Fréttablaðið - 14.12.2013, Page 134

14. desember 2013 LAUGARDAGUR| SPORT |
Eiríkur Stefán
Ásgeirsson
eirikur@frettabladid.is
FRJÁLSÍÞRÓTTIR Kári Steinn Karls-
son maraþonhlaupari er reiðu-
búinn að taka á móti nýju ári með
bros á vör eftir rysjótt gengi á
árinu sem er að líða. Hann viður-
kennir að álagið sem fylgdi því að
keppa á Ólympíuleikunum í Lond-
on hafi reynst honum erfiðara en
hann reiknaði með fyrirfram.
„Ég er búinn að vera nokkuð
óheppinn með meiðsli eftir Ólymp-
íuleikana og framan af þessu ári.
Ég varð veikur þar að auki, fékk
til dæmis kinnholusýkingu, og
náði mér því aldrei almennilega á
strik,“ sagði Kári Steinn.
Hann keppti á Smáþjóðaleik-
unum í vor en segist hafa verið
algjörlega „flatur“ þar. „Ég náði
ekki þeim árangri sem ætla mátti
miðað við þá vinnu sem ég hafði
lagt í undirbúninginn. Ég var
með einkenni ofþjálfunar og fann
hversu þreyttur ég var bæði á lík-
ama og sál. Það vantaði alla gleði
og hungrið var ekki til staðar,“
bætir hann við.
Það var þá sem hann ákvað að
breyta um hugsunarhátt og nálgast
æfingar sínar á annan máta. „Ég
fór að hjóla, synda, lyfta, stunda
jóga og taka þátt í fjalla- og utan-
vegarhlaupum í stað hefðbundinna
götuhlaupa. Ég var hörkuduglegur
að æfa en gerði það allt öðruvísi
en áður.“
Kári Steinn kom sér á kortið sem
maraþonhlaupari með því að bæta
Íslandsmetið í maraþoni í Berlín
árið 2011. Þá tryggði hann sér um
leið þátttökuréttinn á Ólympíuleik-
unum í London þar sem hann náði
góðum árangri. En síðan þá hefur
hann ekki hlaupið heilt maraþon.
„Það var stefnan að fara aftur
til Berlínar á þessu ári en til þess
hefði ég þurft að æfa öðruvísi en
ég gerði. Það vantaði kílómetra
í lappirnar og skrokkinn,“ segir
hann en Kári Steinn sneri sér svo
aftur að hefðbundnum hlaupaæf-
ingum í september.
„Ég fann þá hversu gott ég hafði
af æfingunum í sumar. Ég var full-
ur orku enda hefur mér gengið
mjög vel á æfingunum í haust.“
Ég fór yfir strikið
Hann viðurkennir að hafa líklega
gengið of langt í ströngum und-
irbúningi sínum fyrir Ólympíu-
leikana. „Það er vel þekkt í þess-
um heimi að setja of mikla orku
í svona stórt verkefni eins og
Ólympíuleika. Mér finnst ekki
ólíklegt að ég hafi hreinlega farið
yfir strikið en maður keyrði sig
áfram á andlegri orku og þeirri
stemningu sem skapaðist í kring-
um þetta. Maður fékk svo að líða
fyrir það eftir leikana og ég hefði
þurft meiri hvíld en ég gaf mér. Ég
hefði þurft meiri tíma til að vinna
í hugarfarinu og finna hungrið á
nýjan leik.“
Athyglin kom á óvart
Kári Steinn segir sjálfur að öll
athyglin sem hann fékk vegna
Íslandsmetsins í Berlín og síðar
þátttöku hans á leikunum í Lond-
on hafi komið honum á óvart.
„Hún var mun meiri en ég gerði
mér í hugarlund. Það eru margir
hér á landi sem hafa þekkingu á
útihlaupum og geta því samsam-
að sig með manni. Ég hef auðvi-
tað afar gaman af því,“ sagði Kári
Steinn.
„Svo kom allt fjölmiðlaumstang-
ið, auglýsingar og fleira slíkt. Það
var einfaldlega of mikið að gera
hjá mér á þessum tíma, bæði
á æfingunum sjálfum og utan
þeirra.“
Aldrei verið í betra formi
En nú blasir við nýtt ár og Kári
Steinn hlakkar til næstu mánaða.
Hann náði frábærum árangri í
hálfmaraþoni í Frakklandi á dög-
unum og kom árangurinn þar
honum mjög á óvart.
„Ég ákvað að skella mér út með
fleiri félögum mínum sem voru að
taka þátt í hlaupinu því ég taldi
það góða æfingu fyrir mig,“ segir
Kári Steinn sem var aðeins tveim-
ur sekúndum frá Íslandsmetinu í
greininni.
