Morgunblaðið - Sunnudagur - 16.12.2012, Blaðsíða 14

14 MORGUNBLAÐIÐ SUNNUDAGUR 16.12. 2012
S
vavar Gestsson, fyrrver-
andi ritstjóri, ráðherra og
sendiherra, tekur þátt í
jólabókaflóðinu með ævi-
sögu sinni Hreint út sagt.
Hann unir sér hið besta í bókaslagn-
um. „Það er heilmikið að gera í
kringum bókina sem hefur gengið
mjög vel. Mér finnst gaman að taka
þátt í þessu ævintýri,“ segir hann.
Þú hefur gaman af að skrifa?
„Já, mér hefur alltaf þótt gaman
að skrifa. Í menntaskóla var ég oft
fenginn til að lesa upp ljóð og þótti
gera það alveg sæmilega. Svo hætti
ég því og fór að lesa upp ræður! Ég
hef gaman af að flytja texta þannig
að mér finnst óskaplega gaman að
standa í þessu stússi öllu saman og
lesa upp úr bókinni.“
Hefurðu einhvern tímann í lífsleið-
inni skrifað sögur eða ort ljóð?
„Á menntaskólaárunum orti ég
ljóð sem birtust í skólablaðinu, en
þau eru ferlega vondur kveðskapur.
Á þessum árum ætlaði ég að verða
skáld. Ég man að við Vésteinn Lúð-
víksson rifumst óhemju mikið um
það hvort maður gæti orðið skáld
bara ef maður vildi. Vésteinn Lúð-
víksson taldi að menn gætu skellt
sér í það að verða skáld og rithöf-
undar en ég taldi að menn yrðu að
búa yfir sérstakri gáfu til þess.
Á þessum árum vorum við félag-
arnir mjög uppteknir af íslenskri
menningu. Sextán til sautján ára
vorum við að lesa bækur eftir Einar
Ólaf Sveinsson og drukkum í okkur
skáldskap eftir Jón Óskar og Þor-
stein frá Hamri sem eru höfundar
sem mér þykir enn mjög vænt um.
Síðan á Svava Jakobsdóttir mjög
mikið í mér, hún er sterkur höfundur
og skilur mikið eftir. Svo er Halldór
Laxness auðvitað alls staðar.“
Ergelsi sjálfstæðismanna
Hvernig myndirðu lýsa þinni bók?
„Þessi bók er ævisaga þar sem ég
reyni að segja hlutina í jafnvægi. Ef
lesandinn segir þegar hann er búinn
að lesa bókina: „Hann er allavega að
reyna að vera heiðarlegur“ þá verð
ég ánægður. Bókin er pólitískt upp-
gjör við ýmsa hluti sem voru við-
teknir í pólitíkinni hér áður. Ég segi
frá þeim eins og ég upplifði þá og ég
velti því fyrir mér hvað ég hefði gert
öðruvísi ef ég hefði búið að þeirri
reynslu sem ég hef núna.“
Nefndu dæmi um hvað þú hefðir
gert öðruvísi.
„Okkur tókst ýmislegt varðandi
efnahagsmál ekki nógu vel. Í gegn-
um ríkissjóð átti að lækka verð á
vörum og þjónustu, til dæmis land-
búnaðarvörum, og niðurgreiða þær í
stórum stíl til að minnka verðbólg-
una. Þarna tel ég að við höfum geng-
ið allt of langt. Vísitölubinding var á
öllum sköpuðum hlutum og á þriggja
mánaða fresti átti að breyta kaupi
vegna breytinga á verðlagi. Ég tel að
þessi vísitölupólitik hafi orðið til þess
að Alþýðubandalagið missti af því að
verða aðili að ríkisstjórnum og slag-
urinn um vísitölustig varð til þess að
ríkisstjórnir sprungu.“
Er ekki alltaf erfitt fyrir stóra
flokka að vinna með flokkum eins og
Alþýðubandalaginu og Vinstri græn-
um þar sem ríkir innri sundrung?
„Það er heilmikið til í því. Flokkar
eins og Alþýðubandalagið og Vinstri
grænir eru fullir af hugmyndum og
hugsjónum og taka sig mjög hátíð-
lega og sumir innan þeirra telja að
þeir hafi fundið hina einu réttu lausn
á öllum mögulegum hlutum. Það hef-
ur gengið illa að halda saman vinstri-
flokkum hér á Íslandi en svo kom að
því að það þurfti að leggja niður Al-
þýðuflokkinn og Alþýðubandalagið.
Morgunblaðið/Golli
Ég er á móti
sterkum
leiðtogum
HREINT ÚT SAGT ER SJÁLFSÆVISAGA
SVAVARS GESTSSONAR. HANN ÆTLAR
SÉR AÐ SKRIFA FLEIRI BÆKUR EINS OG
HANN UPPLÝSIR Í VIÐTALI. HANN
RÆÐIR UM BÓKINA, STJÓRNMÁLIN,
ICESAVE-MÁLIÐ OG STARFSFERILINN.
Kolbrún Bergþórsdóttir kolbrun@mbl.is
Svipmynd