Morgunblaðið - 13.11.2014, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 13. NÓVEMBER 2014
Sveinn Guðmundsson, yfirlæknir
Blóðbankans, segir að á Íslandi gildi
svipaðar reglur og víða erlendis í
sambandi við blóðgjöf, og heilsufars-
blöð á ensku auðveldi erlendum
íbúum blóðgjöf hérlendis.
Ákveðnar reglur gilda um blóð-
gjöf. Sveinn bendir á að erlendir
ferðamenn geti ekki gefið blóð hér-
lendis, en útlendingar, sem hafi fasta
búsetu á Íslandi og séu með íslenska
kennitölu, geti gefið blóð, sé skilyrð-
um um heilsufar og fleira fullnægt.
Í hinum norrænu löndunum eru
upplýsingablöð um blóðgjöf og
spurningalistar einungis á viðkom-
andi tungumáli, að sögn Sveins. „Við
ákváðum að taka skrefið lengra,“
segir hann og bætir við að tryggt sé
að blóðgjafi fái upplýsingar um ör-
yggi og öryggismál, skilji spurninga-
listann og geti spurt á íslensku eða
ensku.
Sveinn bendir á að margir útlend-
ingar, sem hér búi vegna vinnu eða
náms, hafi vanist því í sínu heima-
landi að gefa blóð og geri það áfram
hérlendis. steinthor@mbl.is
Morgunblaðið/Ómar
Blóðgjöf Ewa Marcinek frá Wroclaw gaf blóð á þjóðhátíðardegi Póllands.
Heilsufarsblöð Blóð-
bankans líka á ensku
 Auðvelda erlendum íbúum blóðgjöf
Gunnar Dofri Ólafsson
gunnardofri@mbl.is
„Þetta er hluti af því að nota bæði
land og innviði borgarinnar sem
best,“ sagði Dagur B. Eggertsson
borgarstjóri í Ráðhúsinu í gær. Þar
voru uppbyggingaráform Reykja-
víkurborgar kynnt, en áætlað er að
um 5.000 íbúðir rísi í borgarlandinu á
næstu fjórum árum.
Dagur sagði að tilgangur kynning-
arinnar væri að upplýsa borgarana
um hvað væri í pípunum og hver
stefna borgarinnar væri í skipulags-
málum til að samstarfið yrði árang-
ursríkara og markvissara. Sams
konar kynningarfundur verður hald-
inn í Ráðhúsinu klukkan 17:00 í dag,
fimmtudag.
Meginþunginn miðsvæðis
„Meginþunginn af uppbygging-
unni er miðsvæðis í borginni, þó að
við séum að vinna alls staðar í takt
við aðalskipulagið. Við leggjum
áherslu á þéttingu borgarinnar þar
sem fólk getur búið nær stóru vinnu-
stöðunum og notað fjölbreyttari
ferðamáta og sparað við sig bíl núm-
er tvö. Það er svo mikið kjaramál,
sem fleiri og fleiri eru að átta sig á.
Samgöngukostnaður meðalheimilis
á Íslandi er númer tvö á eftir hús-
næðiskostnaði,“ sagði Dagur.
„Við viljum gjarnan eiga fyrir
stofnkostnaði innviða. Það er minni
kostnaður við stofnkostnað á þessum
þéttingarsvæðum,“ sagði Dagur á
kynningarfundinum, og vísar þar til
þéttingarsvæða á svæðum í vestur-
og miðhlutum borgarinnar. Í kynn-
ingunni mátti meðal annars sjá
áform um byggingu 500 nýrra íbúða
við Hverfisgötu.
Hann benti einnig á að samningar
hefðu náðst við Ríkisútvarpið um
uppbyggingu á lóð þess. Þar yrðu
byggðar 50 íbúðir. „Þetta eru mjög
spennandi lóðir á frábærum stað.“
Dagur benti einnig á að bruninn í
Skeifunni hefði opnað fyrir mögu-
leika á því svæði.
