Morgunblaðið - Sunnudagur - 16.12.2012, Blaðsíða 23

16.12. 2012 MORGUNBLAÐIÐ SUNNUDAGUR 23
Skýringin á því að lögreglumennirnir
þrír æfa með þeim er sú að lögreglan
heldur að staðaldri ekki úti liði. „Þetta eru
einu löggurnar sem gætu orðið slökkviliðs-
menn,“ segir Helgi sposkur á svip. Hann
hvetur lögregluna til að gera á þessu brag-
arbót, stofna sitt eigið lið. „Ekki myndi
standa á okkur að skora á þá!“
Birkir Árnason, einn fárra slökkviliðs-
manna sem höfðu reynslu af íþróttinni, var
skipaður þjálfari og segir hann framfar-
irnar vera með ólíkindum. „Ég hef aldrei
séð þetta gerast svona hratt,“ fullyrðir
hann.
Leikið hefur verið reglulega við „old bo-
ys“-lið skautafélaganna og keppt í Utan-
deildinni í íshokkí. „Til að byrja með töp-
uðum við öllum leikjum stórt en núna
erum við ekki bara farnir að standa í lið-
unum, heldur vinna þau líka,“ segir Helgi.
Æfingatíminn, milli kl. 9 og 11 á morgn-
ana, vekur athygli en Helgi og Birkir
segja hann þannig til kominn að afar erfitt
sé að fá ístíma á höfuðborgarsvæðinu. Það
sé helst á morgnana eða nóttunni. „Þar
sem við vinnum á vöktum hentar þessi
tími okkur en það á ekki við um marga
hópa. Skortur á höllum er farinn að standa
íþróttinni fyrir þrifum. Væru hallirnar
fleiri, þó ekki væri nema ein í viðbót,
myndi iðkendum fjölga hratt,“ segir Birkir.
Meira en bara íþrótt
Ekki vantar áhugann í hópnum. „Ég hef
keppt í öllum mögulegum íþróttagreinum
gegnum tíðina en þetta er það skemmtileg-
asta sem ég hef gert,“ segir einn liðs-
manna, Óskar Steindórsson.
„Þetta er svo miklu meira en bara
íþrótt,“ bætir Birkir við.
Menn eru vígalegir í íshokkígallanum og
sú spurning vaknar hvort þeir séu á bak-
vakt á æfingum og gætu verið kallaðir út.
„Nei, það erum við ekki,“ svarar Helgi.
„Það tekur alltof langan tíma að komast úr
búningnum. Við æfum á frívaktinni.“
Framundan eru Heimsleikar lögreglu- og
slökkviliðsmanna í Belfast í ágúst á næsta
ári og þangað er förinni heitið. Um er að
ræða eitt stærsta íþróttamót í heimi með á
bilinu tíu til tólf þúsund keppendur. Keppt
er í öllu mögulegu á leikunum, svo sem
skeifukasti, dorgveiði, stigahlaupi og auðvit-
að kleinuhringjaáti en íshokkíið mun vera
stærsta greinin. Í fjáröflunarskyni fyrir
leikana hafa slökkviliðsmenn gert sérstök
dagatöl sem hægt er að kaupa í Smára-
lindinni. Ljósmyndirnar eru eftir Veru
Pálsdóttur.
Íslendingar hafa unnið til fjölda verð-
launa á leikunum gegnum tíðina og spurð-
ur hvort stefnt sé á verðlaun í íshokkíinu
næsta sumar hristir Helgi höfuðið.
„Nei, það er heldur snemmt. Takmarkið
í þessari lotu er að verða ekki drepnir!“
Leikmenn Brunavarðafélags Reykjavíkur vígreifir að æfingu lokinni.
Það er ekki tekið út með sældinni að verja markið í íshokkí.
Helgi Finnbogason segir skemmtigildi íþróttarinnar hafa komið á óvart.
* „Ég hef keppt í öllum mögulegumíþróttagreinum gegnum
tíðina en þetta er það
skemmtilegasta sem
ég hef gert.“
Birkir Árnason þjálfari
er hæstánægður með
framfarir leikmanna.
Hágæða sæn
gurverasett
og sloppar -
Mikið úrval
Jólagjöfin í ár
20%
afslát
tur