Morgunblaðið - 13.11.2014, Blaðsíða 38

38 MENNING
MORGUNBLAÐIÐ FIMMTUDAGUR 13. NÓVEMBER 2014
Fimmta höfundakvöldið í Gunn-
arshúsi fer fram í kvöld kl. 20 og
mæta að þessu sinni rithöfundurinn
Þórarinn Leifsson og ljóðskáldið
Kristín Eiríksdóttir og svara spurn-
ingum Elínar Bjarkar Jóhanns-
dóttur um nýútkomnar bækur sínar.
Maðurinn sem hataði börn eftir Þór-
arin kom út fyrir fáeinum vikum og
Kok, myndskreytt ljóðabók Krist-
ínar, einnig. Þórarinn og Kristín eru
bæði rithöfundar og myndlistar-
menn og Elín er bókmenntafræð-
ingur og skrifar bókmennta-
gagnrýni fyrir vefinn Starafugl.
Þórarinn og
Kristín á höf-
undakvöldi
Höfundar Þórarinn og Kristín.
Myndlistarmað-
urinn Helgi Þórs-
son mun ræða við
gesti um verk sín
á sýningunni
Vara-litir í kvöld
kl. 20 í Hafnar-
borg. Helgi vinn-
ur með fundin
efni og tilfallandi
málningu í verk-
um sínum sem vakið hafa athygli
fyrir litagleði og barnslegt yf-
irbragð, segir í tilkynningu. Í verk-
unum ríki óheft sköpunargleði og
léttur andi og votti fyrir áhrifum af
alþýðulist. Fjölþjóðlegir munir,
mynstur, dýr og dulspekileg tákn
rati gjarnan á myndflötinn í sterkum
litum og einföldum teikningum. Um
Vara-liti segir að verkin á sýning-
unni eigi það sameiginlegt að vera
hlaðin litum og formum sem end-
urspegli tíðaranda 21. aldarinnar,
þar sem ofgnótt upplýsinga hlaði
hvert augnablik.
Helgi fjallar
um verk sín
Helgi Þórsson
Silja Björk Huldudóttir
silja@mbl.is
„Þetta var furðu áreynslulaus fæð-
ing,“ segir Sigríður Eir Zophonías-
ardóttir um hljómplötuna Nóg til
frammi sem Hljómsveitin Eva sendi
nýverið frá sér. Hljómsveitina Evu
skipu þær Sigríður Eir og Vala
Höskuldsdóttir, en þær hyggjast
fagna útgáfunni með tónleikum á
Kaffi Rósenberg í kvöld kl. 21 með
aðstoð nokkurra leynigesta.
Hvernig og hvenær láðu leiðir
ykkar Völu saman?
„Við Vala kynntumst í Listahá-
skólanum og héldum okkur fyrstu
formlegu tónleika í júní 2013 eftir
hálfs árs samstarf.
Hvernig semjið þið lögin ykkar?
„Við höfum notað aðferðir leik-
hússins til að spinna lögin í samein-
ingu. Það varð strax stefna hjá okk-
ur að skrifa lög um hluti sem okkur
fannst mikilvægt að ættu lög en eiga
ekki lög,“ segir Sigríður Eir og
nefnir í því samhengi lögin „Við-
bein“, „Blóð“ sem fjallar um tíða-
blóð og „Sjálfstæðar konur eru
sjarmerandi“. „Þegar efnið liggur
fyrir þá flæða textarnir fram í belg
og biðu. Það virðist líka vera að þeg-
ar við erum komnar með texta sem
eitthvert vit er í þá syngi hann sig
nánast sjálfur upp á gítarinn og
raddirnar.“
Skilgreinið þið ykkur sem fem-
íníska hljómsveit?
„Já, tvímælalaust. Við erum fem-
ínískt hinsegin band. Við höfum
reyndar átt erfitt með að festa fing-
ur á hvers konar tegund af músík
við spilum. Við höfum verið orðaðar
við allskonar stíla, s.s. kántrí, þjóð-
lagapopp og pönk og ég veit ekki
hvað og hvað. Ætli við séum ekki
blanda af þessu öllu saman.“
Eigið þið ykkur einhverjar fyrir-
myndir í tónlist?
„Joni Mitchell hefur verið mér
mikilvæg fyrirmynd. Svo má einnig
nefna Bob Dylan, Gillian Welch, KK
og First Aid Kit, en okkur þótti það
mikill heiður þegar okkur var um
daginn líkt við það band. Við fáum
helst innblástur frá einlægum lista-
mönnum sem hafa einfaldleikann að
leiðarljósi,“ segir Sigríður Eir og
bendir á að eina hljóðfærið á Nóg til
frammi sé gítar.
Gera án þess að kunna
Athygli vekur að öll lögin á plöt-
unni eru á íslensku. Finnst ykkur
mikilvægt að syngja á hinu ástkæra,
ylhýra máli?
