Morgunblaðið - Sunnudagur - 16.12.2012, Blaðsíða 30

30 MORGUNBLAÐIÐ SUNNUDAGUR 16.12. 2012
Matur og drykkir
S
pessi ljósmyndari heldur friðarmáltíð sína í 16. sinn laugar-
daginn 22. desember. Í þetta sinn er hann í samvinnu við
Sollu og veitingastaðinn Gló og verður boðið upp á ítalskan
jólamatseðil.
Af þessu tilefni gefur Spessi hér uppskrift að hefðbundnum jóla-
mat sínum, hnetuhleifi, sem eins og meðfylgjandi mynd sýnir er allt-
af borinn fram með friðarfána. Enda kemur hugmyndin að friðar-
máltíðinni frá jólamatnum.
„Friðarfáninn þýðir uppgjöf enda vægir sá sem vitið hefur meira,“
segir Spessi og útskýrir að jólin séu hátíð friðar og stríð hafi verið
stöðvuð yfir jólin. „Þá hefur verið settur upp friðarfáni og þess
vegna er ég með þennan friðarfána. Þegar maður gefst upp er mað-
ur frekar til í að hlusta. Það vantar svo oft að fólk hlusti hvað á ann-
að. Lykillinn að sáttum er að gefast upp og spyrja: Hvernig eigum
við að gera þetta? Það verður að hætta að berjast svo hægt sé að
tala saman og semja frið.“
Þessa hugsun vildi hann taka með í friðarmáltíðina sína. „Ég reyni
að ná þessari stemningu þegar ég elda á veitingastað og fara með
þennan anda inn í máltíðina.“
Hefur gaman af jólakortaskrifum
Spessi nýtur aðventunnar og hefur gaman af mörgu í kringum jólin.
„Það er kannski eitthvað hægt að gagnrýna kaupmennskuna í kring-
um jólin en samt er þetta gott mál. Fólk er að æfa sig í að gefa og
ætti að hugsa svona allt árið, “ segir hann og útskýrir að einhverjar
bestu stundir hans fyrir jólin séu við jólakortaskrif. „Þá er maður
að senda fallegar hugsanir og setur eitthvað persónulegt í það. Í
jólagjafavali ertu líka að hugsa um manneskjuna, hvað myndi gleðja
hana. Það er fín æfing fyrir mannkynið að halda jól.“
Síðast var friðarmáltíðin haldin í Kansas í Bandaríkjunum en þar
var Spessi búsettur tímabundið. „Þetta var 400 manna bær og það
komu 150 manns í veisluna.“
Tónlistin er ómissandi þáttur í friðarmáltíðum Spessa. Í ár verður
það hljómsveitin ADHD sem sér um stuðið, því stuð er það en ekki
hefðbundin dinnertónlist. Í sveitinni eru bræðurnir Óskar og Ómar
Guðjónssynir, Davíð Þór Jónsson og Magnús Trygvason Elíassen.
Máltíðin er sem fyrr grænmetismáltíð. „Ég er búinn að vera
grænmetisæta í yfir 30 ár, eða síðan 1981,“ segir hann og er hug-
sjónin aldrei langt undan. „Fyrst og fremst er það gott fyrir heim-
inn og umhverfið að borða grænmetismat. Það eru svo margar góð-
ar ástæður fyrir því að koma jurtamat meira á framfæri.“
Spessi borðar ávallt
hnetuhleif á jólunum
og þá er hann jafnan
skreyttur með friðarfána.
Ljósmynd/Spessi
FRIÐARMÁLTÍÐ SPESSA HALDIN Í SEXTÁNDA SINN FYRIR JÓLIN
Jólin eru góð æfing
fyrir mannkynið
LJÓSMYNDARINN SPESSI ER FRIÐARSINNI OG
GRÆNMETISÆTA OG SAMEINAR ÞETTA TVENNT
Í FRIÐARMÁLTÍÐINNI SINNI SEM HANN BÝÐUR JAFNAN
UPP Á FYRIR JÓLIN. Í ÞETTA SKIPTI ER HÁTÍÐIN
Á GLÓ OG VERÐUR MEÐ ÍTÖLSKU SNIÐI.
Inga Rún Sigurðardóttir ingarun@mbl.is
Spessi er matgæðingur og hugsjónamaður.
Morgunblaðið/Sigurgeir S.
Fyrir 10 manns:
3 b. soðnar linsubaunir
3 b. soðið hirsi
3 b. soðin brún hrísgrjón
1 b. rifið heilhveitibrauð
½ b. haframjöl
½ b. muldar cashewhnetur
¼ b. sólblómafræ
¼ b. ólífuolía
1 b. niðursneiddur laukur
fersk salvía eftir smekk
½ tsk. sellerífræ
hvítlaukur - þrjú rif
salt eftir hendinni
ferskur chili, smátt skorinn eftir smekk
Öllum efnum blandað saman og hrært þar til
deigið er mátulega stinnt og sett í mót með
smjörpappír á botninum.
Baka í rúma klukkustund við 200°C.
Ef yfirborðið byrjar að brenna er hægt að
setja plötu yfir hleifinn.
Meðlætið hans Spessa er líka girnilegt:
Kartöflumús gerð úr sætum kartöflum,
trönuberjasulta, smjörsteikt sellerírót, villi-
sveppasósa og ferskt salat. Svo ef maður vill
vera eins og Spessi er um að gera að skreyta
hleifinn með heimagerðum friðarfána til að
kóróna hátíðarstemninguna.
HNETUHLEIFUR SPESSA
Forréttur
Eggaldinrúllur með geitaosti og kletta-
salati.
Aðalréttur
Canneloni úr spelti með spínati, ríkotta
og parmesanostafyllingu. Grænt salat
og granatepla- og byggsalat.
Einnig verður hægt að fá glútenlausan
mat og vegan-mat.
Eftirréttur
Tiramisu
Verð 6.500 krónur og renna 1.000
krónur af hverri máltíð til Konukots.
Friðarmáltíðin