Læknablaðið - 15.10.2011, Blaðsíða 4

liHP FRÆÐIGREINAR
519
Magnús Jóhannsson
Læknadóp
Ábyrgð lækna felst í því að
bæta upplýsingaflæði, meðal
annars með læknabréfum.
Það er ámælisvert hve illa
læknabréf frá sérfræðingum
skila sér, bæði frá
sérfræðingum á stofnunum
og úti í bæ. Læknar mega
ekki afsaka sig með
tímaskorti í svo mikilvægu
máli.
521
Þórdís Jóna Hrafnkelsdóttir
Ósæðarlokuskipti -
á leið inn í nýja tíma?
Ósæðarlokuþrengsli eru
nokkuð algeng og eina leiðin
til að greina einkennalausa
einstaklinga er hjartahlustun
og hjartaómskoðun. Því
er ástæða til að hvetja alla
lækna til þess að hlusta
hjörtu eldri skjólstæðinga.
523
Inga Lára Ingvarsdóttir, Sindri Aron Viktorsson, Kári Hreinsson, Martin Ingi
Sigurðsson, Sólveig Helgadóttir, Þórarinn Arnórsson, Ragnar Danielsen,
Tómas Guðbjartsson
Lokuskipti vegna ósæðarlokuþrengsla á íslandi 2002-
2006: Ábendingar og snemmkomnirfylgikvillar
Þessi rannsókn sýnir að snemmkomnir fylgikvillar eru tíðir eftir lokuskipti
vegna ósæðarlokuþrengsla. Fjórir af hverjum fimm sjúklingum greindust með
minniháttar fylgikvilla sem verður að teljast hátt hlutfall enda þótt svipuðum
niðurstöðum hafi verið lýst í öðrum rannsóknum. Algengasti fylgikvillinn var
gáttatif, hjá 77,5% sjúklinga.
529
Rúnar Vilhjálmsson
Frestun læknisþjónustu meðal íslendinga:
Umfang og skýringar
Mikilvægt er að heilbrigðisyfirvöld leiti leiða til að jafna aðgengi að
heilbrigðisþjónustunni og vinni gegn frestun eða niðurfellingu hennar, til
dæmis með aukinni tryggingavernd, eflingu heilsugæslunnar og vaktþjónustu
innan hennar, og annarri nærþjónustu, svo sem heimatengdri þjónustu og
skólaheilsugæslu.
537
Halla Viðarsdóttir, Jón Gunnlaugur Jónasson, Ráll Helgi Möller
Kirtilkrabbamein í botnlanga á íslandi 1990-2009 -
lýðgrunduð rannsókn
í þessari afturskyggnu rannsókn voru skoðaðir faraldsfræðilegir þættir,
meðferð og lifun. Öll vefjasýni voru skoðuð og meinafræði endurmetin. Alls
greindust 22 sjúklingar á rannsóknartímanum. Miðgildi aldurs sjúklinga var
63 ár (bil: 30-88). Aldursstaðlað nýgengi eftir Evrópustaðli WHO var 0,4 af
hverjum 100.000 íbúum á ári. Algengasta einkenni var kviðverkur og átta
sjúklingar töldust hafa klínísk einkenni botnlangabólgu.
542
Haustúthlutun úr Vísindasjóði
Félags íslenskra heimilislækna
516 LÆKNAblaðið 2011/97