Morgunblaðið - Sunnudagur - 14.07.2013, Blaðsíða 37

seinna gert samning við Rann-
sóknar- og þróunarstofnun Stanford
háskóla (SRI International) um af-
not af algóritma sem hafði verið
þróaður þar til að bæta niðurstöður.
Það er þessi samningur sem flestir
telja að Mayer hafi raunverulega
verið að eltast við, enda er SRI Int-
ernational mjög framarlega í rann-
sóknum og þróun á sviði ýmis konar
tölvubúnaðar og gervigreindar, en
þar var meðal annars grunnurinn
lagður af SIRI, sem er gervigreind-
arlausn sem hefur vakið mikla at-
hygli í iPhone.
Summly varð þó fljótt hluti af
nýrri ásýnd Yahoo! því tæknin sem
forritið byggði á varð undistaðan í
nýju snjallsímaforriti fyrir iPhone
sem Yahoo! gaf út fyrir Bandaríkja-
markað fyrir skömmu. Mayer hefur
sagt að hún hafi mikla trú á að sér-
sniðnir úrdrættir úr fréttum eigi
eftir að verða ein af undirstöðunum
í þjónustu fyrirtækisins. Til viðbótar
hefur Mayer einnig fest kaup á
þremur litlum tæknifyrirtækjum
sem heita Alkie, Jybe og Stamped,
en öll gerðu þau snjallsímaforrit
sem nota meðmæli notenda og stað-
setningarupplýsingar til að stinga
upp á sérsniðnum niðurstöðum fyrir
notendur. Þessi kaup eru öll í sam-
ræmi við þá trú Mayer að framtíð
Yahoo! liggi í að bjóða upp á upp-
lýsingar sem eru sérsniðnar að ein-
stökum notendum í farsímum.
Kaupin á Tumblr vöktu áhuga
Fátt hefur vakið jafn mikla athygli
á Yahoo! undanfarið ár og kaupin á
Tumblr. Kaupverðið var hátt, um
$1,1 miljarður, eða um 140 millj-
arðar íslenskra króna, og er ef til
vill til marks um þann metnað sem
Mayer hefur til þess að koma
Yahoo! í fremstu röð á ný. Yahoo!
missti nær algjörlega af lestinni í
uppafi samfélagsmiðla- og snjall-
símavæðingarinnar og rær nú öllum
árum að því að brúa bilið. Tumblr
er í eðli sínu bloggþjónusta, sem er
þó svo keimlík samfélagsmiðlum á
borð Twitter, að hún er iðulega talin
til helstu samfélagsmiðla samtím-
ans. Þessi blendingur hefur náð
talsverðum vinsældum á meðal
yngra fólks þar sem það býður upp
á mikla möguleika til að nýta sköp-
unargáfuna, og hefur samfélags-
miðla-legt viðmót sem gefur not-
endum kost á að fylgja öðrum
notendum.
Notendur Tumblr lýstu strax
áhyggjum af því að Yahoo! hefði
eignast fyrirtækið, og töldu þetta
upphafið að endalokunum. Ein-
hverjir mundu líklega eftir því þegar
Yahoo! keypti á sínum tíma spenn-
andi tæknifyrirtæki sem nefndist
Geocities fyrir $3,6 milljarða árið
1999, en það var einn af undanförum
bloggbyltingarinnar. Í höndum
Yahoo! lét Geocities fljótt undan í
samkeppninni og var að endingu lagt
niður. (Alls keypti Yahoo! fyrirtæki
fyrir rúmlega $6 milljarða á árunum
2002-20012, fæst þeirra urðu til að
bæta þjónustuna). Mayer lofaði þó
strax að ekki yrði farið í veigamiklar
breytingar á Tumblr, heldur yrði
það rekið sem sérstök eining innan
Yahoo, og stofnandi og hugmynda-
smiður Tumblr, ungur maður að
nafni David Karp, myndi áfram
stjórna þróun vörunnar, en Karp
hefur sýnt að hann hefur góðan
skilning á því hvað notendur vilja.
Það voru fleiri risar í netheim-
inum sem höfðu sýnt Tumblr áhuga,
en fyrir Yahoo! var það nauðsynlegt
að ná til yngri notenda og á sama
tíma að gera sig málsmetandi í
heimi samfélagsmiðla. Það á enn eft-
ir að koma í ljós hvort þessi kaup
koma til með að skila árangri eða
enda á ruslahaugum sögunnar, líkt
og Geocities, en eitt víst, nafn
Yahoo! er aftur komið á milli tanna
fólks í tæknigeiranum.
