Morgunblaðið - Sunnudagur - 16.12.2012, Blaðsíða 20

*Heilsa og hreyfingÍshokkí er hörkuíþrótt sem hópur slökkviliðsmanna æfir nú af kappi þrisvar í viku »22
Þ
að er auðvitað best að halda sig við sínar dag-
legu venjur í mataræðinu og muna eftir að
borða vel af grænmeti og ávöxtum svona á
móti jólamatnum og konfektinu og hafa holl-
ustuna og hreyfinguna auðvitað í fyrirrúmi þrátt fyrir
hátíðarhöldin,“ segir grasalæknirinn Ásdís Ragna.
Nú er sá tími ársins sem mataræði fólks á það til að
fara úr böndunum, en Ásdís Ragna segir mörg góð ráð
til að draga úr streitu á þessum árstíma. „Það er
mikilvægt að passa sig að hvílast vel, anda djúpt, slaka
á í amstri dagsins með því að kyrra hugann, hreyfa
sig, halda koffínneyslu í hófi og borða vel og reglulega
næringarríkan mat.“
Kamillute og vallhumalste góð í desember
En hvernig má nota jurtir til að ná fram enn betri ár-
angri? „Jurtir sem eru góðar gegn streitu eru m.a.
burnirót en hún eykur mótstöðu okkar gegn álagi og
streitu og hjálpar okkur því að aðlagast og höndla álag
betur. Aðrar jurtir sem geta hjálpað okkur að slaka á
eru t.d. kamillute og vallhumalste en á þessum árstíma
er mikið um að ég blandi svefnblöndur úr völdum jurt-
um til að hjálpa fólki að sofa betur.“
Á viðtalsstofu sinni tekur Ásdís Ragna ítarlega
sjúkrasögu af hverjum og einum og leiðbeinir fólki
hvernig það getur bætt heilsufar sitt með jurtum,
heilsusamlegu mataræði og heilbrigðari lífsvenjum. „Í
framhaldi sérblanda ég jurtir og set í hylki, en það er
nútímalegri aðferð til að taka inn jurtir og gerir fólki
mun auðveldara að nýta sér heilsubætandi áhrifa jurta
en ella, segir hún að lokum.“ Ásdís Ragna mitt í vallhumalsbreiðu í íslensku sumri, en vallhumall er ekki síður notaður við flensu og kvefi á þessum árstíma.
Ljósmynd/Helga Erla Gunnarsdóttir
JURTATE DREGUR ÚR STRESSI
Minna
koffín í
desember
ÁSDÍS RAGNA EINARSDÓTTIR GRASA-
LÆKNIR ER IÐIN VIÐ AÐ SÁ VISKU UM
BÆTTA HEILSU OG LÆKNINGAMÁTT JURTA.
HÚN HVETUR FÓLK TIL AÐ HUGA AÐ
MELTINGUNNI OG SEGIR AÐ NOTA MEGI
JURTATE TIL AÐ VINNA Á JÓLASTRESSI.
Svanhildur Eiríksdóttir svei@simnet.is
Meltingin getur farið úr skorðum hjá sumum í kringum hátíð-
arnar vegna mataræðis og streitu og segir Ásdís Ragna að
gott sé að hafa við höndina jurtir og önnur náttúruefni sem
bæta og örva meltinguna og draga úr meltingartruflunum.
„Sem dæmi þá er mjög gott að nota fennelte og acidophilus-
gerla gegn uppþembu.“
Hún segir meltingarensím einnig geta verið gagnleg gegn
meltingartruflunum og svo eru ýmsar jurtir sem örva melt-
inguna eins og túnfífilsrót, triphala-jurt og króklappa. „Sjálf
blanda ég gjarnan saman nokkrum jurtum fyrir meltinguna í
jurtablöndu til að ná fram sterkari áhrifum á meltinguna.
Magnesíumduft og trefjar eins og husk geta verið gagnleg fyr-
ir hæga meltingu. Ef fólk fer úr hófi fram í mat og drykk getur
verið gott að styðja við hreinsunarferli lifrarinnar með því að
nota mjólkurþistil en það er jurt sem er sérstaklega góð fyrir
starfsemi lifrar,“ sagði Ásdís Ragna að lokum og gefur les-
endum uppskrift að jólatei.
Jólate fyrir meltinguna:
2 sneiðar fersk engiferrót
1 kanilstöng
½ msk kardimommufræ
2 negulnaglar
Setjið í ½ l af vatni og sjóðið í 15-20 mín. Sigtið frá og kreist-
ið eina appelsínu út í og jafnvel smávegis lífrænt hunang.
Á fésbókarsíðu Ásdísar Rögnu má finna gagnlegan fróðleik
um heilsu, næringu og lækningajurtir, www.facebook.com/
grasalaeknir.is.
JURTIR SEM HÆGT ER AÐ NOTA TIL AÐ ÖRVA MELTINGU
Magnesíum og trefjar gagnleg