Þjóðlíf - 01.03.1986, Síða 52

Jón Sigurðsson
BA-próf í íslenskum
fræöum og sagnfræði frá HÍ
1969. Síðan framhaldsnám,
m.a. við háskólann í Lundi.
Lektors- og kennslustörf til
1975. Forstjóri Bókaútgáfu
Menningarsjóðs 1975-77.
Þá ráðinn ritstjóri Tímans til
1981 .Þá ráðinn skólastjóri
Samvinnuskólans að Bif-
röst. Hefur undanfarinn ára-
tug starfað töluvert fyrir
Framsóknarflokkinn.
Jón Sigurðarson
Efnaverkfræðingur frá
verkfræðiháskólanum í
Danmörku 1977. Hóf þá
störf hjá Plasteinangrun á
Akureyri. Ráðinn aðstoðar-
verksmiðjustjóri hjá Iðnað-
ardeild Sambandsins 1980.
Nú framkvæmdastjóri Iðn-
aðardeildar. Hefurverið
bæjarfulltrúi fyrir Framsókn-
arflokkinn á Akureyri frá
1984.
Kjartan B. Kristjánsson
Verkfræðingurfrá Dan-
marks Tekniske Höjskole í
Kaupmannahöfn 1959.
Starfaði síðan hjá raf-
magnsveitum Kaupmanna-
hafnar og síðan hjá frysti-
húsum í Vestmannaeyjum
við gerð launakerfa og
áætlunargerð. Hóf síðan
störf hjá Iðnaðardeild Sam-
bandsins við sömu hluti og
ráðinn framkvæmdastjóri
Gefjunar 1978. Hefur látið
af því starfi.
Magnús Gunnarsson
Viðskiptafræðingurfrá HÍ
1971. Síðan skrifstofustjóri
hjá SIF, framkvæmdastjóri
hjá Hafskip og hjá Arnar-
flugi. Ráðinn aðstoðarfor-
stjóri Olíufélagsins 1981.
Varð framkvæmdastjóri
Vinnuveitendasambands-
ins 1983. Varforystumaður
í Vöku og formaður Stú-
dentaráðs 1969.
María Ingvadóttir
Hefur nýhafið störf hjá
Hagdeild Sambandsins.
Viðskiptafræðingurfrá HÍ
1983. Er núverandi formað-
ur Hvatar, félags sjálfstæð-
iskvenna í Reykjavík.
Matthías Guðmundsson
Viðskiptafræðingur. Hóf
störf hjá Hagsýsludeild
Fjárhagsdeildar 1984. Ráð-
inn skrifstofustjóri Búnaðar-
deildar 1985.
að gera eitthvað í fiskvinnslunni úti á landi, svo
dæmi sé tekið, er einfaldlega ekki fyrir hendi. Ef
fé er lagt í hana heitir það á máli sérfræðinganna
að verið sé að redda. Tapreksturinn í Reykjavík
er hins vegar bisniss á máli sömu manna."
„Fjármálaveldi Sambandsins byggist auðvitað
á kaupfélögunum og er afrakstur starfsemi þeirra
í áratugi. Þeir kaupa rekstrarvörur sínar af Sam-
bandinu og selja því framleiðslu sína. Þau tryggja
hjá Samvinnutryggingum og afurðir þeirra eru
fluttar með Skipadeildinni. Þau kaupa alla sína
olíu hjá Sambandinu. Það er því fokið í flest skjól
þegar sérfræðingaveldið er farið að koma fram
gagnvart kaupfélögunum eins og þau séu baggi
á Sambandinu."
Vantar hdskólamenn d
Elandshyggdina
kki eru kaupfélagsstjórar almennt jafn
gagnorðir og sá sem hér hefur verið vitnað til.
„Samvinnuhreyfingin þarf á háskólamenntuðum
sérfræðingum að halda,“ sagði Hermann Hans-
son kaupfélagsstjóri á Höfn í Hornafirði. „Okkur
vantar háskólamenn út á landsbyggðina. Hins
vegar má vel vera, að Sambandinu gagnaðist vel
að fá til starfa hjá sér menn með reynslu af
störfum við fyrirtækin úti á landi. Það þarf að
finna hæfilega blöndu. Háttsettur maður hjá
Samvinnuhreyfingunni sagði að því væri ekki að
leyna að stundum þyrfti að vekja menn hjá
kaupfélögunum úti á landi af Þyrnirósarsvefni.
Sum kaupfélög hafa skuldað von úr viti og ætlast
til að þau fengju að komast upp með það. Þar
hafa menn stillt málunum svona upp: Ef ég fæ
peninga er það samhjálp og félagshyggja, en ef
ég þarf að borga heitir það markaðshyggja og
Reykjavíkurvald. Sambandið þarf að fá góða
menn til starfa, en það á ekki að þýða að hin
félagslega arfleifð, sem samvinnuhreyfingin
byggir á, gleymist. Það væri áreiðanlega hollt
fyrir alla sem gegna ábyrgðarstöðum hjá Sam-
bandinu að hafa reynslu af því að standa í erfið-
um rekstri úti á landi.“
Samvinnuskólamenn til
h kaupfélaganna
I eir Erlendur Einarsson núverandi forstjóri
SÍS, Guðjón B. Ólafsson sem ráðinn hefur verið
arftaki hans, og Valur Arnþórson stjórnarformað-
ur SÍS eru allir Samvinnuskólagengnir menn, en
samvinnuhreyfingin hefur rekið sérstakan skóla
síðan 1918, elsta samvinnuskólasem stofnsettur
varíheiminum.
Það var Jónas Jónsson frá Hriflu sem átti
mestan þátt í því að þeim skóla var komið á
laggirnar. Jónas ritaði grein í Tímarit kaupfélag-
anna árið 1917, þar sem hann færði rök að því að
samvinnuhreyfingin þyrfti að reka eigin skólatil
að búa menn undir störf í fyrirtækjum sínum. Til
þess dygði ekki almenn verslunarfræðsla, svo
sem Verslunarskólinn lét í té, en hann var stofn-
aður 1905. Til þess taldi Jónas of mikinn grund-
vallarmun á einkarekstri og samvinnurekstri.
Hann taldi þá kaupmenn sem stóðu að rekstri
52 ÞJÓÐLÍF