Morgunblaðið - 11.04.2014, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 11. APRÍL 2014
AUKIN ÞJÓNUSTA
VIÐ EIGENDUR VW
• Bílson er sérhæft og vottað þjónustuverkstæði sem
uppfyllir allar ströngustu kröfur Volkswagen.
• Fullkomin forgreiningarstöð þar sem greina má flest
allt um ástand bílsins og gæði.
• Bílson hefur gæðavottun Bílgreinasambandsins með gæðaúttekt frá BSI á Íslandi auk
starfsleyfis til endurskoðunar frá Samgöngustofu.
Við leitumst við að vera samstíga því besta í Evrópu.
Komið, sjáið og sannfærist.
Kletthálsi 9 • Sími 568 1090
- V E R K S T Æ Ð I Ð -
Ágúst Ingi Jónsson
aij@mbl.is
Fyrirtækið Arctic Seafood hefur sótt um leyfi til
tveggja ára vegna tilraunaræktunar á nokkrum skel-
dýrategundum í Skerjafirði. Davíð Freyr Jónsson,
framkvæmdastjóri, segir að einkum sé horft á eldi og
áframeldi á bláskel eða kræklingi í nokkrum búrum til
að byrja með. Í umsókninni var einnig farið fram á leyfi
vegna hjartaskeljar, sandskeljar, öðuskeljar og hörpu-
disks. Ef af eldinu verður er líklegt að búrunum verði
valinn staður nálægt Álftanesi.
Sótt var um leyfi til Matvælastofnunar fyrir þessari
tilraunaræktun og jafnframt beðið um stuðning við
verkefnið. Mikið umsagnarferli fór í gang og var um-
sóknin m.a. send áfram á sveitarfélög við Skerjafjörð,
Landhelgisgæsluna, heilbrigðisyfirvöld og á fleiri stofn-
anir, að sögn Davíðs Freys. Hann segir að samkvæmt
viðbrögðum séu ekki líkur á stuðningi við verkefnið, en
hann segist hafa frétt af jákvæðum umsögnum.
Miklar kröfur um heilnæmi
„Spurningarnar sem við þurfum að fá svör við eru
hvort þetta sé yfirleitt framkvæmanlegt og hvort svæð-
ið sé nógu hreint til þessa eldis,“ segir Davíð Freyr.
„Gríðarlega miklar kröfur eru gerðar um heilnæmi og
hreinleika og svo viljum við ekki bjóða annað en örugga
gæðavöru,“ segir Davíð Freyr.
Í umsókninni er gert ráð fyrir að heildarframleiðsla í
Skerjafirði fari ekki yfir 18 tonn á tveggja ára tímabili
og að hlutur bláskeljar geti verið 15 tonn. Áætlað er að
stunda ræktunina í götuðum búrum sem ýmist eru lögð
á botninn eða látin hanga í floti.
Arctic Seafood gerir út tvo báta, Fjólu GK og Von
SK, og hefur Fjólan undanfarið veitt bláskel í Hvalfirði.
Eiturefni í skelinni voru yfir viðmiðunarmörkum í febr-
úar og því var ekkert veitt. Síðustu vikur hafa eitur-
efnin látið undan síga, samhliða því að skelin er farin að
nærast meira eftir veturinn. Eftir að tilskilin leyfi feng-
ust er búið að veiða 5-6 tonn af kræklingi í þremur
veiðiferðum. Nú er leyfi til veiðanna hins vegar að
renna út og fer þá umsóknarferli um leyfi til veiða að
nýju í gang.
Króksfjarðarnes og Búðardalur
Framleiðsla úr skelveiði ársins er að hefjast og er
Arctic Seafood í samvinnu við Nesskel í Króksfjarð-
arnesi um þann þátt. Fjórir starfsmenn eru hjá Arctic
Seafood og þrír hjá Nesskel. Suðu- og pökkunarlína
hefur síðan verið sett upp í Búðardal, í samvinnu við
Sæfrost. Í fyrra fengust um 100 tonn af bláskel upp úr
sjó og fór framleiðslan að mestu í veitingahús og versl-
anir hér á landi. Nokkrir minni samningar eru einnig
fyrir hendi við erlenda kaupendur.
Arctic Seafood stundar einnig veiðar á grjótkrabba í
Hvalfirði, en tegundinni hefur vaxið fiskur um hrygg
við suðvesturströndina á síðustu árum. Þá stunda bátar
fyrirtækisins krókaveiðar á makríl yfir sumartímann.
Vilja rækta skel í
búrum í Skerjafirði
 Framleiðslan fari ekki yfir 18 tonn næstu tvö árin
Ljósmynd/ Haraldur Bjarnason
Góður afli Bláskel úr Hvalfirði landað í Reykjavík.
Björn Jóhann Björnsson
bjb@mbl.is
Síðasta athöfn í byrjun aðventu á
Austurvelli, þegar kveikt var á Ósló-
artré að öllum líkindum í síðasta
sinn, er einnig athyglisverð fyrir
þær sakir að þar söng ekki Dómkór-
inn, líkt og hann hafði gert í áratugi
af sama tilefni. Kári Þormar, stjórn-
andi kórsins, segir þessa ákvörðun
borgaryfirvalda hafa komið sér
verulega á óvart og vakið undrun
margra innan og utan kirkjunnar.
Kórinn hafi fengið að vita þetta
nokkrum dögum fyrir viðburðinn.