„Það kom mér mjög á óvart og
sýndi mér hversu snöggur maður
er að komast í rétta formið. Ég er
í enn betra formi í dag og tel raun-
ar að ég hafi aldrei verið í betri
æfingu en í dag. Ég hlakka því
mikið til komandi mánaða.“
Stefni á topp fimmtán á EM
Kári Steinn stefnir á þátttöku á
Evrópumeistaramótinu í frjáls-
íþróttum sem fer fram í Zürich
næsta sumar. En það er fleira
fram undan í vetur.
„Ég tek að einhverju leyti þátt í
innanhússtímabilinu hér heima og
tek svo þátt í götuhlaupunum hér
heima. Ég ætla einnig að taka þátt
í heimsmeistaramótinu í hálfmara-
þoni í Kaupmannahöfn í mars. Þar
vil ég hlaupa vel – bæta mig og
setja met,“ segir Kári Steinn.
„Tveimur vikum eftir það er svo
á dagskránni að hlaupa maraþon í
Rotterdam í Hollandi en þar sem
ég hef enn ekki hlaupið heilt mara-
þon síðan í London tel ég það tíma-
bært nú.“
Þurft i að fi nna hungrið á nýjan leik
Kári Steinn Karlsson ætlar að hlaupa maraþon í mars á næsta ári í fyrsta sinn síðan á Ólympíuleikunum í London og stefnir að því að
vera í hópi fl jótustu manna á EM í Zürich. Hann átti erfi tt uppdráttar á fyrri hluta ársins og segir álagið vegna ÓL hafa komið sér í koll.
STÍFAR ÆFINGAR Kári Steinn segist aldrei hafa verið í betra formi en nú. Hann
stefnir hátt á Evrópumeistaramótinu á næsta ári. FRÉTTABLAÐIÐ/STEFÁN
HANDBOLTI „Ég sagði bara nei við þeirra
tilboði,“ segir Guðjón Valur Sigurðsson.
Hornamaðurinn staðfesti við Fréttablaðið
að hann hefði neitað samningstilboði þýsku
meistaranna í Kiel. Var hann meðal ann-
ars orðaður við spænska félagið Barcelona
í erlendum fjölmiðlum.
„Hvað verður kemur bara í ljós einhvern
tímann seinna. Það er ekkert sem ég get
sagt í augnablikinu,“ segir Seltirningur-
inn uppaldi sem er á sínu öðru tímabili hjá
þýska stórliðinu. Guðjón Valur varð Þýska-
landsmeistari í fyrsta skipti með liðinu í
fyrra auk þess að vinna bikarinn. Liðið fór
þó flatt í undanúrslitum Meistaradeildar
Evrópu þar sem liðið ætlaði sér stóra hluti.
Ljóst er að Kiel mun ekki verja bikar-
meistaratitil sinn þetta árið eftir tap fyrir
Rhein-Neckar Löwen í vikunni. Liðið er þó í
hörkubaráttu í deildinni einu stig eftir topp-
liði Flensburg og með leik til góða.
„Nú er bara að klára þessa fjóra leiki
fram að jólum,“ segir Guðjón Valur en
handan við hornið er enn eitt stórmótið hjá
landsliðinu. Okkar strákar hefja leik á EM
í Danmörku 12. janúar þar sem liðið er í
riðli með Spánverjum, Norðmönnum og
Ungverjum.
„Riðillinn er rosalega sterkur. Fyrsti
leikurinn kemur til með að skipta gríðar-
legu máli,“ segir Guðjón Valur um mögu-
leika Íslands. Norðmenn eru andstæðingur-
inn í fyrsta leik en svo er leikið á tveggja
daga fresti.
„Mestu máli skiptir fyrir okkur að leik-
menn okkar verði heilir fyrir mót,“ segir
landsliðsfyrirliðinn. Nefnir hann þá Aron
Pálmarsson og Alexander Petersson til sög-
unnar. Báðir skoruðu átta mörk í stórleik
Kiel og Löwen í bikarnum í vikunni þrátt
fyrir að vera að jafna sig eftir meiðsli.
„Það er frábært að Aron sé kominn í
gang. Það er hins vegar tvennt ólíkt að spila
tvisvar í viku og að fara á svona mót,“ segir
Guðjón Valur um samherja sinn hjá Kiel.
Aron var í lykilhlutverki hjá landsliðinu á
HM á Spáni í janúar líkt og Guðjón Valur
þar sem Ísland hafnaði í 12. sæti.
Óvissa ríkir um þátttöku Alexanders
Peterssonar á mótinu. Landsliðsþjálfarinn
Aron Kristjánsson sagði við Fréttablaðið í
gær að hægri skyttan myndi gefa svar eftir
helgi.
„Auðvitað þurfum við á honum að halda.
