Fréttablaðið - 18.05.2013, Qupperneq 96

18. maí 2013 LAUGARDAGUR| MENNING | 60
Fyrir 4-6
Undirbúningur: 5 mínútur
daginn áður, síðan 15 mínútur
og svo suða í nokkrar mínútur.
1 kg nýr kræklingur í skel
1 dl ólífuolía
1 nýr chilipiparávöxtur
nokkur svört piparkorn
nokkur fenníkufræ
1 hvítlauksrif
Daginn áður er sósan und-
irbúin: Skerið piparávöxtinn
í litla bita, setjið í krukku
með olíunni, piparkornum
og fenníkufræjum.
Geymið í einn sólarhring.
Skrúbbið kræklinginn og
hreinsið hann vel. Ef þið
sjáið skel sem er opin, og
lokast ekki ef henni er ýtt
saman hendið henni þá. Það
má aldrei nota dauða skel.
Setjið í stóran pott við háan
hita, skeljarnar eru soðnar
þegar þær opnast. Hristið
pottinn svo allar skeljarnar
soðni á sama tíma.
Hellið kræklingnum í
skelinni á djúpa diska og
sósunni yfir. Borðið strax
með ristuðu brauði nudd-
uðu með hvítlauk.
Að sjálfsögðu fáum við
okkur staðarvín, hvítt eða
grátt.
Fyrir 8
Undirbúningur: 10 mínútur,
1 klst. áður, síðan 15 mínútur,
bakstur í 40 mín.
Bökudeig:
200 g hveiti
100 g mjúkt smjör
1 dl ískalt vatn
Sítrónukrem:
Safi og rifinn börkur af einni
sítrónu
50 g brætt smjör
100 g sykur
3 egg
Bökudeig:
Setjið hveiti og smjör í
smábitum saman í skál.
Nuddið hratt saman. Hellið
vatninu út í og hnoðið
hratt í kúlu. Fletjið út með
lófanum, brjótið saman í
þrennt, endurtakið tvisvar.
Geymið deigið í kæli í eina
klukkustund.
Sítrónukrem:
Hrærið saman sykur og
egg þar til kremið verður
ljóst og létt. Rífið börkinn
af sítrónunni og kreistið
úr henni safann. Blandið
hægt saman við kremið,
hrærið í á meðan. Setjið
loks brætt smjörið út í. Hitið
bökunarofn í 180°. Fletjið
deigið út, fyllið stórt (28 cm)
tertuform með því. Hellið
kreminu yfir. Bakið í 35-40
mínútur. Ef kremið bólgnar
mikið er nóg að pikka í það
með gaffli. Tertan á að vera
vel bökuð.
Fyrir 6
Undirbúningur: 30 mínútur,
sólarhring áður, suða í 4 klst.
1200 g seigt nautakjöt
200 g reykt flesk
3 tómatar
börkur af einni appelsínu
grænar ólífur
ólífuolía, salt, pipar
Kryddlögurinn:
½ flaska af bragðsterku
rauðvíni frá Provence, sumir
nota hvítvín
3 laukar
4 hvítlauksrif
2 stórar gulrætur í sneiðum
timían
lárviðarlauf
steinselja
2 negulnaglar
Daginn áður er kryddlögur-
inn útbúinn: Skerið kjötið í
bita, leggið í fallegan stein-
eða leirpott með rauðvíninu
og öllu kryddinu.
Geymið í kæli í sólarhring.
Snúið bitunum við nokkrum
sinnum svo þeir séu örugg-
lega vel í bleyti.
Daginn eftir takið þið kjötið
upp, þerrið það og steikið
við góðan hita í olíunni.
Skerið fleskið í litla bita
og steikið. Setjið svo allt
kjötið aftur í pottinn með
kryddleginum, berkinum,
afhýddum, niðurskornum
tómötunum, salti og pipar.
Látið malla við vægan hita í
fjórar klukkustundir. Setjið
ólífur í soðið og berið fram
í pottinum með kartöflum,
hrísgrjónum, eða pasta að
hætti Fransmanna.
Við drekkum sams konar vín
og við notuðum í pottinn.
Klassískur
og ofsalega góður
réttur.
Það vaxa
sítrustré alls
staðar í Suður-
Frakklandi og
ávextir þeirra eru
mikið notaðir.
Frakkar eru
mjög hrifnir af
súpum. Hér er
kræklingasúpa
með saffrani.
Bókin Sælkeraflakk um Provence
hefur að geyma uppskriftir Sig-
ríðar Gunnarsdóttur og myndir
dóttur hennar Silju Sallé. Þetta
er þriðja bók þeirra mæðgna sem
hafa í fyrri bókum einnig deilt
leyndarmálum franska eldhúss-
ins með lesendum sínum. „Ég
flutti til Frakklands með frönsk-
um eiginmanni mínum árið 1970.
Þá kunni ég ekkert að elda en
varð að bjarga mér. Þá kom sér
vel að eiga góða tengdamóður
sem kenndi mér til verka,“ segir
Sigríður. „Ég heillaðist svo algjör-
lega af franskri matargerð sem er
ekki furða. Hér í Frakklandi er
svo mikil og rík hefð fyrir góðum
mat og hann er afar fjölbreyttur
og ólíkur á milli héraða.“
Fyrri bækur Sigríðar hafa
fjallað um Frakkland í heild sinni
og svo París. Nú verður Provence
fyrir valinu enda matur þaðan
í uppáhaldi hjá Sigríði. „Það er
svo mikið sólskin og hamingja í
matnum þar og þess vegna valdi
ég þetta hérað,“ segir Sigríður,
sem sjálf býr í úthverfi Parísar.
„Svo kem ég til Íslands á hverju
ári, við eigum hús á mínum æsku-
stöðvum, Hjarðarfelli á Snæfells-
nesi. Dóttir mín Silja er nú flutt til
Íslands með sinn franska mann,
þannig að barnabörnin eru þar.“
sigridur@frettabladid.is
Lærði að elda af
franskri tengdamóður
Sigríður Gunnarsdóttir kunni ekki að elda þegar hún fl utti til Frakklands.
MÆÐGUR Sigríður Gunnarsdóttir og Silja Sallé hafa gefið út þrjár matreiðslubækur
saman, sú nýjasta heitir Sælkeraflakk um Provence.
KRÆKLINGUR AÐ
HÆTTI CAMARGUE
Moules en Brasucado
NAUTASMÁSTEIK
AÐ HÆTTI PROVINCE
Daube ProvenÇale
SÍTRÓNUTERTA
Tarte au citron
VORHREINSUNRÝMUM TIL FYRIR NÝJUM VÖRUM
RÚMGAFLAR | STILLANLEG RÚM | HEILSUDÝNUR | SVEFNSÓFAR | HÆGINDASTÓLAR | SÆNGUR | HEILSU- OG DÚNKODDAR | SÆNGURFÖT | LÖK O.FL.
20–50%
AFSLÁTTUR
Nú er tækifærið!
Allar vörur með 20% afslætti.
Seljum sýningareintök og valdar
vörur með allt að 50% afslætti.
Einungis í fáeina daga!
D Ý N U R O G K O D D A R
A
LL
A
R
V
Ö
RU
R M
EÐ 20%
A
FSLÆ
TTI
Lýkur
í dag
laugardag