisskuld við hana fyrir
trúmennsku og vel unnið starf í þágu
fósturjarðarinnar.
LOFTFLOTINN Segja má, að hinn nýi
loftfloti Norðmanna sé þeim einna
hjartfólgnastur. Yfirmaður hans er Rii-
ser-Larsen aðmíráll. Hann var stýri-
maður loftfarsins ,,Norge“ undir stjórn
Roald Amundsens í Norðurskautsleið-
angrinum 1926. Sumarið 1940 var sett
á stofn æfingastöð fyrir norska flug-
nema í Toronto í Kanada, og hafði
Riiser-Larsen yfirumsjón með því
verki. — Æfingastöðvar flugmannanna
þar bera heitið ,,Little Norway“ og
þykja vera til fyrirmyndar í hvívetna.
Nú eru norskar flugmannasveitir fyrir
löngu komnar á vettvang, svo sem
kunnugt er. Riiser-Larsen hefur flutzt
til Bretlands og tekið við yfirstjórn
þeirra, en skólinn í Toronto starfar á-
fram, og er enginn hörgull á nemend-
um þar.
í marzmánuði síðast liðnum samein-