Morgunblaðið - 13.11.2014, Blaðsíða 16

16 FRÉTTIRInnlent
MORGUNBLAÐIÐ FIMMTUDAGUR 13. NÓVEMBER 2014
ÚR BÆJARLÍFINU
Skapti Hallgrímsson
Akureyri
Norrænni loftslagsáskorun var í
fyrradag hleypt af stokkunum á Ak-
ureyri. Hér er um að ræða keppni
milli skóla á Norðurlöndum sem
stuðla á að aukinni umhverfisvitund
og orkusparnaði meðal nemenda á
aldrinum 12-14 ára.
  
Áskorunin felst í því að spara
rafmagn, hita og vatn í skólunum,
ásamt því að leysa verkefni í nýrri
námsgátt um loftslagsmál, orku og
sjálfbærni.
  
Keppnin stendur yfir þar til síð-
ari hluta marsmánaðar á næsta ári
og verður kynnt á hinum Norð-
urlöndunum á næstunni. Haldið var
af stað hér heima í tilefni þess að Ís-
land er nú í forsæti Norðurlanda-
ráðs, og leitað til Síðuskóla vegna
einbeitts vilja þar á bæ í því að
standa sig vel í umhverfismálum.
  
Daninn Thomas Mikkelsen
kynnti verkefnið í Síðuskóla ásamt
hinum verkefnisstjóranum, Elvu
Ósk Gylfadóttur, en Thomas er hug-
myndasmiðurinn að baki áskor-
uninni.
  
„Ég hef í tíu ár unnið hjá dönsku
orkufyrirtæki og þar á bæ höfum við
rætt mjög margar mismunandi leiðir
til að fræða hina ýmsu hópa um mik-
ilvæga þessa málaflokks. Þessi hug-
mynd kom ekki síst upp vegna þess
að ég veit að krakkar hafa alltaf
gaman af því að keppa,“ sagði Mikk-
elsen við Morgunblaðið.
  
Loftslagsáskorunin felst í því
að nemendur á Norðurlöndum reyna
að spara eins mikið rafmagn, hita og
vatn og kostur er, í góðu samstarfi
við kennara og skólastjórnendur. Sá
skóli sem minnkar orku- og vatns-
notkun mest til 23. mars verður
krýndur sigurvegari. Lofts-
lagsáskorunin er samstarfsverkefni
Norrænu ráðherranefndarinnar og
Sambands norrænu félaganna.
  
Markmiðið er að fræða nem-
endur um umhverfismál á áhuga-
verðan og skemmtilegan hátt. Viða-
mikil námsgátt hefur verið hönnuð í
tengslum við verkefnið þar sem
bæði kennarar og nemendur geta
nálgast fjölbreytt námsefni um lofts-
lagsmál, orkunotkun og sjálfbærni.
Þá gefur vefurinn nemendunum
kost á því að koma á sambandi við
jafningja sína annars staðar á Norð-
urlöndum.
  
Síðuskóli er fyrsti íslenski skól-
inn sem skráir sig til þátttöku í verk-
efninu. Að sögn Ólafar Ingu Andr-
ésdóttur, skólastjóra, hefur
Síðuskóli lengi lagt mikla áherslu á
fræðslu um umhverfismál og hlaut
fyrir vikið Grænfánann.
  
Ólöf Inga hóf samkomuna og
Soffía Vagnsdóttir, nýr fræðslustjóri
Akureyrarbæjar, ávarpaði einnig
viðstadda. Sigurður Orri Hjaltason
og Lísbet Perla Gestsdóttir, fulltrú-
ar 10. bekkjar í umhverfisnefnd
skólans, héldu stutt erindi og þá las
upp ljóð Sóley Brattberg Gunn-
arsdóttir, sem nú ber titilinn nátt-
úrufræðingur Síðuskóla eftir að hafa
unnið keppni þar um á Degi ís-
lenskrar náttúru í haust.
  
Forsvarsmenn norrænu ferða-
skrifstofunnar Nazar ætlar að auka
umsvif sín hér á landi á næsta ári og
m.a. bjóða upp á sólarferðir frá Ak-
ureyri til Antalya í Tyrklandi. Farið
verður í fjórgang frá því í lok sept-
ember þar til seint í október.
  
Kanadíski tónlistarmaðurinn
Eric Howden kynnir þriðju skífu
sína á Græna Hattinum í kvöld. Hún
kemur út og eru þetta fyrstu útgáfu-
tónleikarnir. Diskurinn kallast
Öxnadalur, músíkin er einmitt samin
í þeim fallega dal og diskurinn til-
einkaður honum, Íslandi og Jónasi
Hallgrímssyni.
  
Bjartmar Guðlaugsson verður
með tónleika á Græna hattinum á
föstudagskvöldið þar sem hann
skoðar líf sitt í samhengi við lýðveld-
issöguna, í tali og tónum. Á laug-
ardagskvöld halda svo saman tón-
leika Færeyingurinn Maríus Ziska
og Svavar Knútur.
  