Borgin hefur verið í samstarfi við
Samtök iðnaðarins og hönnunarsjóð-
inn Áróru um hugmyndasmiðjuverk-
efni í tengslum við uppbyggingu í
Skeifunni. Hann líkti uppbygging-
unni við Meat Packing District í New
York þar sem gömlu innviðirnir
hefðu fengið að halda sér en íbúð-
arbyggð bæst við.
Ártúnshöfði Einn stærsti þéttingarreitur borgarinnar. 3.200 nýjar íbúðir
fram til ársins 2030, 7.400 íbúar, 1.500 störf og tveir grunnskólar.
Miklar framkvæmd-
ir verða í Reykjavík
 500 nýjar íbúðir við Hverfisgötu
Það er varla hægt að halda því
fram að Magnús Carlsen sé sigur-
stranglegri í einvígi sínu við Visw-
anathan Anand, a.m.k. ef tekið er
mið af taflmennskunni í fjórum
fyrstu skákum heimsmeist-
araeinvígisins sem fram fer þessa
dagana í Sochi við Svartahaf. Anand
náði að jafna metin sl. þriðjudag og
hélt jafntefli án mikilla erfiðleika í
fjórðu skák einvígisins sem tefld var
í gær. Hann virðist vera mun betur
undir þetta einvígi búinn en það
sem hann háði í fyrra í heimalandi
sínu. Byrjanir hans með hvítu eru
beittari og það gæti skipt sköpum
þegar fram í sækir. Alls tefla þeir
12 skákir og nú er staðan jöfn, 2:2.
Taflmennska Magnúsar í þriðju
skákinni var einhvern veginn alveg
ólík því sem vant er. Hann hefur
hingað til verið laginn við að snið-
ganga löng og þvinguð byrjunar-
afbrigði en á þeim vettvangi getur
Anand verið afar skæður; hættu-
legur; gagnagrunnar upplýstu menn
um að 16 fyrstu leikirnir hefðu allir
komið fyrir áður en Magnús hafði
ekkert nýtt fram að færa í stöðu þar
sem framsækið c-peð hvíts var sér-
lega hættulegt. Eftir sigurinn upp-
lýsti Anand að staðan eftir 24. leiki
hefði komið upp í heimarann-
sóknum. Magnús taldi sig geta varið
þrönga stöðu. 26. leikur hvíts, Hc6,
reyndist honum erfiður viðfangs.
Magnús batt greinilega vonir við
biskupsleikinn 27. ... Bb4, vandinn
var hinsvegar sá að hann gat aldrei
með góðu móti hirt c7-peðið vegna
leppunar. Eftir 29. Da6! var svarta
staðan óverjandi. Þetta var fyrsti
sigur Anands yfir Magnúsi Carlsen
í meira en fjögur ár:
3. einvígisskák.
Viswanathan Anand – Magnús
Carlsen
Drottningarbragð
1. d4 Rf6 2. c4 e6 3. Rf3 d5 4. Rc3
Be7 5. Bf4 O-O 6. e3 Rbd7 7. c5 c6
8. Bd3 b6 9. b4 a5 10. a3 Ba6 11.
Bxa6 Hxa6 12. b5 cxb5 13. c6 Dc8
14. c7 b4 15. Rb5 a4 16. Hc1
16. ... Re4 17. Rg5 Rdf6 18. Rxe4
Rxe4 19. f3 Ha5 20. fxe4 Hxb5 21.
Dxa4 Ha5 22. Dc6 bxa3 23. exd5
Hxd5 24. Dxb6 Dd7 25. O-O Hc8 26.
Hc6 g5 27. Bg3 Bb4 28. Ha1 Ba5
29. Da6 Bxc7 30. Dc4 e5 31. Bxe5
Hxe5 32. dxe5 De7 33. e6 Kf8 34.
Hc1
– og svartur gafst upp.
