Morgunblaðið - Sunnudagur - 16.12.2012, Blaðsíða 9

16.12. 2012 MORGUNBLAÐIÐ SUNNUDAGUR 9
RÚV hefur gefið út fjóra mynddiska semeru með safni hinna vinsælu barna-þátta Stundin okkar, en fyrsta útsend-
ing þáttarins var á jóladag árið 1966 eða fyrir
46 árum.
Fyrsti umsjónarmaðurinn var Hinrik
Bjarnason. Brúður léku lykilhlutverk fyrstu
árin. Rannveig og Krummi komu fram 1967
og Fúsi flakkari 1969. Glámur og Skrámur
1972 og Páll Vilhjálmsson var næsta stjörnu-
brúðan. Fjöldinn allur af brúðum kom fram í
þáttum Helgu Steffensen 1987 til 1994. Keli
köttur var félagi Ástu Hrafnhildar 1997 til
2001.
Leiknar persónur voru einkenni á þáttum
Bryndísar Schram 1979 til 1983, þar sem Þór-
hallur Sigurðsson leikari þróaði margar af
þekktustu persónum sínum, s.s. Eirík Fjalar
og Þórð húsvörð. Elías (Sigurður Sigurjóns-
son) sló í gegn 1983 til 1985. Gunni og Felix
léku samnefndar persónur í þáttum sínum
1994 til 1996 en Þóra Sigurðardóttir og Jó-
hann G. Jóhannsson gengu skrefinu lengra
árið 2002 og bjuggu til persónurnar Birtu og
Bárð. Frá 2007 hefur þátturinn byggst á sam-
hangandi leiknum atriðum. Stígur og Snæfríð-
ur, Björgvin Franz sem húsvörður á ævin-
týraganginum og nú síðast Sunna Karítas
Oktavía Torfhildur Tildurrófa Aðaldal eða
bara Skotta.
Miklu efni eytt af spólunum
Sigríður Ragna Sigurðardóttir valdi efnið á
diskinn ásamt Eggert Gunnarssyni sem er
dagskrárgerðarmaður Stundarinnar okkar.
Sigríður Ragna var yfirmaður barnaefnis á
RÚV frá 1985 til 2010. Í samtali við Sunnu-
dagsblað Morgunblaðsins sagði hún að það
væri mikil synd hversu miklu af þessu efni
hefði verið eytt. „Hér á árum áður voru menn
alltaf að taka yfir þetta efni og nota spólurnar
aftur og aftur,“ segir Sigríður Ragna. „Það
virðist hafa verið tilviljun hvaða þættir voru
varðveittir og hvaða þáttum var eytt. Því mið-
ur hafa margar gersemar verið eyðilagðar.
En þetta var spennandi verkefni og ég get
ekki ímyndað mér annað en að viðtökurnar
verði góðar. Það er mikið efni á diskunum eða
um 180 mínútur á hverjum diski. Þetta er sett
upp eins og einn þáttur. Hver diskur er með
7-8 þætti upp á 23 mínútur,“ segir hún.
Jóladiskurinn í uppáhaldi
Byrjað er á elstu þáttunum en endað á þeim
nýrri. „Svo er einn diskurinn bara jólaþættir,
þar sem er Stundin okkar á hinum ýmsu jól-
um. Það koma mörg börn fram í þessum þátt-
um sem síðar áttu eftir að verða mjög þekkt
fólk. Þetta er sögulegt að mörgu leyti og er
óskaplega skemmtileg upprifjun. Persónulega
er ég mest hrifin af jóladisknum sem er
óskaplega skemmtilegur,“ segir Sigríður
Ragna.
Nú geta allir aftur
orðið börn
Bryndís Schram stjórnaði Stundinni okkar frá
1979 til 1983 og var einkar vinsæll stjórnandi.
RÚV ÖFLUGT Í ÚTGÁFU EFNIS FYRIR JÓLIN - ROKKUÐ JÓL OG STUNDIN OKKAR
STUNDIN OKKAR HEFUR LEIKIÐ
STÓRT HLUTVERK Á FYRRI HLUTA
ÆVI SÉRHVERS ÍSLENDINGS.
Börkur Gunnarsson borkur@mbl.is
Felix Bergsson og Gunnar Helgason stjórnuðu
þættinum frá 1994 til 1996.
Margar frægar fígúrur og brúður hafa komið
fram í Stundinni okkar í gegnum árin.
Rannveig og Krummi komu fram árið 1967.
Nýbakaður rithöfundur var í raunundrandi hve fyrsta bók hans,Meistari hinna blindu, höfðaði til
margra í fyrra. „Ég fékk ekki mikið af dóm-
um eða mikla umfjöllun, en þeir sem lásu
voru almennt mjög ánægðir. Það kom mér á
óvart hve ég fékk góð viðbrögð frá breiðum
hópi fólks,“ segir Elí í samtali við Sunnudags-
blað Morgunblaðsins.
