Læknablaðið - 15.09.2011, Blaðsíða 42

UMFJÖLLUN O G GREINAR
Tóbaksvarnarþing 2011
■ ■ ■ Hávar Sigurjónsson
Tóbaksvamarþing verður haldið á
vegum Læknafélags fslands þann 30.
september næstkomandi að Hlíðarsmára
8, Kópavogi, kl. 13:10.
Tóbaksnotkun leggur að velli á milli
300 og 400 íslendinga ár hvert. Enn
fleiri veikjast og hljóta örkuml vegna
tóbaksnotkunar. Um er að ræða
faraldur sem læknar og aðrir sem
láta sig heilbrigði varða vilja stöðva.
Af þessum sökum hélt Læknafélag
fslands fyrsta Tóbaksvarnarþingið
haustið 2009. Þar kom saman fjöldi
manns og var unnið að ályktunum um
aðgerðir í tóbaksvarnarmálum á íslandi.
Afrakstur vinnu þeirrar sem unnin var
á þinginu hefur nú tekið á sig form
þingsályktunartillögu sem lögð var fram
á Alþingi síðastliðið vor og þingmenn
frá öllum þingflokkum komu að.
Þingsályktunartillagan vakti heimsathygli.
Þar kemur fram að stefnt sé að því
að tóbak verði tekið úr almennri sölu
hér á landi. í tillögunni er lagt til að
tóbaksreykur verði skilgreindur sem
krabbameinsvaldandi efni, enda löngu
sannað að svo er. Einnig að tóbak verði
flokkað sem fíkniefni, en þekkt er að
nikótín er eitt mest vanabindandi efni
sem til er. Tilgangur þeirra tillagna sem
koma fram í þingsályktunartillögunni
er skýr, að minnka nýliðun tóbaksnot-
enda og hlífa fólki þannig við reyk-
ingatengdum sjúkdómum og spara
þjóðfélaginu umtalsverðar fjárhæðir,
en hagfræðingar hafa reiknað út að
reykingar einar kosti ísland um 30
milljarða ár hvert.
Á Tóbaksvamarþing 2011 verður
boðið fjölda fólks sem lætur sig
málið varða, heilbrigðisstarfsfólki,
stjórnmálamönnum, forsvarsmönnum
stéttarfélaga og allra sem vinna með
börnum og ungu fólki, kennurum og
þjálfurum hjá íþróttafélögum. Þings-
ályktunartillagan verður skoðuð og
rædd, farið verður yfir hagfræði
tóbaksnotkunar, stöðuna í tóbaks-
varnarmálum erlendis og fleira. Vonast
er til að erlendir fyrirlesarar sjái sér
fært að koma, en einnig verða fengnir
til leiks færustu sérfræðingar landsins á
þessu sviði.
í undirbúningsnefnd Tóbaksvamar-
þings 2011 eru Ágúst Örn Sverrisson,
hjartalæknir, Kristján G. Guðmundsson,
heimilislæknir, Sigríður Ólína Haralds-
dóttir, lungnalæknir, Valgerður Rúnars-
dóttir, fíknlæknir og Þórarinn Guðnason,
hjartalæknir.
MediCarrera
Atvinnutækifæri fyrir sérhæfða
lækna og hjúkrunarfræðinga í
Svíþjóð og Noregi
Laus störf innan geðlækninga, barna og unglinga-
geðlækninga, lyflækninga, skurðlækninga og
heimilislækninga ásamt innan annarra sérgreina
Með markvissu tungumálanámskeiði
Við bjóðum:
■ Varanlega samninga við almenningssjúkrahús eða heilsugæslu
■ Möguleika á aó sameina starf og rannsóknir eða sérhæfingu
■ Hjálp við að finna húsnæði, skóla og leikskóla
■ Aðstoð við tilfærslu og flutningskostnað
■ Markvisst tungumálanámskeið áður en starf hefst
Fyrir frekari upplýsingar:
Vinsamlega sendið CV til info@medicarrera.com
eða hafið samband með frekari spurningar í tölvupósti
eða síma +34 933 173 715.
www.medicarrera.com
MediCarrera sl, Balmes 191 - 6° la, 08006 Barcelona, Spain
as
494 LÆKNAblaðið 2011/97