Morgunblaðið - Sunnudagur - 16.12.2012, Blaðsíða 32

Mandarínur með chilipipar eru skemmtileg borðskreyting.
M
ér finnst mjög gaman að halda matarboð – eða réttara sagt að
bjóða fólki heim til mín. Mitt mottó í því er að flækja ekki líf
mitt um of og vel ég því oftast einfalda eldamennsku fram yf-
ir flókna og tímafreka rétti. Eins elska ég mat sem eldar sig
sjálfur á löngum tíma. Ég er með lítil börn og hjá mér er það ekki þannig
að allir hjálpist brosandi að við eldamennskuna eins og maður sér stund-
um í blöðum og bókum – börnin með svuntur að hræra brosandi í pott-
unum og mamman mild og þolinmóð á svipinn að aðstoða. Hjá mér þurfa
börnin aldrei eins mikla athygli og þegar verið er að elda, þannig að það
virkar best á okkar heimili að hafa hlutina einfalda og lítill tími til að
dúlla við hvern rétt fyrir sig,“ segir Nathalía, sem ásamt því að vera óp-
erusöngkona rekur ráðningarfyrirtækið Ráðum atvinnustofu.
Hún telur félagsskapinn skipta jafnvel meira máli en matinn. „Þegar
maður býður fólki til sín heim er það vegna þess að maður vill njóta sam-
verunnar við það. Maturinn á ekki að vera aðalatriðið, en það er náttúr-
lega skemmtilegra að hann sé bragðgóður og girnilegur á að líta. Ég vil
að allt klárist í mínum veislum, finnst ekki gaman að ganga frá afgöngum
a la Nigella,“ segir hún.
Ekki útbúa rétti í fyrsta skipti þegar von er á gestum
Nathalía rifjar upp sögu af því þegar hún, þá búsett í Bandaríkjunum
ásamt manni sínum, lærði hversu mikilvægt er að ætla sér ekki um of í
eldhúsinu. „Ég var búin að bíta í mig að hafa „shaslik“ í matinn, einn af
uppáhaldsréttum mínum frá því ég var krakki – marinerað kjöt á teini,
grillað í ofni a la mamma. Þetta var metnaðarfullt verkefni og dálítið fyrir
þessu haft, finna góða teina, símtal til Íslands til að fá leiðbeiningar frá
mömmu og svo framvegis. Það vildi svo til að þarna í Rochester vorum
við með forláta gaseldavél sem ég kunni illa á. Nú, gestirnir komu og við
með forrétt sem við borðum meðan AÐALrétturinn grillast í ofninum.
Síðan fer ég inn í eldhús að sækja fínu kjötteinana mína og fékk áfall! Við
mér blasti teinahrúga með svörtum agnarsmáum kolamolum á! Ég fékk
svona hláturs-móðurssýkiskast sem og restin af gestunum. Þetta var klár-
lega hápunktur kvöldsins og fátt sem gat klikkað í partíinu eftir þetta.
Þarna lærði ég þá dýrmætu lexíu að vera ekki að útbúa rétti í fyrsta
skipti þegar von er á gestum,“ segir hún og hlær.
Rauðrófusalat, laxasalat og brokkolí og chorizo salat voru á matseðli kvöldsins. Nathalía segist hafa valið að útbúa þrjú salöt
af því hún hafði nauman tíma og þetta hafi verið það sem henni datt í hug þegar hún kom í búðina.
MATARBOÐ Á RAUÐALÆK
Bauð í mat án
þess að elda
„EKKERT VAR ELDAÐ, NEMA EIN FALLEG OG RJÓÐ
RAUÐRÓFA. ALLT HITT VAR SKORIÐ, SAXAÐ OG HRÆRT.
ÞETTA ERU EKTA RÉTTIR TIL AÐ BORÐA SEINNIPART
KVÖLDS, GRÆNT, VÆNT OG LÉTT Í MAGA,“
SEGIR NATHALÍA DRUZIN HALLDÓRSDÓTTIR
SEM BAUÐ VINKONUHÓP HEIM Í VIKUNNI.
Eyrún Magnúsdóttir eyrun@mbl.is
32 MORGUNBLAÐIÐ SUNNUDAGUR 16.12. 2012
Matur og drykkir
1 meðalstór rauðrófa
2-3 msk. sýrður rjómi (eða
majones ef vill)
vænn hvítlauksgeiri
salt og pipar
AÐFERÐ
Rauðrófan soðin í potti í um 30
mín. Afhýdd og röspuð á fínum
raspi (hægt að nota mat-
vinnsluvél, en ekki eins gott!).
Þeir sem vilja losna við að
verða rauðir á höndunum við
verkið geta notað hanska. Sýrð-
um rjóma/majonesi blandað út í
þar til blandan verður fagur-
bleik. Hvítlaukurinn pressaður
út í og saltað og piprað eftir
smekk.
Hrært vel saman og sett í kæli.
Rauðrófusalat
1 haus brokkólí
lúka af rúsínum
lúka af ristuðum sólblómafræjum
væn flís af chorizo-pylsu (eða sambærilegri harðri pylsu)
1 lítill rauðlaukur, fínt saxaður
AÐFERÐ
Brokkólíhaus smátt saxaður í skál, rúsínum og sólblómafræjum
bætt út í. Chorizo-pylsan skorin smátt og sett út í ásamt rauð-
lauknum. Hrært vel saman.
SÓSAN
1 dós sýrður rjómi
3-4 msk. majones
slurkur af rauðvínsediki (smakkist til)
1-2 tsk. síróp (eða hunang eða sykur, allt eftir löngun og
smekk)
salt og pipar
Allt hrært vel og látið „taka sig“ í ísskáp. Sósan borin fram
með salatinu.
Brokkólí og chorizo-salat
Skálað í freyðivíni fyrir góðum mat og enn betri félagsskap.