Ákveðið að prófa eitthvað nýtt
Einar Bárðarson, forstöðumaður
Höfuðborgarstofu, segist hafa tekið
þessa ákvörðun og ekki verið undir
neinum þrýstingi borgarmeirihlut-
ans. Hann hafi ákveðið að breyta til
og skipta um tónlistaratriði. Um
tónlistarflutninginn að þessu sinni
sáu söngkonurnar Sigríður Thorla-
cius og Ragnhildur Gísladóttir. „Það
var ákveðið að prófa eitthvað nýtt og
ég veit ekki betur en að þessi söngur
hafi fallið vel í kramið,“ segir Einar
og vill á þessu stigi ekkert útiloka að
Dómkórinn verði aftur fenginn til að
syngja við þennan viðburð. Það fari
líka eftir því hvort kveikt verði á ein-
hverju jólatré yfirhöfuð í ljósi
ákvörðunar Norðmanna. „Þessi tíð-
indi komu manni algjörlega í opna
skjöldu, þó að milliríkjasamskipti
séu nú ekki á okkar sviði. Annars ör-
væntum við ekki, það er nóg til af
fallegum jólatrjám,“ segir Einar.
Áratugalöng hefð
Kári Þormar segist vel skilja það
að nýir menn vilji breyta til og hann
hafi ekkert út á aðra tónlistarmenn
að setja. En þar sem um áratuga-
langa hefð sé að ræða hefði mátt
ræða málið í breiðari hópi og með
lengri fyrirvara. „Þetta fór ekki hátt
en margir furðuðu sig á því af hverju
kórinn var ekki þarna að syngja.
Þetta er löng og mikil hefð og fyrst
ákveðið var að breyta til finnst okk-
ur skrítið að engu öðru var breytt en
okkar framlagi,“ segir Kári.
Hjálmar Jónsson dómkirkju-
prestur tekur undir með Kára og
segir ákvörðun borgarinnar hafa
komið sér verulega á óvart. „Við
fengum að vita með skömmum fyr-
irvara að Dómkórsins væri ekki ósk-
að, þar sem það átti að poppa upp
þessa samkomu, eins og það var orð-
að. Þetta hefur verið fastur liður
lengi og stundum var kórinn með
heitt súkkulaði uppi á kirkjuloftinu
þar sem stemningin var góð. Mér
finnst ástæðulaust að breyta því
sem hefur gefist vel og er partur af
hefðinni. Ég hef engar skýringar
fengið á því hvers vegna þessari
þjónustu var hafnað,“ segir Hjálm-
ar.
Morgunblaðið/Ómar
Dómkórinn Frá æfingu kórsins sem söng ekki við tendrun jólatrésins á
Austurvelli fyrir síðustu jól. Höfuðborgarstofa ákvað að skipta um atriði.
Dómkórnum var
hafnað við jólatréð
„Þegar keppnin er jöfn, eins og hún
var núna í KS-deildinni, þarf maður
alltaf smá heppni með. Ég var líka
óheppinn í einhverjum greinum,“
segir Ísólfur Líndal Þórisson á
Lækjamóti sem sigraði í KS-deild-
inni, meistaradeild Norðurlands,
sem lauk í fyrrakvöld. Hann fékk 90
stig í einstaklingskeppni mótaraðar-
innar, Bjarni Jónasson varð í öðru
sæti með 88 stig og Þórarinn Ey-
mundsson í því þriðja með 85 stig.
Elvar Einarsson átti raunar loka-
kvöldið því hann sigraði í báðum
greinunum, slaktaumatölti og skeiði,
og það dugði honum í fjórða sæti
heildarkeppninnar.
Innanhússtímabilið hefur verið
annasamt hjá Ísólfi því hann tók að
þessu sinni þátt í meistaradeildinni
fyrir sunnan. Þar hafnaði hann í sjö-
unda sæti en sigraði í Húnvetnsku
liðakeppninni og KS-deildinni. „Nei,
þetta er gaman og alger forréttindi
að vera með marga góða hesta og
geta keppt mikið,“ segir Ísólfur þeg-
ar hann er spurður að því hvort ekki
hafi verið of mikið að vera með í öll-
um mótaröðunum. Menn og hestar
fá frí um páskana. „Maður hvílir sig
og hleður batteríin. Svo hefst utan-
hússtímabilið og það verður fjögurra
mánaða törn,“ segir Ísólfur.
helgi@mbl.is
Ljósmynd/Svala Guðmundsdóttir
Barátta Bjarni Jónasson varð annar, Ísólfur Líndal Þórisson sigraði í KS-
deildinni og Þórarinn Eymundsson náði þriðja sæti í einstaklingskeppni.
Forréttindi að
geta keppt mikið
Náttúrufræðistofa Kópavogs vann umsögn fyrir
Kópavogsbæ vegna umsóknar Arctic Seafood. Bent
er á að tegundirnar sem ætlunin er að rækta séu
þekktar í Skerjafirði eða við Innnes.
Meginniðurstaðan er sú að staðsetning rækt-
unarstaða fyrir skelfisk í Skerjafirði sé takmörkum
háð. Bent er á að svæði sem tilheyra Skerjafirði og
eru innan bæjarmarka Garðabæjar og Kópavogs hafi
verið friðlýst. Eitt fyrirhugaðra ræktunarsvæða lendi
mjög nærri eða jafnvel innan friðlýsta svæðisins í
Garðabæ. Fleiri atriði eru nefnd í skýrslunni, m.a.
umferð skemmtibáta í Skerjafirði og bent á að rétt
sé að leita álits siglingaklúbba.
Staðsetning vafasöm
TEGUNDIRNAR Í SKERJAFIRÐI