Fréttablaðið - 29.11.2013, Qupperneq 4

29. nóvember 2013 FÖSTUDAGUR| FRÉTTIR | 2
LÖGREGLUMÁL Blóði drifnum
síðum úr Kóraninum, sem voru
hluti sönnunargagna um haturs-
glæp gegn múslimum á Íslandi,
var hent í ruslið. Borgarstarfs-
menn fjarlægðu síðurnar ásamt
þremur svínshöfðum sem hafði
verið komið fyrir á lóð Félags
múslima á Íslandi á miðvikudag.
Svínshöfuð, lappir og blóð
ásamt blóðugu
eintaki af Kór-
aninum, trúar-
riti múslima,
fundust á lóðinni
þar sem á að að
reisa mosku.
Ljósmyndari
Fréttablaðsins
myndaði vett-
vanginn áður en
borgarstarfsmenn komu að.
Í 233. grein almennra hegn-
ingarlaga segir að hver sem
með háði, rógi, smánun, ógnun
eða á annan hátt ráðist opinber-
lega á mann eða hóp manna, til
dæmis vegna trúar þeirra, skuli
sæta sektum eða fangelsi allt að
tveimur árum. „Menn geta brot-
ið gegn þessari lagagrein með
bæði orðum og athöfnum sem eru
smánandi og niðurlægjandi fyrir
hóp manna á grundvelli trúar-
bragða. Mér finnst blasa við að
það eigi við í þessu máli,“ segir
Björg Thorarensen, prófessor við
lagadeild Háskóla Íslands. „Kór-
aninn vísar skýrt til íslamstrúar
og það getur ekki verið skýrara að
hverjum þetta beinist.“
Ólíklegt er að lögreglan aðhaf-
ist frekar í málinu segir Bene-
dikt Lund, lögreglufulltrúi hjá
lögreglu höfuðborgarsvæðisins.
„Við höfum ekkert í höndunum
til að rannsaka,“ segir Benedikt.
„Við myndum rannsaka þetta ef
við hefðum eitthvað í höndunum.“
Hann segir að lögreglumaður
sem fór á vettvang hafi staðfest
við sig að það hafi verið „einhver
bréf“ á vettvangi en þeim hafi
verið hent. „Hann sagði að þetta
hefði verið eitthvert bréfarusl og
veit ekki einu sinni hvort það til-
heyrir þessu máli eða hvort þetta
var bara eitthvert rusl sem var
þarna á vettvangi. Þessu var öllu
hent og ég hef ekkert í höndunum
um þetta svínamál,“ segir Bene-
dikt. brjann@frettabladid.is
Sönnunargögn um
hatursglæp í ruslið
Borgarstarfsmenn hentu sönnunargögnum um hatursglæp að lögreglumönnum
ásjáandi. Blóðugur Kóran fór í ruslið með svínshausum. Tveggja ára fangelsi liggur
við hatursglæpum. Hef ekkert í höndunum til að rannsaka segir lögreglufulltrúi.
BJÖRG
THORARENSEN
Svínum er, eftir því sem Fréttablaðið kemst næst, slátrað í fjórum slátur-
húsum á landinu. Hjá þeim sláturhúsum sem Fréttablaðið hafði samband
við fengust þær upplýsingar að svínshausar séu alls ekki vinsæl söluvara
og fáir hausar séu seldir.
Eingöngu kjötvinnslur kaupa svínsblóð og því ekki sérlega margir sem
hafa aðgang að jafn miklu magni og hellt var á lóð Félags múslima á Ís-
landi. Ekki er þó útilokað að um blóð úr öðrum dýrum hafi verið að ræða,
enda til dæmis mikið magn af kindablóði selt til sláturgerðar.
Svínshausar ekki vinsæl söluvara
Á VETTVANGI Borgarstarfsmenn hreinsuðu upp svínshausa og önnur sönnunar-
gögn á vettvangi. Hér sést lögreglumaður gæta svæðisins. FRÉTTABLAÐIÐ/VILHELM
SKÓLAMÁL Á þriðja hundrað manns kröfðust þess að félagsmiðstöð
yrði opnuð í gamalli spennistöð við Austurbæjarskóla í gærmorgun.
Nemendur og foreldrafélag Austurbæjarskóla, ásamt fleirum, gengu
frá Hallgrímskirkju niður í Ráðhúsið og kröfðust þess að framkvæmd-
ir yrðu hafnar við spennistöðina.
Jón Gnarr borgarstjóri og Dagur B. Eggertsson, forseti borgar-
stjórnar, upplýstu mannskapinn um að félagsmiðstöðin yrði að veru-
leika, farið yrði í framkvæmdir á þessu ári og 45 milljónir króna
verða settar í framkvæmdirnar á næsta ári. Kjartan Magnússon
borgarfullrúi Sjálfstæðisflokksins flutti tillögu um málið árið 2010 og
spurðist fyrir um það á borgarráðsfundi fyrir tveimur vikum. - fbj
Nemendur í Austurbæjarskóla efndu til kröfugöngu í gær:
Vilja félagsmiðstöð í miðbæinn
KRAKKAR Í KRÖFUGÖNGU Spennistöðin er autt húsnæði við hlið Austurbæjar-
skóla sem mun hýsa félags- og menningarmiðstöð. FRÉTTABLAÐIÐ/DANÍEL
DÓMSMÁL Hannes Smárason fjár-
festir var í gær dæmdur í Héraðs-
dómi Reykjavíkur til að greiða
Landsbankanum á annan milljarð
króna.
