Morgunblaðið - 29.05.2014, Side 64

64
MORGUNBLAÐIÐ FIMMTUDAGUR 29. MAÍ 2014
JEPPADEKK
Kletthálsi 3 | 110 Reykjavík | 540 4900 | www.arctictrucks.is
Hljóðlát og endingargóð
jeppadekk sem koma
þér örugglega hvert
á land sem er.
SUMARIÐer tíminn
Nokkrir ómissandi aukahlutir fyrir sumarið
Þarfaþing BarkerBag er svefnpoki fyrir hundaeigendur. Pokinn er ekki enn kominn í
framleiðslu en safnað er fyrir verkefninu á Kickstarter og nýbúið að ná fjármögnunartak-
markinu.
Hönnuður pokans hefur mikið yndi af að fara með besta vininn í útilegu en hann uppgötvaði
fljótt hversu óhentugt það getur verið að leyfa hundinum að sofa ofan í svefnpokanum. Bæði
getur hundurinn dregið óhreinindi með sér ofan í pokann, en það dregur líka úr hitaeinangr-
uninni ef poki er of troðinn, með bæði hund og mann innanborðs.
Gengur þó ekki að láta voffa sofa án skjóls og hlýju og svo eru líka sumir hundaeigendur
þannig að þeir geta hreinlega ekki fest svefn ef seppi kúrir ekki til fóta.
Með BarkerBag hefur hundurinn sinn eigin litla svefnpoka sem festur er með rennilás við
poka eigandans og hægt að festa litla smellu í pokanum við ólina svo að hundurinn getur
ekki tekið á rás í leyfisleysi.
Töffarataska Eitt er að ferðast, og annað að
ferðast með stæl. Af hverju ekki að líta
vel út á flugvellinum og vera með
smekklega handfarangurstösku í eft-
irdragi? Þessi forláta taska kemur frá
framleiðandanum Globe Trotter og er
smíðuð eftir aðferðum sem eiga sér
rösklega aldargamla sögu. Hún bland-
ar saman sígildu útliti, nýtískulegum
litum og tækni, því hjólin og útrenn-
anlegt handfangið eru vitanlega á sín-
um stað.
Þessi tiltekna útgáfa var hönnuð
gagngert fyrir nett-
ískuverslunina vinsælu
MrPorter.com og fæst
þar til sölu fyrir rétt
rúmlega 1.042 pund,
sem gerir um 196.000
kr. á gengi dagsins í
dag. Fegurðin kostar
því sitt.
Bjartsýni Það er ekkert sumar án flottra sólgleraugna, og fáir
standa Ray-Ban framar þegar kemur að sólgleraugnahönun. Wayfarer
Flat Metal-sólgleraugun koma sterklega til greina í keppninni um flott-
ustu gleraugu sumarsins. Þau eru gerð úr næfurþunnu stáli sem skorið
er með leysigeisla og svo litað með mattri áferð.
Fá má gleraugun í hvítu, rauðu, bláu, svörtu og svo „byssumálm“-lit.
Gleraugun eru seld á www.ray-ban.com á 170 dali, um 19.000 kr. án
sendingarkostnaðar og gjalda í tollinum.
Breskar línur Það gengur ekki að fara á
ströndina eða bara í sundlaugina og ætla að setjast
beint á næsta sólbekk eða á heitan sandinn. Gott
strandhandklæði er ómissandi fyrir sólríku sumar-
dagana og ekki úr vegi að handklæðið sé þá stílfært
tískuhandklæði.
Breski hönnuðurinn Paul Smith lætur ekki sitt eftir
liggja með þessu snotra svarta strandhandklæði.
Klassísku Paul Smith-línurnar eru á sínum stað og
þekkjast langar leiðir. Handklæðið
fæst á PaulSmith.co.uk og kostar
þar 75 pund eða rétt rösk-
lega 14.000 kr.
Mallandi Það þarf ekki endilega að vera svo dýrt eða flókið að láta drauminn
um heitan pott rætast. Þeir sem eiga ekki of mikið af peningum, eða þurfa ekki að
hafa pott í gangi nema rétt nokkra daga á sumri, ættu að skoða þennan uppblásanlega
pott frá Mspa. Þrátt fyrir að vera uppblásanlegur er potturinn búinn rafhitara sem gerir
vatnið rjúkandi heitt og loftdælum sem fá pottinn til að freyða eins og vandlega hrist
kampavín. Þarf síðan mikið til að bíta á þremur lögum af plastfilmu sem halda vatninu á sín-
um stað. Ofan í pottinum rúmast svo tæplega 700 lítrar af vatni. Dýrðin fæst á Amazon.com
og kostar þar 673 dali, um 76.000 kr. án flutningskostnaðar og íslenskra skatta.
Hvað er það sem setur
punktinn yfir i-ið á blíð-
viðrisdögunum í sumar?
Blaðamaður Morg-
unblaðsins fór á stúfana
og fann eitt og annað
skemmtilegt og nytsam-
legt fyrir makindadagana
úti í garði, helgarferð-
irnar út í heim og útileg-
urnar uppi á heiði.
ai@mbl.is