Morgunblaðið - Sunnudagur - 16.12.2012, Blaðsíða 57

16.12. 2012 MORGUNBLAÐIÐ SUNNUDAGUR 57
Hobbitinn, hin sígilda saga
J.R.R. Tolkiens, hefur verið
endurútgefin. Bókin kom fyrst
út árið 1937 og hefur frá þeim
tíma selst í milljónum eintaka.
Allir verða að kynna sér ævin-
týri Hobbitans og félaga hans
og leit þeirra að fjársjóði. Peter
Jackson hefur kvikmyndað
verkið og augu heimsins eru
því enn á Tolkien. Þessi útgáfa
er skemmtilega myndskreytt.
Sígildur Hobbiti
Hver var versta kona sög-
unnar? Vera Illugadóttir og
Helgi Hrafn Guðmundsson
eiga svar við því. Í Svörtu
bókinni kynna þau okkur fyrir
greifynjunni Elísabetu Bath-
ory sem lokkaði til sín sveita-
stúlkur og pyntaði þær til bana.
Vera og Helgi Hrafn segja einnig frá hryll-
ingnum í Úralfjöllum árið 1959 þar sem ungir
skíðamenn létu lífið á skelfilegan hátt. Líka frá
ræningjanum sem breyttist í skó og sömuleiðis
mannætukeisaranum í Mið-Afríku. Venjuleg am-
erísk húsmóðir með 300 persónuleika kemur
við sögu, en hún sagðist hafa étið um 2.000
manns á einu ári.
Fjölmargar aðrar sögur um myrkar hliðar
mannlífsins eru raktar í læsilegri, spennandi og
hrollvekjandi bók sem þeir fróðleiksfúsu lesa
upp til agna. „Engin lífvera getur keppt við mann-
inn í grimmd,“ segja höfundarnir og bókin stað-
festir það álit.
SAGAN UM VERSTU KONU SÖGUNNAR
OG ANNAR MERKILEGUR FRÓÐLEIKUR
Elísabet Bathory er talin versta kona sögunnar.
Samkvæmt Bókatíðindum er dýrasta
bókin í ár hátíðarútgáfa bókarinnar Ís-
lenskir fuglar eftir Benedikt Gröndal
en hún kostar 230.000 krónur.
Það segir sig sjálft að bókin er öll
hin veglegasta. Hún er nákvæm
eftirgerð handrits Benedikts sem
hann sagðist hafa lokið við alda-
mótaárið 1900. Önnur og ódýr-
ari útgáfa sömu bókar kom út
fyrir jólin í fyrra og kostar fullu
verði 14.900 kr. en hátíðar-
útgáfan er aðeins gefin út í 100
tölusettum eintökum. Hún er
handinnbundin og handsaumuð
saman í sérsútað leður af ís-
lenskum sauðum og í trékassa sem smíð-
aður er sérstaklega fyrir hverja bók, oftast
úr sænsku birki, en einnig öðrum viðarteg-
undum, nú síðast íslensku birki úr Hall-
ormsstaðarskógi.
Bókin er prentuð í Odda á gæðapappír
frá sænsku Munken-verksmiðjunum, sem
stæra sig af því að vera umhverfisvænasta
pappírsverksmiðja í heimi og framleiða
pappír sem endist öldum saman.
Íslenskir fuglar er gefin út í samstarfi
við Náttúrufræðistofnun Íslands en þar er
handrit Benedikts varðveitt. Bókelskir fag-
urkerar geta skoðað bókina í hönnunar-
versluninni ATMO við Laugaveg og hjá út-
gefanda, Crymogeu við Barónsstíg.
Veglegir fuglar Benedikts Gröndal.
DÝRASTA JÓLABÓKIN
Aðalpersónan í Ósjálfrátt,
skáldsögu Auðar Jónsdóttur, er
Eyja sem sest að í sjávarþorpi,
gift drykkfelldum manni sem er
miklu eldri en hún. Það er ekk-
ert launungamál að Auður
byggir bókina á eigin lífsreynslu
og segir sögu sína og fjölskyldu
sinnar. Umfram allt er þetta
þroskasaga Auðar sjálfrar og
lýsing á því hvernig hún verður
skáld.
Bókin er skemmtileg aflestr-
ar, full af hlýju og húmor. Kon-
urnar í sögunni eru sérlega eft-
irminnilegar, miklir karakterar,
sterkar og svipmiklar. Með
betri skáldsögum ársins.