Enn bætt við
Nú nýverið tilkynnti Yahoo! að það
hefði keypt fyrirtæki sem nefnist
Qwiki, fyrir um $50 milljónir. Qwiki
er símaforrit sem klippir saman ljós-
myndir og myndbönd í stutt mynd-
skeið. Þessi kaup sýna að Mayer er
síður en svo að hægja á í vegferð
sinni. Búast má við að sú Qwiki
muni með einhverjum hætti renna
saman við Flickr-myndaþjónustuna
sem Yahoo! hefur átt síðan 2005.
(Það er ágæt vísbending um skort á
framsýni og stefnu hjá Yahoo! á
undanförnum árum að því skyldi
ekki hafa tekist að breyta Flickr í
jafn eftirsótta þjónustu og In-
stagram, áður en Instagram kom til,
því það hafði alla möguleika á því).
Áður hafði Mayer keypt tvö
tæknifyrirtæki sem hafa framleitt
lausnir fyrir snjallsímamyndavélar
og nefnast Photoforge og KitCam,
til að styðja við þróun Flickr. Vef-
síðan var lengi vinsælasta myndas-
íða heims, en Facebook hefur nú
tekið við því kefli. Flickr hefur feng-
ið talsverða andlitslyftingu frá því
Mayer tók við. Nýlega var nýtt útlit
kynnt, og allir notendur fengu um
leið ókeypis eitt terabæti af plássi til
að geyma ljósmyndir, en slíkt
gagnamagn hefur enginn boðið
ókeyps áður. Það má því búast við
að Flickr reyni að sækja hart að In-
stagram á komandi árum sem leið-
andi myndaforrit fyrir farsímanot-
endur.
Mitt í öllum látunum er þó auð-
velt að gleyma því að Yahoo! er eftir
sem áður ekki alveg á vonarvöl
statt. Þrátt fyrir að talsvert hafi
verið látið með samdrátt fyrirtæks-
ins á undanförnum árum má ekki
gleyma því að fyrirtækið rekur
ennþá fjórða mest sótta vefsvæði
heims. Það eru einungis Facebook,
Google og Youtube sem fá fleiri
heimsóknir á mánuði heldur en
Yahoo!, og það fær enn fleiri heim-
sóknir en Amazon og Wikipedia svo
eitthvað sé nefnt. Þá eru tekjur
Yahoo! af auglýsingasölu rúmir $5
milljarðar á ári, og hagnaður síðasta
árs var rúmlega $800 milljónir og
lausafé rúmlega $5 milljarðar. Það
er auðvitað pínulítið hlægilegt til að
hugsa að fyrirtæki með slíkar veltu-
tölur skuli álítið litli aðilinn og eigi í
vök að verjast, en það sýnir kannski
eftir hve miklu er að slægjast í sölu
auglýsinga á netinu og hve risarnir,
Facebook og Yahoo, bera höfuðið
hátt yfir alla aðra.
* Yahoo! misstinær algjörlegaaf lestinni í uppafi
samfélagsmiðla- og
snjallsímavæðing-
arinnar og rær nú
öllum árum að því
að brúa bilið
14.7. 2013 MORGUNBLAÐIÐ SUNNUDAGUR 37
Verð frá: 189.990.-
Smáralind | Sími 512 1330
Opið í dag frá 13.00 - 18.00
Ný
MacBook Air
Allt að
12klst
Rafhlöðuending
Fyrr í sumar var íslenska smá-
forritið Nefna kynnt til leiks og
hefur það notið töluverðra vin-
sælda á meðal snjallsímaeigenda
hérlendis. Með forritinu er ein-
falt að fletta í gegnum öll íslensk
mannanöfn og sjá þýðingu
þeirra, sem ætti t.d. að gera til-
vonandi foreldrum auðveldara
en ella að finna nafn handa barni
sínu.
FINNDU RÉTTA NAFNIÐ
Hvað á barnið
að heita?
Smáforritinu Pocket er lýst sem
stafrænum buxnavasa og er hugs-
að sem geymslustaður fyrir
áhugavert les- og myndefni af net-
inu. Hugmyndin er að notendur
nýti það þegar þeir rekast á
áhugavert efni á vefnum en hafa
ekki tíma þá og þegar til að skoða
það. Þá er um að gera að skella
því í „vasann“ og grípa í það þeg-
ar tími gefst til.
STAFRÆNN BUXNAVASI
Lestu þegar
betur stendur á
Smáforritið InstaWeather er til-
valið fyrir þá Instagram-notendur
sem hafa gaman af umræðum og
vangaveltum um veðrið.
Forritið gerir þér kleift að pósta
e.k. skýrslu um veðrið á þeim stað
sem myndin er tekin á án fyr-
irhafnar. Með einum smelli getur
þú montað þig við vini þína af blíð-
unni sem þú ert staddur í hverju
sinni.
INSTAWEATHER
Sól og blíða
á Instagram