Gefur út sjálfur
„Systir mín, 11 ára, elskaði fyrri bókina og
líka miðaldra konur sem amma gaf hana. Það
er nú ekki beinlínis sá hópur sem flestir
halda að lesi svona bækur.“
Hann segir algengast að ungt fólk sé sólgið
í fantasíusögur „en ef saga er vel skrifuð get-
ur hver sem er lesið hana og ég get montað
mig af því að menn segja að mín hafi verið
vel skrifuð. Ég fékk þrjár og hálfa stjörnu í
Mogganum í fyrra og fjórar í Pressunni.“
Hann segir það taka sinn tíma að eignast
tryggan lesendahóp. „Það gekk ekki alveg
nógu vel að selja fyrstu bókina. Menn voru
því dálítið hikandi að gefa þessa út núna
þannig að ég ákvað að gera það sjálfur, fyrst
sem rafbók á emma.is en nú er líka hægt að
fá hana í Nettó, Eymundsson og Hagkaup og
ég borga prentunina sjálfur. Það er bara
prentað eftir eftirspurn þannig að ég vil
hvetja fólk til að kaupa bókina snemma ef
það vill eiga hana eða gefa í jólagjöf. Ég get
ekki látið prenta 500 eintök á Þorláksmessu.“
Nýja sagan er óbeint framhald af þeirri
sem kom út í fyrra. Hún gerist í „klass-
ískum“ fantasíuheimi á miðöldum, þar sem
mann fara um á hestum og berjast með
sverðum og öxum. „Heimurinn er í sárum
eftir hörmungar og þjóðfélagsupplausn;
ástandið er svipað og var í Evrópu eftir fall
Rómaveldis. Söguhetjan er uppgjafahermaður
sem barðist í miklu stríði fyrir 20 árum og
settist að í löglausri stórborg þar sem enginn
er við völd, glæpaklíkurnar hafa skipt henni á
milli sín, frumskógarlögmálið er við lýði þar
sem hinir sterku ráða en þeir aumu eru
traðkaðir undir.“
Elí er með Aspberger-heilkenni, sem m.a.
gerir það að verkum að hann er með skerta
félagskunnáttu. „Kannski gerir það mig nógu
sérvitran til að stunda þetta. Fólk hefur spurt
mig hvort það hjálpi til, kannski er það þann-
ig, ég veit það ekki, en það veldur því a.m.k.
að ég sit og skrifa frekar en að gera eitthvað
félagslegra. Og mér finnst gaman að vinna
við það að vera skrýtinn.“
Hann segist afar ánægður með að búa yfir
þeim hæfileikum að geta skrifað. „Þetta er
mitt stærsta áhugamál og mjög gefandi. Mér
finnst gaman að skapa sögur og persónur og
er uppfullur af hugmyndum. Ég ætla að
skrifa a.m.k. 10 bækur í þessari seríu og er
með aðra seríu í kollinum. Það er verst hvað
það tekur langan tíma að skrifa!“
Elí Freysson, lagermaður í Nettó og rithöfundur, við bókaborðið á vinnustað sínum á Akureyri.
Morgunblaðið/Skapti Hallgrímsson
SENDIR FRÁ SÉR FANTASÍUSKÁLDSÖGU ANNAÐ ÁRIÐ Í RÖÐ
Gaman að vinna við að vera skrýtinn
ELÍ FREYSSON ER MEÐ HEFTA FÉ-
LAGSKUNNÁTTU. HANN ER EKKI
MIKIÐ ÚTI Á LÍFINU EN LÍÐUR VEL
VIÐ TÖLVUNA OG SENDIR FRÁ SÉR
SKÁLDSÖGU ANNAÐ ÁRIÐ Í RÖÐ.
Skapti Hallgrímsson skapti@mbl.is
* „Ég ætla að skrifaa.m.k. 10 bækurí þessari seríu og er
með aðra í kollinum.“
Út er komin hjá Senu
platan Rokk & Jól -
Jól í Rokklandi - 35
súr og sæt jólalög
valin af Ólafi Páli
Gunnarssyni út-
varpsmanni. „Jóla-
músík er sér-
kennilegt en ótrúlega
skemmtilegt fyrir-
bæri,“ segir Ólafur Páll. „Hún skapar
stemningu fyrir jólin, kemur fólki í hið
margumtalaða jólaskap og með hverju
árinu sem líður fjölgar jólalögunum og
plötunum. Margt af því sem gefið er út
er alveg hræðilegt, en annað betra og
sumt er svo alveg frábært. Á þessu
jólalagasafni er margt gott og í það
minnsta áhugavert og lögin koma úr
öllum áttum.“
Hann kveðst stundum hitta fólk,
heyra í því í síma eða lesa viðtöl við
fólk sem segist ekki þola jólalög.
„Þetta viðhorf þykir mér alltaf svolítið
undarlegt, bera vott um ákveðna
þröngsýni vegna þess að jólalag og
jólalag er alls ekki að það sama. Jólalag
getur verið sálmur, en sálmur er ekki
endilega jólalag. Jólalag getur líka ver-
ið blús, en blús er ekki endilega jólalag.
Það eru til kristin jólalög og heiðin,
gleðileg jólalög, súr og sorgleg. Sum
jólalög eru alls ekki „jólaleg“ á neinn
hátt. Textinn getur fjallað um hvað jól-
in séu ömurleg á meðan önnur fjalla
um jólaást. Svo eru það bernskujólin,
heiðin jól, jólin í fangelsinu, jólin þegar
pabbi var fullur og dó undir jólatrénu á
aðfangadagskvöld, eða jólin þegar hún
María mín fór.“
Þröngsýni
að þola ekki
jólalög
Ólafur Páll
Gunnarsson