Morgunblaðið - Sunnudagur - 28.10.2012, Qupperneq 46

46 MORGUNBLAÐIÐ SUNNUDAGUR 28.10. 2012
Í myndum
F
anndís, sem nú er 22 ára, var ein þeirra fótboltastelpna sem brutu ísinn þegar
landsliðið tók þátt í lokakeppni Evrópumótsins í Finnlandi fyrir þremur árum.
Fanndís er aftur á leið á EM næsta sumar, eftir frækilegan sigur á Úkraínu á
fimmtudagskvöldið. Birta Sól og félagar hennar í Evrópumeistaraliðinu voru heið-
ursgestir á þeim leik. Hún er 18 ára Reykjavíkurmær sem er í fimleikafélaginu
Gerplu í Kópavogi. Fanndís býr í Hafnarfirði en leikur með Breiðabliki í Kópavogi.
Þær hittust í fyrsta skipti í gær, fimleikastelpan sem sneri sér að fótbolta, og fótboltastelpan
sem tók fimleikana fram yfir! Og báðar eru alsælar og skælbrosandi. Enda full ástæða til.
Fanndís: „Mér líður gríðarlega vel. Það er svo gaman þegar svona margir koma að
horfa á okkur eins og núna á fimmtudagskvöldið.“
Birta Sól: „Okkur fannst mjög gaman á vellinum og leikurinn var rosalega spennandi
eftir að staðan varð 2:2. Við vorum samt vissar um það allan tímann að okkar stelpur
myndu vinna eftir að þær skoruðu tvisvar snemma í leiknum.“
Fylgdist þú með Evrópumótinu í fimleikum, Fanndís?
Fanndís: „Nei, við vorum í Úkraínu að keppa þannig að ég gat það ekki. En ég sá að
margir á Facebook voru alveg að tapa sér; OMG, fimleikastelpurnar eru alveg
geeeeðveikt flottar! Það er leiðinlegt að segja frá því að hafa ekki fylgst með, en það
var ekkert sýnt frá mótinu í Úkraínu...“
Í ljós kemur að báðar stunduðu bæði fimleika og fótbolta sem börn, Fanndís í Vest-
mannaeyjum en Birta Sól í borginni. Fóru svo hvor sína leið. En hvers vegna völdu
þær sér grein eins og raun ber vitni?
Fanndís: „Ég valdi fótboltann þegar ég var um það bil tíu ára. Smá út af pabba lík-
lega en ég var reyndar allt of mikill trukkur til að vera í fimleikum! Ég var líka svo
frek, var alltaf að reyna að svindla og troða mér fremst í röðina. Það virkar víst ekki
í fimleikunum...“
Faðir Fanndísar, Friðrik Friðriksson, var landsliðsmarkvörður í fótbolta og Nanna Leifsdóttir,
móðir hennar, var skíðadrottning Íslands á árum áður. Þá var Guðbrandur Lárusson, faðir
Birtu Sólar, góður körfuboltamaður.
Birta Sól: „Ég var í fótbolta með Þrótti og spilaði stundum körfubolta með frænku
minni, Anitu Carter í Njarðvík, sem er í unglingalandsliðinu. En ég valdi fimleikana
út af systur minni, Söndru Sif, sem er líka í fimleikum og hefur orðið Íslandsmeistari.
Ég leit mjög mikið upp til hennar.“
Fanndís: „Ég gat ekki æft skíði þó mamma hefði kannski viljað það. Við bjuggum í
Vestmannaeyjum þegar ég var lítil og þar var ekki hægt að vera á skíðum.“
Heldurðu að þú eigir eftir að fylgjast með EM í Svíþjóð næsta sumar, Birta?
„Já, örugglega. Ég er reyndar ekki mikið inni í fótboltanum lengur en fylgist með af
því að þetta skiptir svo miklu máli. Og það var skemmtilegt á vellinum á fimmtudag-
inn. Stelpunum í fimleikalandsliðinu fannst mjög gaman; þær brostu hringinn og
klöppuðu mikið þegar Ísland skoraði þó þær fylgist ekki með fótbolta venjulega. Ein
sagðist hafa farið einu sinni á fótboltaleik áður, þegar hún var átta ára, og þetta var í
fyrsta skipti sem ég fer á landsleik.“
Ertu jafn liðug og þegar þú varst í fimleikum, Fanndís? Eða varstu kannski aldrei liðug?
