Þjóðlíf - 01.01.1991, Qupperneq 43

og tekst ekki að halda áhorfandanum við
efnið. Líkleg ástæða fyrir þessu er að
handritið er ekki nógu íburðarmikið fyrir
heila kvikmynd. Leikarahópurinn vinnur
vel saman og gefur hann sannfærandi
mynd af persónunum. Egill Ólafsson, í
hlutverki hins dularfulla Péturs, sýnir
stjörnuleik og sannar enn á ný að hann er
einn besti kvikmyndaleikarinn sem við
eigum. Kvikmyndatakan gefur rétta
stemningu og lýsing er náttúruleg og fal-
leg. Klippingin er ein sú besta sem sést
hefur í íslenskri mynd og sá Skafti Guð-
mundsson um hana ásamt aðstoðarfólki.
Það er leikstjórn og tæknivinna sem gera
RYÐ að einni þéttustu og fagmannlegustu
kvikmynd okkar.
Sýnd í Regnböganum
Tryllt ást (Wild at Heart) - ****
Vítamínsprauta örvandi efna beint í
æð. David Lynch er bjartasta von
þeirra sem hafa unun af hinu óvenjulega.
Við fylgjumst með einu ástríðufyllsta pari
kvikmyndasögunnar, leikin frábærlega af
Nicolas Cage og Laura Dern, og ferðum
þeirra í Ameríkunni sem ekki er sýnd í
auglýsingum. Það er enginn venjulegur í
myndinni og allra síst Bobby, leikinn af
Willem Dafoe, sem er einn af þeim ógeð-
felldari. Hann er í hlutverki sem hann
hefur bersýnilega unun af að leika og
minnir mann óneitanlega á voðamennið
Frank Booth sem Dennis Hooper lék í
síðustu mynd Lynch, Blue Velvet. Ur-
vinnsla á Trylltri ást er hrá og villt eins og
aðalpersónurnar eru, klippingin frumleg
og tónlistin mögnuð. Lynch gerði hand-
ritið af Wild at heart eftir samnefndri bók
Barry Gifford.
Sýnd í Háskólabíó
Tryllt ást er ein af þeim bestu. Laura Dern og William Dafoe í hlutverkum sínum.
Þrenningin úrBaker bræðrunum íellefta sæti.
Hinrik V (Henry V) - ***172
Samstarf ‘ William Shakespeare og
Kenneth Brannagh hefur getið af
sér athyglisverða mynd. Hún einkennist
af frumlegri og líflegri uppsetningu og
einstökum leik fjölda margra af bestu leik-
urum Bretlandseyja. Kenneth stýrir þess-
um mikla hóp af stakri prýði og leikur
sjálfur Hinrik af svo miklum krafti og
sannfæringu að ég fylltist geðshræringu
aftur og aftur meðan á myndinni stóð.
Helsti, ef ekki eini, vankanturinn var
lengd vissra bardagaatriða þar sem sömu
atburðirnir virtust endurteknir hvað eftir
annað. Hinn reyndi leikari Derek Jacobi
fer með hlutverk sögumannsins sem
kynnir persónurnar og leiðir áhorfandann
milli atburða, frá ákvörðun Hinriks að
endurheimta Frakkland fyrir enska kon-
ungsvaldið og fram að lokabardaganum og
trúlofun konungsins unga og dóttur hins
aldraða konungs Frakklands. Eg hvet
eindregið alla þá sem unun hafa á verkum
Shakespeares og góðum kvikmyndum að
fara og skoða útgáfu Kenneth Brannagh á
Hinriki V.
Sýnd í Háskólabíó.
0
ÞJÓÐLÍF 43