Skáld og
sterkar konur
Eitthvað
fyrir alla
ÁHUGAVERÐAR BÆKUR
UNNENDUR ÆVISAGNA ÆTTU AÐ PANTA
ÆVISÖGU NONNA Í JÓLAGJÖF. SÚ BÓK SVÍK-
UR EKKI. BÓK AUÐAR JÓNSDÓTTUR HEFUR
VAKIÐ ATHYGLI OG SELST VEL. HOBBITINN ER
SVO KLASSÍK SEM RÉTT ER AÐ RIFJA UPP ÁÐ-
UR EN KVIKMYNDIN VERÐUR SÝND. ÖNNUR
FANTASÍA ER SVO Á MARKAÐI, METSÖLUBÓK
EFTIR RANSOM RIGGS, HEIMILI FRÖKEN PERE-
GRINE FYRIR SÉRKENNILEG BÖRN, EN HÚN
VERÐUR SENN KVIKMYNDUÐ. ÞAÐ ER NÓG
AF BÓKUM Á MARKAÐI OG ALLIR ÆTTU AÐ
FINNA EITTHVAÐ VIÐ SITT HÆFI.
Heimili fröken Peregrine fyrir sérkennileg börn eftir Ransom Riggs er
fantasíubók fyrir unglinga og þá fullorðnu sem eru svo lánsamir að hafa
varðveitt barnið í sér. Sérkennilegar og áhugaverðar myndir bókar-
innar eru hluti af söguþræðinum og kalla á sérstaka athygli lesandans.
Bókin hefur verið þýdd á fjölda tungumála og vakið athygli. Tim Burton
hyggst gera kvikmynd eftir sögunni og er einmitt rétti maðurinn til að
fara góðum höndum um ævintýraríkt söguefni. Aðalpersónan er hinn
sextán ára Jakob sem fer til afskekktrar eyjar og kynntist starfsemi á
merkilegu barnaheimili. Íslenskir bóksalar settu þessa bók í annað sæti
yfir bestu þýddu táningabókina.
Myndrík fantasíubók
Ævisaga Nonna eftir Gunnar F. Guðmundsson er ótvírætt ein af
bókum ársins. Höfundurinn hefur lagt mikla vinnu í verkið og um-
fjöllun hans einkennist af fagmennsku og djúpri virðingu fyrir við-
fangsefninu. Í bókinni tekst að draga upp lifandi mynd af merkilegum
manni sem kvaddi ættjörð sína tólf ára gamall og varð heimsfrægur
rithöfundur en varðveitti alltaf barnið í sér.
Það er einstaklega fallegur tónn í þessu vandaða og vel skrifaða
verki. Ævisaga sem á skilið að fá mikla athygli.
Einstaklega falleg
ævisaga Nonna
* Fyrstu ástir skipta naumast jafnmiklu höfuð-máli og greint er frá í skáldskap. Fyrnast einsog annað og nýtt tekur við. Menn lifa víst fram á við.
Álfrún Gunnlaugsdóttir
BÓKSALA 2.-8. DESEMBER
Allar bækur
Listinn er byggður á upplýsingum frá Rannsóknasetri verslunarinnar
1 Gísli á UppsölumIngibjörg Reynisdóttir
2 ReykjavíkurnæturArnaldur Indriðason
3 KuldiYrsa Sigurðardóttir
4 HáriðTheodóra Mjöll
5 ÚtkallÓttar Sveinsson
6 HúsiðStefán Máni
7 Aukaspyrna á AkureyriGunnar Helgason
8 EllyMargrét Blöndal
9 ÓsjálfráttAuður Jónsdóttir
10 Jólasyrpa 2012Walt Disney
Uppsafnað frá áramótum
1 Grillréttir HagkaupsHrefna Rósa Sætran
2 Iceland Small WorldSigurgeir Sigurjónsson
3 Heilsuréttir fjölskyldunnarBerglind Sigmarsdóttir
4 ReykjavíkurnæturArnaldur Indriðason
5 Fimmtíu gráir skuggarE.l. Jones
6 HáriðTheodóra Mjöll
7 Gísli á UppsölumIngibjörg Reynisdóttir
8 Heilsuréttir HagkaupsSólveig Eiríksdóttir
9 Eldar kviknaSuzanne Collins
10 HungurleikarnirSuzanne Collins
MÁLSHÁTTUR VIKUNNAR
Allt er leyfilegt í ástum
og hernaði.