Fanndís: „Nei, ég var aldrei liðug. Kannski var það þess vegna sem ég hætti í fim-
leikum og fór í fótboltann!“
Sástu einhverja nógu liðuga á vellinum á fimmtudagskvöldið til að hún gæti staðið sig í fim-
leikum?
Birta Sól: „Nei, enga...“
Fanndís: „Skiljanlega!“
Eru einhverjir eiginleikar sem koma sér vel í báðum greinum?
Fanndís: „Kraftur og styrkur. Og svo hugarfarið auðvitað.“ Birta Sól tekur undir það.
Upplifið þið ekki mikinn meðbyr í samfélaginu eftir þennan frábæra árangur?
Fanndís: „Jú, og Siggi Raggi hefur breytt mjög miklu á síðustu árum með því að
skrifa pistla og tala um þau markmið sem hann vill að við setjum okkur. Okkur hefur
verið tekið rosalega vel á undanförnum árum og áhuginn er enn að aukast; margir
mættu á völlinn á móti Úkraínu og það var ógeðslega skemmtilegt. Margir sem mað-
ur bjóst við að hefðu ekki neinn áhuga á fótbolta töluðu við mann um leikinn og að
þeir ætluðu að mæta. Það var algjör snilld.“
Skynjið þig ekki sama áhuga á fimleikalandsliðinu í samfélaginu ?
Birta Sól: „Jú, við verðum greinilega varar við mikinn áhuga þótt margir viti ekki
hvað við erum að gera. Sumir bekkjarfélagar mínir töluðu t.d. um það, sögðust hafa
verið ógeðslega spenntir að horfa á okkur í sjónvarpinu en vissu samt eiginlega ekki í
hverju ég væri að fara að keppa.“
Fanndís: Ég skil ekki reglurnar í fimleikum. Fær maður mínus ef maður réttir ekki
úr ristinni og svoleiðis?
Birta Sól: „Já, það er frádráttur fyrir bogna fætur eða ef maður gerir stökkin ekki
nógu vel. Svo fara einkunnirnar eftir því hve erfið stökk við gerum.“
Niðurstaðan: Að beygja hnén í fimleikum er eins og að skjóta í stöng eða framhjá
markinu í fótbolta. Þessir glæsilegu fulltrúar íslenskra kvennaíþrótta halda svo glaðar
út í síðasta dag sumarsins. Þótt fyrsti vetrardagur sé að skella á er sannarlega vor í
lofti hjá þeim.
Stelpurnar
okkar
ÍSLENSKAR AFREKSKONUR
Fimleikakonan Birta Sól og knattspyrnumaðurinn Fanndís brugðu á leik fyrir ljósmyndara Morgunblaðsins.
Morgunblaðið/Kristinn
BIRTA SÓL GUÐBRANDSDÓTTIR ER EINN EVRÓPUMEISTARANNA Í
HÓPFIMLEIKUM FRÁ ÞVÍ UM SÍÐUSTU HELGI EN FANNDÍS FRIÐRIKS-
DÓTTIR OG STÖLLUR HENNAR Í KNATTSPYRNULANDSLIÐINU
TRYGGÐU SÉR Í VIKUNNI SÆTI Á EM Í SVÍÞJÓÐ NÆSTA SUMAR.
Skapti Hallgrímsson skapti@mbl.is
Fótbolti og fimleikar eru kannski ekki svo ólíkar greinar eftir allt saman. Báðar krefjast fótafimi.
Morgunblaðið/Kristinn
*Æfðu báðar fimleika og fótbolta. Þegar kom að þvíað velja eina grein valdi Fanndís fótboltann en BirtaSól valdi fimleikana. Þær eru greinilega á réttri hillu.