Morgunblaðið - Sunnudagur - 24.02.2013, Side 30

30 MORGUNBLAÐIÐ SUNNUDAGUR 24.2. 2013
Matur og drykkir
D
avíð og Eva eiga fyrirtækið Heilsuþjálfun á Ak-
ureyri og lifa samkvæmt þeim boðskap sem þar
er predikaður. „Venjulegur“ matur er á borðum;
lambakjöt, nautakjöt, hrossa- og folaldakjöt, fisk-
ur, kjúklingur og grænmeti. Tilbúnir réttir koma hins vegar
aldrei inn fyrir hússins dyr eða önnur slík unnin vara.
„Þetta er dæmigerður laugardagsmatur hjá okkur; við er-
um yfirleitt með eitthvert gott kjöt í matinn á laugardags-
kvöldi,“ segir Eva við Sunnudagsblað Morgunblaðsins, um
folaldalundina sem hún gefur uppskrift að. „Við lærðum
þetta af Friðriki V þegar hann var hér á Akureyri; hann var
reyndar með nautakjöt, en okkur finnst folaldalund, eða
hrossalund, betri en nautið,“ segir hún.
Hjónin grilla mikið allt árið. Fólk talar stundum um að
það fitni yfir sumartímann vegna grillmatarins, en Eva segir
mikinn misskilning að samhengi þurfi að vera þar á milli.
„Grillkjöt er ekki fitandi heldur eru það sósurnar og annað
meðlæti sem skiptir máli í því sambandi. Við borðum til
dæmis aldrei sósur.“
Þau nota eins mikið lífrænt hráefni og hægt er, t.d. olíur,
grænmeti og ávexti. Hún segir það vissulega nokkru dýrara
en aðra vöru. „En þegar upp er staðið er ég nokkuð viss um
að ekki muni miklu, ef fólk pælir í allri óhollustunni sem
margir kaupa til viðbótar við það nauðsynlega.“
Davíð er heildrænn heilsu- og golfþjálfari, auk þess nær-
ingar- og lífsstílsþerapisti, frá CHEK-stofnuninni í Banda-
ríkjunum. Þau Eva breyttu um lífsstíl fyrir um það bil ára-
tug, að hluta til vegna þess að bæði eru með glúteinóþol.
„Við förum þess vegna t.d. aldrei í bakarí heldur bökum öll
okkar brauð sjálf.“
Þau elda líka eins mikið og þau geta frá grunni „og búum
gjarnan til risastóra skammta og frystum í plastboxum. Fólk
spyr stundum hvað við séum eiginlega að gera! Sem dæmi
get ég nefnt að þegar við gerum gúllassúpu eru það oft 20
lítrar í einu! Það er ótrúlega handhægt og fljótlegt að geta
gripið til þess þegar lítill tími er til að elda. Þetta er okkar
skyndibiti …“
Davíð heldur reglulega námskeiðið 30 daga hreinsun á
mataræði – sjá 30.is – bæði á Akureyri og í Reykjavík, þar
sem hann bendir áhugasömum á leiðir í rétta átt að bættum
lífsstíl og betri líðan, eins og hann orðar það. Davíð verður
t.d. í Lifandi markaði í Reykjavík mánudaginn 4. mars.
Alís Lilja fjögurra ára, Davíð, Eva
Ósk og Elísabet, tæplega tveggja ára.
Morgunblaðið/Skapti Hallgrímsson
HOLLUSTAN Í FYRIRRÚMI
Grilluð folalda-
lund í uppáhaldi
HJÓNIN EVA ÓSK ELÍASDÓTTIR OG
DAVÍÐ KRISTINSSON HEILSUÞJÁLFARI
Á AKUREYRI LEGGJA MIKLA ÁHERSLU
Á HOLLA OG GÓÐA NÆRINGU.
ÞAU BORÐA AÐEINS „HREINT“ FÆÐI –
VENJULEGAN, GÓÐAN MAT – OG KAUPA
ALDREI TILBÚNA RÉTTI HELDUR ÚTBÚA
SJÁLF SÍNA EIGIN „SKYNDIRÉTTI“.
Skapti Hallgrímsson skapti@mbl.is
Folaldalund, krydduð með pipar
og sjávarsalti, grilluð eftir smekk.
Þegar kjötið er borið á borð setjið
ofan á bitana klettasalat (rucola), ferskan
parmesan, lífræna kaldpressaða ólífuolíu
og sítrónusafa.
Sætar kartöflur í ofni: Skerið sæta
kartöflu í litla bita, setjið í eldfast mót,
hellið lífrænni kaldpressaðri ólífuolíu yfir,
stráið oreganó yfir, pressið hvítlauksgeira
eftir smekk og blandið saman við. Setjið
inn í ofn í 50-60 mín við 200°
Gufusoðið brokkolí borið fram með.
Dásamleg hrákaka
með berjafyllingu
1 bolli valhnetur eða pekanhnetur
1 bolli döðlur
¼ bolli lífrænt kakó
½ bolli kókosmjöl
½ tsk sjávarsalt
½ bolli apríkósur
1 msk appelsínubörkur
Öllu blandað vel saman í matvinnsluvél,
þrýstið deiginu niður í form. Setjið í frysti í
smástund.
Fylling
1 bolli blönduð frosin ber
1 msk agavesíróp
Allt sett í pott og soðið þangað til berin
eru maukuð.
Setjið blönduna ofan á botninn og frystið.
Súkkulaði ofan á
1 dl kókosolía
1 dl lífrænt kakó
½ dl agavesíróp
Bræðið kókosolíuna í vatnsbaði, hrærið
öllu saman og smyrjið ofan á kökuna. Frystið,
best er að skera kökuna frosna og njóta.
Gott er bera kökuna fram með niður-
skornum ávöxtum, einnig má bera hana fram
með rjóma eða ís.
GRILLUÐ FOLALDALUND
HRÁKAKA