Læknablaðið - 15.10.2007, Blaðsíða 29

UMRÆÐA & FRÉTTIR / AF SJÓNARHÓLI STJÓRNAR L
Skyldur lækna
Itrekað hefur komið fram í skoðanakönnunum að
almenningur ber mikið traust til lækna og er það
vel þar sem í þeirra hendur þarf fólk oft að leggja
það dýrmætasta sem það á. Það er líka viðurkennd
staðreynd að á Islandi eru gæði heilbrigðisþjónust-
unnar almennt séð til fyrirmyndar og er það ekki
síst að þakka að læknisþjónusta hér er veitt af vel
menntuðum og góðum fagmönnum.
Þessu trausti, sem almenningur ber til okkar
lækna, fylgir líka ábyrgð. Þó við teljum okkur
veita góða og faglega þjónustu þegar til okkar
er leitað vegna sjúkdóma og slysa þá höfum við
kannski ekki sinnt okkar hlutverki í forvörnum og
lýðheilsu sem skyldi. Með þessu er ekki verið að
kasta rýrð á þau verk sem lýðheilsustöðin, land-
læknisembættið eða einstakir læknar hafa unnið
á þessum vettvangi. Hér er verið að brýna fleiri til
að koma að þessu.
Það er við hæfi að þeir sem til dæmis sinna
fórnarlömbum reykinga, annarra óhollra lífshátta
og ofbeldis stígi fram á opinberan vettvang og
reyni í krafti sinnar þekkingar, reynslu og þess
traust sem til okkar er borið að stuðla að betri
heilsu þjóðarinnar. Gott dæmi um þetta og í raun
kveikjan að þessum hugleiðingum er sú um-
ræða sem fram hefur farið um ofbeldið í miðbæ
Reykjavíkur. Þar hafa læknar slysadeildar ítrekað
komið fram í fjölmiðlum og bent á hversu slæmt
ástandið er og að þörf sé úrbóta. Þetta virtist
um tíma barátta við vindmyllur en með aukinni
fjölmiðlaumfjöllun og vakningu yfirvalda virðist
nú hafa orðið viðsnúningur og dregið hefur úr
ósómanum að minnsta kosti um sinn.
Annað skemmtilegt dæmi úr fortíðinni er áskor-
un stjórnar Læknafélags Akureyrar þ. 10. mars
1981 til Flugfélags íslands um að banna algerlega
reykingar á flugleiðinni Akureyri-Reykjavík en
þá var leyft að reykja öðru megin í flugvélinni. í
kjölfarið varð sennilega fyrsta reyklausa áætlun-
arflugið hér á landi og framhaldið þekkja
allir fram til dagsins í dag með fleiri og fleiri
reykbönnum. Þar velti lítil þúfa þungu hlassi.
Þetta eru eingöngu tvö dæmi en þau eru fleiri
og of Iangt mál að telja upp í stuttum pistli. Hins
vegar er þetta verkefni sem læknar geta samein-
ast um og ekki eru deildar meiningar um, heldur
kannski frekar að sitji hjá í amstri dagsins.
í ráðherrastól heilbrigðisráðuneytis er sestur
nýr ráðherra. Eðlilegt er að ætla honum tíma til
að kynna sér starfssvið sitt gaumgæfilega áður
en lögð er fram fullmótuð stefna. Hins vegar eru
ákveðnar vísbendingar um nú þegar, að þessi
ráðherra hafi mikinn áhuga á lýðheilsumálum og
vilji ná árangri á því sviði.
Þar er ráðherra samstíga læknastéttinni og má
þar leggja grundvöll að góðu samstarfi ráðuneytis
og lækna. Þegar menn hafa fundið traustan flöt
á samskiptum á einum stað verður vafalaust
auðveldara að leysa ágreiningsmál sem upp kunna
að koma annars staðar.
Sigurður E.
Sigurðsson
Sigurbjörn
Sveinsson
I pistlunum Af sjónarhóli
stjórnar birta stjórnarmenn LÍ
sínar eigin skoðanir en ekki
félagsins.
Læknablaðið 2007/93 689