Fréttablaðið - 29.11.2013, Page 70

29. nóvember 2013 FÖSTUDAGUR| MENNING | 40
Havnakórið frá Færeyjum ásamt Sinfóníuhljómsveit
áhugamanna flytur óratoríuna Messías í Langholts-
kirkju sunnudaginn 1. desember klukkan 16. Stjórnandi
er Ólavur Hátún. Einsöngvarar eru Hallveig Rúnars-
dóttir, Sesselja Kristjánsdóttir, Eyjólfur Eyjólfsson og
Ágúst Ólafsson.
„Ólavur Hátún, sem er þessi stóri karakter í tón-
listarlífinu í Færeyjum, hefur í tugi ára látið flytja
til skiptis Jólaóratoríuna eftir Bach og Messías eftir
Händel í Þórshöfn fyrir jólin,“ segir Hallveig Rúnars-
dóttir spurð hvernig samstarf hennar
og Havnakórsins hafi komið til. „Hann
hefur alltaf fengið íslenska söngvara
til liðs við sig og fyrir tveimur árum
hafði hann samband við mig og bað
mig að koma og syngja með kórnum
í Messíasi. Ég tók því boði fagnandi
og fór svo aftur í fyrra og söng með
þeim í Jólaóratoríunni.“ Hallveig segir
samstarfið við Havnakórið hafa verið
hreint út sagt stórkostlegt. „Fólkið í
þessum kór er alveg meiriháttar og
alltaf mikil stemning. Ólavur ákvað
síðan að heiðra þetta samstarf við
íslenska söngvara með því að flytja
kórinn hingað og halda eina tónleika
hér í ár. Hann lítur á það sem sitt
grand finale.“
Jón Stefánsson, organisti og kórstjóri í
Langholtskirkju, fagnar þessari heim-
sókn mjög. „Ekki er fjarri lagi að segja
að Ólavur Hátún sé faðir færeyskrar tónlistarmenning-
ar. Hann hefur stjórnað kórum, lengst af Havnarkórn-
um, staðið fyrir kóramótum árlega með þekktum stjórn-
endum víðs vegar að úr heiminum, staðið fyrir stofnun
tónlistarskóla um allar byggðir Færeyja og verið óþreyt-
andi að efla tónlistarmenningu í Færeyjum. Hinn rúm-
lega áttræði eldhugi er ekki á því að leggja árar í bát og
nú hefur hann stefnt kór sínum til Íslands til að flytja
Messías.“
Einungis verður um þessa einu tónleika að ræða hér-
lendis, en Messías verður síðan fluttur í Þórshöfn með
sömu söngvurum seinna í desember. fridrikab@frettabladid.is
Havnakórið fl ytur Messías eft ir Händel
Færeyski kórstjórinn Ólavur Hátún kemur með Havnakórið í heimsókn til Íslands um helgina og Messías verður fl uttur í Langholts-
kirkju á sunnudaginn með íslenskum einsöngvurum við undirleik Sinfóníuhljómsveitar áhugamanna.
ÓLAVUR HÁTÚN
HALLVEIG
RÚNARSDÓTTIR
HAVNAKÓRIÐ Kórinn nýtur aðstoðar íslenskra einsöngvara við flutning Messíasar á sunnudaginn og í Færeyjum seinna í desember.