Krafa Landsbankans á hendur
Hannesi á rót sína að rekja til sjálf-
skuldarábyrgðar sem hann gekkst
í fyrir lánveitingum bankans til
handa tveimur einkahlutafélögum
í hans eigu, sem héldu á eignarhlut
hans í FL Group fyrir bankahrunið.
Fram kemur í dómnum að heild-
arstaða þessara lána Landsbankans
til félaga Hannesar hafi numið 24,7
milljörðum króna í desember 2007.
Hannes hafði gengist í sjálfskuldar-
ábyrgð vegna lánveitinganna upp á
2,2 milljarða króna.
Með dómi héraðsdóms var hann
dæmdur til að greiða 1,9 milljarða
króna ásamt dráttarvöxtum að frá-
dregnum 300 milljónum króna þar
sem sannað þótti að greitt hefði
verið inn á reikning Primusar ehf.
í mars 2008 og sjálfskuldarábyrgð
Hannesar lækkuð um sömu fjárhæð
á móti. - þþ
Hannes Smárason dæmdur til að greiða sjálfskuldarábyrgð sína vegna lána:
Greiði Landsbanka 1,9 milljarða
STJÓRNSÝSLA Fjöldi fólks mótmælti
fyrir utan útvarpshúsið í Efstaleiti
í gær. Mótmælin voru haldin undir
yfirskriftinni „Stöndum með Ríkisút-
varpinu“. Yfir 9.000 manns hafa skrif-
að undir áskorun til menntamálaráð-
herra um að afturkalla uppsagnirnar
en 39 starfsmönnum var sagt upp á
miðvikudag.
Fundur var haldinn með starfs-
mönnum í gær þar sem farið var yfir
þær aðgerðir sem komnar eru til
framkvæmda og þær breytingar sem
þessi niðurskurður hefur í för með
sér fyrir reksturinn og dagskrána.
Páll Magnússon útvarpsstjóri sagði
í samtali við Vísi eftir fundinn ekki
koma til greina að draga uppsagn-
irnar til baka að óbreyttum tekjum.
Hann sagði niðurskurðinn óumflýjan-
lega bitna á dagskrá og fjölda starfs-
manna.
- fbj
Tilfinningaþrunginn starfsmannafundur hjá Ríkisútvarpinu eftir uppsagnir:
Mótmælt vegna uppsagna RÚV
HEILBRIGÐISMÁL Ný fæðingardeild
og meðgöngu- og sængurlegudeild
verður opnuð 1. mars 2013.
Í tilkynningu frá Landspítalan-
um segir að þjónusta deildanna við
skjólstæðinga verði betri og öfl-
ugri við breytingarnar. Gert er ráð
fyrir að þær stuðli að fjölgun eðli-
legra fæðinga, samfella í umönn-
un fæðandi kvenna verði meiri og
sængurkonur með börn á vöku-
deild verða nær börnum sínum í
sængurlegu.
Samhliða verður hægt að bæta
aðstöðu og starfsumhverfi með
betri nýtingu húsnæðis, um leið og
álag á starfsfólk er jafnað. - sáp
Þjónusta bætt til muna:
Breyttar deildir
opnaðar á LSH
SÝRLAND, AP Bandarískir emb-
ættismenn segja til greina koma
að eyða sýrlenskum efnavopnum
á hafi úti.
Hugmyndin er sú að eiturefnin
verði sett um borð í bandarískt
skip, MV Cape Ray, í Miðjarðar-
hafinu. Skipið verði búið sérstök-
um búnaði til að gera eiturefnin
hættulaus, bandarísk herskip
muni fylgja því og sjá til þess að
öryggi þess verði ekki stefnt í
hættu.
Enn hafa þó engar ákvarðanir
verið teknar, en ekkert land hefur
til þessa viljað taka við efnavopn-
unum til eyðingar. - gb
Vandræðagangur í Sýrlandi:
Efnavopnum
eytt í hafi
FJÖLDI FÓLKS MÓTMÆLTI yfir 9.000 manns hafa skrifað undir áskorun um að
afturkalla uppsagnir á RÚV FRÉTTABLAÐIÐ/VALLI
DÆMDUR Landsbankinn lánaði tveim-
ur félögum Hannesar en hann gekkst í
2,2 milljarða sjálfskuldarábyrgð vegna
lánanna. FRÉTTABLAÐIÐ/HEIÐA
DÓMSMÁL Nítján ára gamall
pólskur maður var í gær dæmdur
í átján mánaða óskilorðsbundið
fangelsi í Héraðsdómi Reykjavík-
ur fyrir að smygla rúmlega hálfu
kílói af kókaíni til landsins.
Maðurinn var handtekinn í
Leifsstöð í september síðastliðn-
um en hann hafði falið efnin í lík-
ama sínum í 56 pakkningum.
Maðurinn játaði brot sitt fyrir
dómi en sagðist hafa verið burð-
ar dýr fyrir annan mann sem
dómarinn taldi trúverðugt. - bl
Nítján ára pólskur maður:
Dæmdur í fang-
elsi fyrir smygl
SPURNING DAGSINS
Hrafnhildur, munu listamenn
fremja pottagjörning á Austur-
velli?
„Það fer eftir því hvernig verður í
pottinn búið.“
Hrafnhildur Sigurðardóttir, formaður Sam-
bands íslenskra myndlistarmanna, segir
niðurskurð á myndlistarsjóði reiðarslag og
að listamenn eigi potta og pönnur til að
mótmæla.
Þessu var öllu hent og
ég hef ekkert í höndunum
um þetta svínamál.
Benedikt Lund Lögreglufulltrúi hjá Lög-
reglu höfuðborgarsvæðisins