„Textarnir okkar eru þess eðlis að
þeir koma frá einhverjum stað sem
er ekki í höfðinu á okkur. Þeir flæða
frá hjartanu eða jafnvel móðurlífinu
og því er tengingin við textana mjög
djúp. Þessari tengingu nær maður
sennilega ekki nema á sínu eigin
móðurmáli. Okkur langar þó til að
spreyta okkur á enskunni og það á
örugglega eftir að gerast, enda virð-
ist maður þurfa að syngja á ensku til
að verða heimsfrægur.“
Hvað er framundan hjá ykkur?
„Það er aðeins rúmur mánuður
þar til ég á að eiga. Við ætlum að
halda jólatónleika í Fríkirkjunni 6.
desember svo fremi sem barnið
verður ekki komið í heiminn, en ég
er sett 16. desember. Við krossum
bara fingur. En það hljóta allir að
hafa skilning á því ef fresta þarf tón-
leikunum sökum barnsburðar,“ seg-
ir Sigríður Eir og tekur fram að þær
Vala séu hvergi nærri hættar.
„Við munum pottþétt senda frá
okkur fleiri plötur, enda eigum við
nóg af efni. Við eigum efni í heila
plötu sem er tónlistin sem við sömd-
um við ljóð Davíðs Stefánssonar fyr-
ir leiksýninguna Gullna hliðið,“ seg-
ir Sigríður Eir og tekur fram að það
hafi verið mikill heiður að vera tón-
listarstjórar sýningarinnar þrátt
fyrir takmarkaða tónlistarkunnáttu.
„Við brögðuðum báðar á klassísku
söngnámi þegar við vorum ungling-
ar og fundum okkur ekki í því þar
sem okkur fannst tæknin éta lífræn-
una. Ég æfði á fiðlu þegar ég var lít-
il. En að öðru leyti kunnum við ekk-
ert fyrir okkur í tónlist, tónfræðum
eða hljómfræði. Ég kunni þrjú grip
á gítar þegar við byrjuðum að spila
saman, þ.e. G, e-moll og C. Það
heyrist vel hvaða lög eru samin þeg-
ar ég kunni bara þessa þrjá hljóma,“
segir Sigríður Eir kímin og tekur
fram að allmargir hljómar hafi bæst
í kunnáttusafn hennar síðan og sem
dæmi muni hún leika lag á jóla-
tónleikunum með tólf hljómum.
„Okkur finnst svo mikilvægt að
vera konur í tónlistarbransanum
sem gera án þess að kunna, en það
er ástæða þess að fólk hefur kallað
okkur pönkband. Okkur finnst mjög
mikilvægt að brjótast út úr full-
komnunaráráttunni. Því aðeins með
því að gera nær maður færni.“
Morgunblaðið/Þórður
Hljómsveitin Eva Sigríður Eir Zophoníasardóttir og Vala Höskuldsdóttir hafa starfað saman frá ársbyjun 2013.
Textarnir koma frá móðurlífinu
 Hljómsveitin Eva fagnar hljómplötunni Nóg til frammi með útgáfutónleikum
á Kaffi Rósenberg í kvöld kl. 21  Segjast eiga nægt efni í næstu hljómplötu
Leikverkið Ríkharður III. (fyrir
eina konu) verður sýnt kl. 19 í kvöld
í Tjarnarbíói. Verkið er unnið upp
úr leikriti Williams Shakespeare og
er verk í vinnslu, leikið af Emily
Carding og framleitt af leikhópnum
Brite Theater. Leikstjóri er Kol-
brún Björt Sigfúsdóttir og hafa þær
Carding rannsakað verkið í vinnu-
stofu í Tjarnarbíói frá 3. nóvember
sl., afstöðu sína til stjórnmála-
manna, samband Ríkharðs við
áhorfendur og hvort það breyti ein-
hverju að Ríkharður III. sé kona í
verkinu. Áhorfendum er boðið að
taka þátt í ferlinu, kynnast Rík-
harði, hjálpa honum að verða kon-
ungur, vera dregnir á tálar og
deyja fyrir það eitt að standa milli
hans og krúnunnar í forsal Tjarn-
arbíós, eins og segir í tilkynningu.
Brite Theater-leikhópurinn er ný-
kominn af London Horror Festival
þar sem hann sýndi verkið Shake-
speare in Hell við góðar und-
irtektir.
Frekari upplýsingar um leikhóp-
inn og fyrri verk þeirra Kolbrúnar
og Emily má finna á kolbrun-
bjort.ideastap.com.
Í vinnslu Emily Carding í verkinu Ríkharði III. (fyrir eina konu).
Áhorfendur verða per-
sónur í Ríkharði III.
30%
70%
20%50% 60%
60%
40%Leikföng
Mikið úrval af
jólagjöfum
Jólasveinar
velkomnir
Allt að
70%
afsláttur6.-16. nóvember
Lagersala
Gylfaflöt 7
112 Reykjavík
587 8700
Opnunartími:
Virka daga 8:30-20:00,
helgar 10:00-18:00 www.krumma.is