Leikfélag Akureyrar frumsýnir
leikritið Lísu í Undralandi í mars í
nýrri leikgerð Margrétar Örnólfs-
dóttur við tónlist dr. Gunna. Með
hlutverk Lísu fer Thelma Marín
Jónsdóttir en leitað er að 14-18 ára
unglingum í nokkur hlutverk.
Haldnar verða áheyrnarprufur
vegna þessa í Rýminu á laugardag-
inn. Nánar á www.leikfelag.is
Krakkar hafa gaman af því að keppa
Morgunblaðið/Skapti Hallgrímsson
Keppni Nemendur efstu bekkja í Síðuskóla og gestir fylgdust spenntir með kynningu á norrænu loftslagsáskoruninni.
Ljóð Sóley Brattberg Gunnarsdóttir
náttúrufræðingur Síðuskóla í vetur.
Þórunn Kristjánsdóttir
thorunn@mbl.is
„Lagt er til í fjárhagsáætlun að á
næsta ári veiti sveitarfélagið 50% af-
slátt af gjaldskrá leikskólans af dag-
vistargjöldum og að elsti árgang-
urinn verði gjaldfrjáls að fullu.“
Þetta stendur í bókun sem var
samþykkt á fundi sveitarstjórnar
Ásahrepps vegna tillögu í fjárhags-
áætlun 2015 um lækkun leikskóla-
gjalda frá áramótum.
Afslátturinn mun leggjast ofan á
veittan afslátt t.d. til systkina. Áfram
verður greitt að fullu fyrir máltíðir
barna í leik- og grunnskólanum á
Laugalandi.
Fimm ára börn hafa verið með
gjaldfrjálsa vistun frá kl. 8-12. Eftir
áramót verður öll vistun elstu barna
gjaldfrjáls. Átta tíma vistun fyrir eitt
barn á Leikskólanum Laugalandi
kostar nú 26.768 krónur á mánuði en
verður 13.384 krónur á mánuði eftir
áramót.
„Við viljum styðja vel við bakið á
barnafjölskyldum og einnig lítum við
svo á að síðasta árið í leikskóla sé í
raun fyrsta skólaárið í grunnskóla-
göngu hvers barns,“ segir Egill Sig-
urðsson, oddviti hreppsnefndar Ása-
hrepps.
Tómstundastyrkir fyrir börn fram
til 18 ára aldurs verða veittir í fyrsta
sinn. Styrkurinn nemur um 50 þús-
und krónur á ári fyrir einstakling.
„Við litum til annarra sveitarfélaga
sem hafa verið að veita tómstunda-
styrkinn. Þetta er hvati til að styðja
við öflugt og fjölbreytt tómstunda-
starf sem er mjög mikilvægt,“ segir
Egill. Með tómstundastyrknum og
lækkun á leikskólagjöldum er sömu
upphæð varið til barnafjölskyldna og
ef leikskólagjöld yrðu felld niður að
fullu. Egill segir mjög líklegt að hald-
ið verði áfram á þessari braut og leik-
skólagjöldin felld niður í skrefum.
Fleiri sveitarfélög eru með elsta
stig leikskólans gjaldfrjálst, t.d. leik-
skólinn í Skeiða- og Gnúpverjahreppi.
Þá eru öll stig leikskólans í Súðavík
gjaldfrjáls .
Leikskólinn Laugalandi Eftir áramót kostar mánuðurinn um 13 þús. kr.
Helmingsafsláttur
af leikskólagjöldum
Fyrirtækið FutureBrand, sem sérhæfir sig í mörkun (branding), hefur um
árabil gert rannsóknir á viðhorfum fólks til einstakra landa. Kannað er hvaða
mælivíddir móta viðhorfin þegar kemur að innkaupum á vörum og þjónustu,
hvert fólk velur að ferðast, hvar það menntar sig og hvar fyrirtæki eru stofnsett.
FutureBrand hefur einnig rannsakað hvernig tengingar við einstök lönd hafa
áhrif á kauphegðun og fjallar nýleg skýrsla þeirra „Made in…“ um vaxandi
mikilvægi uppruna afurða fyrir neytendur.
Hólmfríður Harðardóttir, framkvæmdastjóri FutureBrand í New York, og Sven
Seger, yfirhönnuður, munu kynna nýjustu „Country Brand“ skýrslu fyrirtækisins
sem kemur út í nóvember og nýlega „Made in…“ skýrslu.Nánari upplýsingar
á vef Íslandsstofu.
Allir velkomnir, en nauðsynlegt er að skrá sig fyrirframmeð því að senda póst
á netfangið islandsstofa@islandsstofa.is eða hringja í síma 511 4000.
Hvað kemur upp í huga fólks á alþjóðlegum
vettvangi, þegar það hugsar um Ísland?
Kynningarfundur á Hilton Reykjavík Nordica,
mánudaginn 24.nóvember kl.10:30 – 12:00