Morgunblaðið - 29.05.2014, Qupperneq 43

Ný könnun Félagsvísindastofnunar á
fylgi flokka í Reykjavík sýnir að Fram-
sóknarflokkurinn fær mann kjörinn í borgarstjórn. Samfylkingin hefur yfirburðastöðu í borginni. Fylgi
hennar mælist rúmlega 37% og fengi flokkurinn sex borgarfulltrúa. Fylgi Sjálfstæðisflokksins er í sögulegri
lægð og fengi hann aðeins þrjá borgarfulltrúa. Fylgi Bjartrar framtíðar hefur dalað en dugar fyrir þremur
mönnum. Vinstri græn og Píratar fá einn hvor. Meirihlutinn í borgarstjórn heldur velli.
SVEITARSTJÓRNARKOSNINGAR
MORGUNBLAÐIÐ FIMMTUDAGUR 29. MAÍ 2014
VELDU VIÐHALDSFRÍTT
Sýningarsalur í Skipholti 35 • Seljabót 7, Grindavík • www.pgv.is • Sími 510 9700
• Barnalæsing
• Mikil einangrun
• CE vottuð framleiðsla
• Sérsmíði eftir málum
• Glerjað að innan
• Áratuga ending
• Næturöndun
PVC gluggar og hurðir - íslensk framleiðsla fyrir íslenskt veðurfar
„Ég er mjög þakklátur fyrir þennan
stuðning og staðráðinn í að reyna að
standa undir honum. En þetta er
auðvitað könnun en ekki kosningar.
Við ætlum að reyna að halda vel á
spilunum á síðustu dögum kosninga-
baráttunnar og hvetjum alla til að
taka þátt og kjósa,“ sagði Dagur B.
Eggertsson, oddviti Samfylking-
arinnar, þegar Morgunblaðið leitaði
álits hans á niðurstöðum könnunar
Félagsvísindastofnunar á fylgi
flokkanna í Reykjavík.
Undirtektirnar aðrar
„Ég hvet kjósendur til að láta ekki
skoðanakannanir hafa of mikil áhrif
á sig,“ sagði Halldór Halldórsson,
oddviti Sjálfstæðisflokksins. Hann
sagði að tölurnar í könnuninni sýndu
allt annað en það sem frambjóð-
endur flokksins mættu á ferðum sín-
um um borgina. „Það er búin að vera
mikil baráttugleði í okkar hópi og
hún heldur áfram til kjördags. Okk-
ur tilfinning er að við eigum að upp-
skera annað en tölurnar sýna,“ sagði
hann.
Halldór sagði að það sem einkennt
hefði kosningabaráttuna væri að
engin umræða færi fram um stefnu-
málin. Sjálfstæðismenn hefðu lagt
mikla vinnu í að móta og kynna
frjálslynd hægrisinnuð stefnumál,
en enginn væri að taka umræðuna á
móti.
„Við erum með gífurlega metn-
aðarfulla og góða stefnuskrá, en það
fæst engin umræða um hana,“ sagði
hann. Halldór sagði að Samfylkingin
forðaðist allar umræður. Hún léti
sér nægja velgengnina í skoðana-
könnunum.
„Ef úrslitin verða í samræmi við
þessa könnun verður áfram dýrar-
ara að búa í Reykjavík,“ sagði Hall-
dór og kvaðst ekki trúa því að það
væri vilji kjósenda í höfuðborginni.
Óttaáróður Framsóknar
„Þetta eru merkilegar tölur, en ég
vildi óska að við fengjum meira fylgi
í kosningunum og tel að við eigum
það inni,“ sagði S. Björn Blöndal,
oddviti Bjartar framtíðar. „Sam-
kvæmt þessu er aðferðafræði fram-
sóknarmanna að skila þeim inn
manni og það finnst mér sorglegt í
sjálfu sér því mér hefur fundist
kosningabarátta þeirra keyrð á ótta-
áróðri og því að búa til rugling. Ég
vona sannarlega að þeir haldi ekki
áfram á sömu braut ef þeir fá mann í
borgarstjórn,“ sagði hann.
Björn Blöndal sagði að hið mikla
fylgi Samfylkingarinnar væri við-
urkenning á störfum meirihlutans í
borgarstjórn. Það hefði skipt miklu í
störfum meirihlutans og borgar-
stjórnar á kjörtímabilinu að Besti
flokkurinn hefði haft sex borgarfull-
trúa. Áherslubreytingarnar hefðu
ekki síst stafað af því og mikilvægt
væri að átta sig á því.
Hvetjandi fyrir lokasprettinn
„Við höfðum vonast til þess að
hækka okkur frekar en lækka á
lokasprettinum,“ segir Halldór Auð-
ar Svansson, oddviti Pírata í Reykja-
vík, og bætir við að þeir hafi fundið
fyrir góðum viðbrögðum við baráttu
sinni. Það sé þó gott að mælast enn
inni. „Þetta verður okkur hvati til
þess að setja enn meira kapp í bar-
áttuna á síðustu dögunum,“ segir
Halldór Auðar, sem hvetur alla til
þess að nýta kosningarétt sinn,
hvort sem er utan kjörfundar eða á
laugardaginn. „Okkur finnst mjög
mikilvægt að fólk taki þátt í lýðræð-
islegum ákörðunum.“
Áhersla á aukinn jöfnuð
Sóley Tómasdóttir, oddviti Vinstri
grænna, segir það vonbrigði að mæl-
ast svona lágt. „Aðrar skoðanakann-
anir hafa mælt okkur mun hærra,
eða með um 8-10% fylgi, og það
finnst mér vera meira í takt við þær
viðtökur sem við höfum fengið þegar
við höfum kynnt stefnumál okkar.“
Sóley segir könnunina gefa tækifæri
til þess að hvetja kjósendur Vinstri
grænna til þess að fjölmenna á kjör-
stað. „Það skiptir máli að við skilum
okkur á kjörstað, því að stefnumál
okkar um aukinn jöfnuð og bætt
kjör, ásamt ábyrgri umgengni um
náttúruna, eru gríðarleg brýn og
það er enginn annar flokkur sem
stendur fyrir þessi stefnumál með
jafnskýrum hætti.“
Verð ánægð
„Ég verð ánægð ef við fáum full-
trúa í borgarstjórn. Það er mark-
miðið,“ sagði Sveinbjörg Birna
Sveinbjörnsdóttir, oddviti Fram-
sóknarflokksins og flugvallarvina.
Hún kvaðst hafa ákveðinn fyrirvara
á öllum skoðanakönnunum. „En það
verður gaman á kjördag,“ sagði hún.
gudmundur@mbl.is
„Engin umræða
um stefnumálin“
 „Viðurkenning fyrir meirihlutann“
 „Ánægð ef við fáum borgarfulltrúa“
Sveinbjörg B.
Sveinbjörnsdóttir
Dagur B.
Eggertsson
S. Björn
Blöndal
Halldór Auðar
Svansson
Halldór
Halldórsson
Sóley
Tómasdóttir