Þótt Geiri (Ásgeir Örn Hallgrímsson) hafi
litið rosalega vel út í æfingaleikjunum
á móti Austurríki þá þarf tvo menn með
reynslu í hverja stöðu,“ segir Guðjón Valur
um Alexander. Hann hafi hins vegar skiln-
ing á því ef menn ákveða að gefa ekki kost
á sér. Nauðsynlegt sé að hlusta á líkam-
ann. Vegna óvissunnar um leikmenn segir
hornamaðurinn erfitt að meta möguleika
okkar manna. Verði Ísland með sitt sterk-
asta lið séu möguleikarnir góðir.
„Ef ekki þá verður þetta helvíti erfitt,“
segir hornamaðurinn. Hann ítrekar þó að
sama hvernig liðið verði skipað verði spilað
til sigurs í öllum leikjum.
Hornamaðurinn 34 ára virðist verða
betri með hverju árinu. Hann fór hamför-
um með landsliðinu á árinu og var lang-
markahæstur allra leikmanna í undan-
keppni EM.
„Ég velti lítið fyrir mér hve gamall ég er
eða hve lengi ég hef verið í þessu. Það er
bara næsti leikur hvort sem maður er 18
ára eða 34 ára. Mér líður vel og skrokkur-
inn heldur,“ segir fyrirliðinn sem ætlar að
gefa kost á sér í landsliðið á meðan hann
getur.
„Ég get æft vel, mér líður vel og ég hef
mjög gaman af því að spila fyrir landsliðið.
Á meðan svo er geri ég það áfram.“ - ktd
Guðjón Valur hafnaði tilboði Kiel
Óvíst er hvar hornamaðurinn síungi og fyrirliði karlalandsliðsins í handbolta spilar á næstu leiktíð.
REYNSLUMIKILL Guðjón Valur hefur verið einn
fremsti hornamaður í heimi undanfarinn áratug.
NORDICPHOTOS/GETTY
SPORT
HANDBOLTI Óvissa er um þátttöku
Alexanders Petersson á EM í janúar.
Þrálát axlarmeiðsli eru að plaga
Alexander og mun það væntanlega
liggja fyrir í næstu viku hvort hann
treysti sér til að spila.
Sömu axlarmeiðsli urðu þess
valdandi að hann missti af HM
í janúar. Aðstæður nú eru mjög
svipaðar og þær voru þá.
Alexander gengur vel þessa
dagana hjá Rhein-Neckar
Löwen. Í desember í fyrra átti
hann öflugan leik og tryggði
sínu liði sigur skömmu áður en
hann dró sig út úr hópnum.
Hann er
nýbúinn að eiga
stórleik gegn
Kiel og tryggja
Löwen sigur gegn
meisturunum.
Það er aftur á
móti eitt að spila
vel í einstaka
leik en annað að
spila jafnvel átta
leiki á tveimur
vikum með landsliðinu.
Þessi meiðsli sem Alexander er
að glíma við hafa plagað hann lengi.
Hann tók þátt á EM árið 2012 en
varð að hætta vegna meiðslanna.
Á HM árið 2011 var hann einnig
langt frá því að vera heill heilsu en
píndi sig áfram líkt og oft áður. Fyrir
síðasta mót tók skynsemin völdin hjá
honum.
„Hingað til hef ég hugsað til
skemmri tíma og oft tekið þátt í stór-
mótum og barist við meiðsli á sama
tíma. Þetta er mjög erfið ákvörðun
en ég tel að ég muni koma sterkari
til baka. Jafnvel vélmenni þurfa að
fara í viðgerð,“ segir Alexander við
Fréttablaðið er hann dró sig út úr
hópnum fyrir ári.
- hbg
Endurtekur sagan sig hjá Alexander?
ALEXANDER
PETERSSON
FÓTBOLTI Alfreð Finnbogason
skoraði tvö mörk fyrir Heerenveen
í 2-1 sigri á PEC Zwolle í hollensku
úrvalsdeildinni í gærkvöldi. Alfreð er
markahæsti leikmaður deildarinnar
með 16 mörk í 14 leikjum.
Alfreð skoraði 14 deildarmörk í
deildinni fyrir áramót í fyrra. Hann
hefur því skorað tveimur mörkum
meira en á auk þess að eiga einn leik
til góða áður en árið er úti. Alfreð
varð þriðji markahæsti leikmaður
deildarinnar í fyrra með 24 mörk.
Aðeins Cristiano Ronaldo hjá Real
Madrid hefur skorað fleiri deildar-
mörk en Alfreð ef horft er til stærstu
deilda Evrópu. Ronaldo hefur skorað
17 mörk á Spáni en Luis Suarez
hjá Liverpool og Diego Costa
hjá Atletico Madrid koma
næstir með 15 mörk. Zlatan
Ibrahimovic hefur skorað
13 fyrir PSG í Frakklandi,
Giuseppe Rossi
12 mörk fyrir
Fiorentina á
Ítalíu og Robert
Lewandowski
11 mörk fyrir
Dortmund í
Þýskalandi.
- ktd
Aðeins Ronaldo skákar Alfreð