Morgunblaðið - 11.04.2014, Blaðsíða 36

36 DÆGRADVÖL
MORGUNBLAÐIÐ FÖSTUDAGUR 11. APRÍL 2014
56 10 000
TAXI
BSR
Góð þjónusta í 90 ár
Stjörnuspá
21. mars - 19. apríl 
Hrútur Það þýðir ekkert að sitja með hendur
í skauti og bíða þess að aðrir geri hlutina fyrir
mann. Þú ert umkringd/ur fólki sem hefur
þennan eiginleika en ekki notfæra þér það.
20. apríl - 20. maí 
Naut Það er best að þú vinnir í hljóði og bak
við tjöldin. Ekki hrapa að ályktunum eða taka
neitt sem gefið, hrósaðu, því verður vel tekið.
Hið sama gildir um börnin.
21. maí - 20. júní 
Tvíburar Nú ert það þú sem átt að taka
frumkvæðið og laða svo aðra til samstarfs
við þig. Þetta getur skapað þér óvinsældir en
þú þarft ekki á þeim að halda á þessum við-
kvæmu og vandasömu dögum.
21. júní - 22. júlí 
Krabbi Það hafa orðið miklar breytingar í
nánustu samböndum þínum að undanförnu.
Notaðu tækifærið og farðu í listhús og fal-
legar búðir, skoðaðu garða eða söfn.
23. júlí - 22. ágúst 
Ljón Eitt og annað getur farið úrskeiðis þeg-
ar mikið er lagt undir. Gaumgæfðu líf þitt og
kannaðu hvort þú vilt breyta til. Horfstu í
augu við raunveruleikann og leystu málin.
23. ágúst - 22. sept. 
Meyja Þetta er lokaþátturinn í fjölskyldu-
dramanu, vandamálið er leyst og tjaldið fell-
ur. Farðu með þetta upp á næsta stig. Tillits-
semi og umburðarlyndi eru lykilorðin.
23. sept. - 22. okt. 
Vog Það er einhver óróleiki á ferðinni í kring-
um þig. Láttu ekki allt hvíla á mótaðilanum
heldur leggðu fram þinn skerf.
23. okt. - 21. nóv.
Sporðdreki Það reynir heldur betur á þig nú
þegar til stendur að breyta starfi þínu. Vertu
óhrædd/ur við að kanna þessa hluti og draga
síðan af þeim lærdóm.
22. nóv. - 21. des.

Bogmaður Þótt þér finnist eitt og annað
kalla á krafta þína skaltu varast að dreifa
þeim um of. Haltu vel þínum hlut án þess að
ganga á aðra.
22. des. - 19. janúar 
Steingeit Það skemmir ekki góða skapið,
þegar þú ert einlæg/ur og laus við illgirni.
Dagurinn í dag er kjörinn til þess að kenna
eða aðstoða börn.
20. jan. - 18. febr. 
Vatnsberi Þér hefur vegnað vel í starfi og
finnst tími til kominn að fá einhverja umbun
fyrir. Megrunin fær að fjúka út í veður og vind
ásamt fjárhagsáætluninni.
19. feb. - 20. mars