Nokkur orð varðandi umhugs-
unartímann: biðskákir eru úr sög-
unni en í einvíginu fá keppendur 2
klst. hvor á fyrstu 40 leikina, 1 klst.
á næstu 20 leiki og þar eftir 15 mín-
útur að viðbættum 30 sekúndum
eftir hvern leik til að ljúka skákinni.
Í fjórðu skákinni virtist Magnús fá
upp eina af þessum stöðum sem
hann hefur sérhæft sig í en Anand
sá við öllum brögðum hans og hélt
auðveldlega jöfnu:
4. einvígisskák:
Magnús Carlsen – Viswanathan
Anand
Sikileyjarvörn
1. e4 c5 2. Rf3 e6 3. g3 Rc6 4.
Bg2 d5 5. exd5 exd5 6. O-O Rf6 7.
d4 Be7 8. Be3 cxd4 9. Rxd4 Bg4 10.
Dd3 Dd7 11. Rd2 O-O 12. R2f3
Hfe8 13. Hfe1 Bd6 14. c3 h6 15. Df1
Bh5 16. h3 Bg6 17. Had1 Had8 18.
Rxc6 bxc6 19. c4 Be4 20. Bd4 Rh7
21. cxd5 Bxd5?!
Anand lék þessum leik en leik-
urinn gefur Magnúsi kost á að þróa
stöðu sína áfram. Betra var 22. ...
cxd5 og svarta staðan er ekki lakari.
22. Hxe8 Hxe8 23. Dd3!
Með þessum leik nær hvítur örlít-
ið betri stöðu. Það eru einmitt stöð-
ur af þessu tagi sem henta Norð-
manninum vel og það veit Anand.
23. .. Rf8 24. Rh4 Be5 25. Bxd5
Dxd5 26. Bxe5 Dxe5 27. b3 Re6 28.
Rf3 Df6 29. Kg2 Hd8 30. De2 Hd5
31. Hxd5 cxd5 32. Re5!?
32. De5!? kom einnig til greina en
svartur á 32. ... Dd8 og getur varist.
32. ... Df5 33. Rd3 Rd4
34. g4!
Óvæntur leikur, hvítur varð að
gæta að því að leiki hann 34. De3
Rc2 35. Dd2?? kemur Dxd3! og
svartur vinnur. Hann gat hinsvegar
leikið 34. De8+ Kh7 35. De3 og þá
gengur fyrrnefnt afbrigði ekki upp
vegna þess að hvítur hirðir drottn-
inguna með skák.
34. ...Dd7 35.De5 Re6 36. Kg3
Db5 37. Rf4 Rxf4 38. Kxf4 Db4+
39. Kf3 d4 40. De8+ Kh7 41. Dxf7
Dd2 42. Df5+ Kh8 43. h4 Dxa2 44.
De6
Hótar að leika 44. g5 með færum
gegn kónginum. Anand setur fyrir
lekann.
44. ... Dd2! 45. De8+ Kh7 46.
De4+ Kh8 47. De8+Kh7
– Jafntefli.
Í dag er frídagur en fimmta skák-
in verður tefld á morgun og þá hef-
ur Anand hvítt. Carlsen á í erf-
iðleikum gegn
drottningarpeðsbyrjun Anands og
verður spennandi að sjá hverju
hann tekur uppá.
Anand jafnaði metin
og er til alls vís
Skák
Helgi Ólafsson
helol@simnet.is
Ferðataska miðstærð
Sími: 528 8800
drangey.is
Smáralind
Stofnsett 1934
Töskur
Hanskar
Seðlaveski
Ferðatöskur
Tölvutöskur
Belti
Skart og skartgripaskrín
Góðar vörur
Sanngjarnt verð
Persónuleg þjónusta
Kíktu inn á drangey.is
30% afsláttur
4 hjól, 70 cm
Verð áður 20.500
verð nú 14.350
Meðan birgðir endast
2 hjól, 65 cm
Verð áður 18.200
verð nú 12.700