Læknablaðið - 15.05.2003, Blaðsíða 65

UMRÆÐA & FRÉTTIR / AF
SJÓNARHÓLI STJÓRNAR LÍ / FORMANNAFUNDUR LÍ
Fagleg akademía LÍ?
Viðhorf lækna bar oft á góma í þessari umræðu og
þörfin fyrir að breyta þeim á ýmsan hátt og endaði sú
umræða oftast í vangaveltum um læknadeild Háskóla
fslands. Þar færi mikilvægasta uppeldið fram og því
afar brýnt að deildin fylgdist vel með tímanum. Var á
mönnum að heyra að nokkur misbrestur væri á því og
þess vegna álitamál hvort ekki væri vænlegast til ár-
angurs að stofna nýja læknadeild sem gæti veitt þeirri
gömlu samkeppni. Spurning væri hvort sameining
spítalanna hefði ekki dregið úr samkeppninni og þar
með áhuga á kennslu læknanema.
En þótt menn væru sammála um að samtök lækna
hefðu skoðun á heilbrigðismálum þá er ekki einsýnt
um það hvernig þeirri skoðun væri best fylgt eftir.
Uppbygging félagsins er á þá leið að kjaramálin eru
ýmist á könnu LÍ, svæða- eða sérgreinafélaganna en
þau síðastnefndu hafa einkum séð um faglega starfið.
Jón Snædal sagði að það yrði án vafa til mikils gagns
að LÍ tæki meiri þátt í faglegri umræðu um heil-
brigðismál en spurningin væri hvernig þeirri umræðu
væri best fyrir komið. Það þyrfti að búa til vettvang
og farveg fyrir hana.
Sú hugmynd að stofna sérstaka nefnd eða jafnvel
einskonar akademíu innan LÍ sem hefði það hlutverk
að fjalla um og vinna að faglegum málum hlaut tals-
verðan hljómgrunn. Var það von manna að slík stofn-
un gæti styrkt stöðu félagsins og stéttarinnar við
stefnumótun í heilbrigðismálum. Sigurbjörn formað-
ur átti lokaorðin í þessari umræðu þegar hann vitnaði
til Breta sem eiga sér langa lýðræðishefð. Þar í landi
væru læknasamtökin skipt upp í fagfélög og stéttar-
félög en þar væru stéttarfélögin líka fagfélög enda
kölluðu stjórnvöld oft á þau til samráðs. Þar ríkti líka
annað viðhorf til lækna því bresk stjórnvöld sæktust
eftir því að kalla fram sjónarmið lækna þegar stefna
er mótuð í heilbrigðismálum.
Góð þjónusta en kerfið gallað
í lok umræðunnar voru helstu atriði hennar dregin
saman og þar varð niðurstaðan sú að Læknafélag Is-
lands eigi að hafa skoðun á og beita sér í heilbrigðis-
málum. Félagið þurfi að fylgjast með tímanum því nú
væru miklir breytingatímar. Það þyrfti að leggja
áherslu á að efla trúverðugleika stéttarinnar og vera
ófeimið að ræða viðkvæm mál á borð við hagsmuna-
tengsl og ásakanir um læknamistök. Félagið þurfi
einnig að huga að stjórnunarhlutverki lækna og bæta
samskipti innan stéttarinnar, þar á meðal milli al-
mennra lækna og lækna í stjórnunarstöðum. Læknar
þyrftu svo sjálfir að taka sér tak hvað varðar agaleysi
og það hvernig þeir láta að stjórn.
Undirbúningshópurinn sagðist myndi beita sér
fyrir því í samráði við stjórn LI að koma á fót hópi
sem fengi það hlutverk að fylgja eftir þeim hugmynd-
um sem fram komu á málþinginu, það væri langtíma-
verkefni sem ætti að stuðla að auknum metnaði, gæð-
um og betri líðan jafnt lækna sem sjúklinga í heil-
brigðiskerfinu. Lokaorðin átti Sigurður Björnsson
sem hélt því fram að á íslandi væri veitt góð heil-
brigðisþjónusta. Hins vegar þyrfti að færa ýmislegt til
betri vegar í íslenska heilbrigðiskerfinu. Það verður
væntanlega verkefni LÍ á næstu misserum ef andinn
frá Eystri-Rangá verður ríkjandi í störfum félagsins.
Formannafundur LÍ
Nýja læknadeíld en
ekkert tilvísanakerfi
Formannafundur Læknafélags fslands var hald-
inn í húsakynnum félagsins í Kópavogi 11. apríl.
Slíkir fundir eru haldnir á hverju vori og hafa þann
tilgang að taka sólarhæðina á miðju starfsári
stjórnar milli aðalfunda. Þangað mættu að vanda
formenn svæðafélaga og sérgreinafélaga, gáfu
skýrslur um starfsemi félaganna og hlýddu á skýrsl-
ur stjórnar og formanna nefnda.
Oft hefur verið brugðið á það ráð á þessum
vorfundum að efna til málþings um eitthvert það
efni sem brennur á læknum en svo var ekki nú
heldur fór mestur tíminn í að ræða starf félagsins.
Að sjálfsögðu komu þó til umræðu ýmis þau mál
sem uppi eru í tíðinni, svo sem deilan um heilsu- Þröstur
gæsluna á Suðurnesjum. Haraldsson
Læknablaðið 2003/89 437