Fiskar Þú þarft að gæta þess að vera ekki of
kröfuhörð/-harður við aðra. Reyndar er það
ekki ein manneskja sem ber ábyrgð á þessu,
heldur alheimurinn allur.
Það er bjart yfir þessum afhend-ingum eftir Ólínu Þorvarð-
ardóttur:
Vorið klæðir vog og sund með vindum
þýðum,
bliknuð vakna blóm í hlíðum.
Ungar kvika, iðar líf í ársal blóma
laust úr vetrar leiðum dróma.
Glóey varpar gullnu trafi, glitra vogar.
Allt í sólar eldi logar.
Davíð Hjálmar Haraldsson hefur
orð á því á Leirnum að nú vilji
Norðmenn hætta að senda Reykvík-
ingum jólatré, segja það dýrt og
fyrirhafnarsamt. Ástæðan sé þó
önnur:
Norðmenn eru kurteis, þrautseig þjóð
og þræða löngum skíðagönguslóð.
Þeim er sama um fyrirhöfn og féð
en forðast vilja Gnarr að sækja tréð.
Þórarinn M. Baldursson er á
svipuðum nótum:
Mín er þrautin þung sem blý,
þrekið andans tórir veikt;
framar hvorki á né í
Oslóartrénu verður kveikt.
Og Ásgrímur Þorgrímsson hefur
sínar skýringar:
Okkar stjórn vill ekki frið
útvegsbænda sinnir kröfum.
Makríll kemur víða við
vinir hætta jólagjöfum.
Vorhugur er kominn í Fíu á
Sandi:
Úti vorar, orkan vex
aðeins hlýnar, sólin skín.
Ætti ég að yrkja um sex
eða kannske brennivín?
Höskuldur Jónsson svaraði Fíu
um hæl:
Hlýnar ört og vorið vex
veit þú yrkir ljóðin þín
tregafullt og traust um sex-
tíu flöskur brennivín.
Ól. Maríusson 92 ára sendi þessa
stöku undir þessum orðum „sem
var“ feitletruðum:
Þó aldur minn sé orðinn hár
ekkert vil ég missa.
Orðinn gugginn, – orðinn grár
svo enginn vill mig kyssa.
Ármann Þorgrímsson hefur orð á
því að ellin sé ekkert grín:
Feigðin stöðugt færist nær
forðum þó ég sypi kálið
það sem lærði að gera í gær
gleymt verður í fyrramálið.
Halldór Blöndal
halldorblondal@simnet.is
Vísnahorn
Vorstemning og vísur
um jólatré og ellina
Í klípu
STUNDUM ÖFUNDAÐI HÚN HANA,
ÁHYGGJULAUSA - OG KATTALAUSA.
eftir Mike Baldwin eftir Jim Unger
„HVAÐ Í ÓSKÖPUNUM Á ÉG
AÐ GERA VIÐ ÞIG, PÉTUR?“
Hermann
Ferdinand
Hrólfur hræðilegi
Grettir
... eins og heimsins
ljúfasta laglína.
FANGELSISSTJÓRI
HAUSTIÐ ER
FALLEGT, HÉRNA
Í NOREGI!
ÉG ELSKA AÐ
HORFA Á LAUFIN
Á TRJÁNUM
SKIPTA LITUM!
EN ÞAÐ ER EINS
GOTT AÐ HORFA
HRATT!
HVERNIG ER
Í SVEITINNI,
PABBI?
GÖLTURINN ER
MEÐ BERKJU-
BÓLGU, HLUSTAÐU!
RÝT!
RÝT!
ÉG ER AÐ HLUSTA
Á SJÚKT SVÍN.
SVONA TALAR
MAÐUR EKKI UM
FJÖLSKYLDU
SÍNA.
Vegir ferðalaga Víkverja eruórannsakanlegir og stundum er
hann sjálfur jafnvel orðlaus yfir því
sem getur og hefur gerst.
x x x
Fyrir skömmu fékk Víkverji tölvu-póst frá kanadíska flugfélaginu
Air Canada þar sem sagt var að
heyrnartól hans væru í óskiladeild
félagsins á ákveðnum flugvelli.
Vissulega átti Víkverji leið um við-
komandi flugvöll skömmu eftir að
tölvupósturinn var sendur en hvern-
ig Air Canada vissi það er honum
hulin ráðgáta.
x x x
Víkverji sinnti ekki tölvupóstinumstrax en eftir að hann kom aftur
heim frá umræddum flugvelli fékk
hann annan tölvupóst frá Air
Canada. Sagt var að nafnspjald Vík-
verja væri í hulstrinu utan um
heyrnartólin og spurt hvort þau
væru ekki örugglega hans.
x x x
Í svari Víkverja kom fram að hannhefði ekki flogið nýlega með Air
Canada og hann saknaði ekki heyrn-
artóla en nafnspjaldið benti til þess
að þau væru eign einhvers sem hann
þekkti eða væri í sambandi við. Air
Canada svaraði um hæl og sagðist
senda Víkverja pakkann sem barst
fljótt og skilmerkilega.
x x x
Síðan tölvusamskiptin við Air Canada hófust hefur Víkverji
spurt vini og vandamenn, kunningja
og félaga, hvort þeir hafi týnt heyrn-
artólum. Margir hafa svarað og
svarið af sér öll tengsl við töpuð
heyrnartól. Aðeins í einu tilfelli hef-
ur verið spurt um tegund, en þegar
að var gáð var því miður ekki um
sama tækið að ræða.
x x x
Víkverji var að koma úr flugi ogsaknaði þess að vera ekki með
almennileg heyrnartól. Hann kunni
ekki við að taka dularfullu heyrn-
artólin með sér, en gefi eigandi sig
ekki fram fyrir næsta flug er viðbúið
að hann láti á þau reyna í ferðinni yf-
ir hafið og aftur á bakaleiðinni.
Spenna framundan! víkverji@mbl.is
Víkverji
Ef einhvern mann í ykkar hópi brestur
visku, þá biðji hann Guð sem gefur öll-
um örlátlega og átölulaust og honum
mun gefast. (Jakobsbréfið 1:5)