Frjáls verslun - 01.04.2010, Blaðsíða 59

F R J Á L S V E R S L U N • 4 . T B L . 2 0 1 0 59
Þeir nálguðust viðfangsefnið á ólíkan hátt. Báðir kom­ust að þeirri niðurstöðu að viðhorfið til okkar sjálfra væri eitt mikilvægasta fjöreggið. Að fjöreggið fyndist í hverju okkar. Fram kom að ef viðhorf okkar Íslendinga til okkar sjálfra
væri neikvætt, við litum svo á að við værum ómöguleg og hér væri
ekki gaman að búa, kæmi það fram í viðmóti allra annarra þjóða til
okkar. Það hefði enginn gaman af að koma til þjóðar sem hefði nei­
kvætt viðhorf gagnvart sjálfri sér og bæri ekki virðingu fyrir sjálfri sér.
Hjörleifur sagði að fjöreggin væru falin í skýrri sýn,
heilbrigðum gildum, jákvæðu viðhorfi, styrkleikum og þátttöku.
Hann bar saman fjöregg Össurar sem alþjóðlegs stórfyrirtæki
við íslensku þjóðina. Össur hefði skýra sýn og stefnu. Það væri
stefna Össurar að vera leiðandi fyrirtæki á sviði stoð­ og stuðn ings­
tækja og ná því með hátæknilausnum sem bæta hreyfanleika fólks.
„Við segjum að það séu engar takmarkanir í lífinu. Velgengni er
ekki takmörkuð eða frátekin fyrir suma.“
„Við nýtum gildi okkar og sérstæða þekkingu til að byggja upp
varanlegt samstarf. Á þann hátt náum við árangri í starfi og látum
sýn okkar um að fólk njóti sín til fulls verða að veruleika.“
Hann sagði að sýn Íslands og stefna væri engin. Það væri
nán ast autt blað. Hann tók næst fyrir gildi Össurar og þá fyrir­
tækjamenningu sem þar væri. Hann sagði að heilbrigð gildi
Össurar fælust í heiðar leika, hagsýni og hugrekki.
Heiðarleikinn felst í því að við viðurkennum mistök og það
sé nauðsynlegt þegar verið sé að prófa áfram tækninýjungar. „Við
auðsýnum virðingu með því að halda okkur við staðreyndir, standa
við gefin loforð, uppfylla kröfur og viðurkenna mistök. Við hlúum
að heiðarlegum samskiptum innan fyrirtækisins með því að deila
upplýsingum og taka tillit til vinnuálags hvers annars.“
Um hagsýnina sagði hann: „Við notum fjármuni fyrirtækisins
af skynsemi. Við höldum kostnaði í lágmarki með árangursríkum
samskiptum, góðum undirbúningi, skipulagningu og með því að
kappkosta að bæta vinnuferla.“
Hann sagði að hugrekkið væri mikilvægt gildi. „Við notum
frelsi okkar til athafna. Við erum opin fyrir breytingum og kepp­
um stöðugt að framförum. Við bjóðum óskrifuðum reglum byrg­
inn, sýnum frumkvæði og tökum áhættu, en tökum jafnframt
ábyrgð á hugmyndum okkar, ákvörðunum og athöfnum.“
Hann bar saman gildi Össurar við það sem fram kom á þjóð­
fundinum um jafnrétti, heiðarleika, ábyrgð, réttlæti. Hann taldi
niðurstöðu fundarins góða byrjun en nauðsynlegt væri að vinna
málið lengra. Þau gildi sem við á endanum veldum mættu ekki
einskorðast of við það sem við erum að fara í gegnum núna og við
yrðum að upplifa að þau endurspegluðu okkur sem þjóð. Hann
myndi vilja sjá orð eins og dugnað, frjálsræði og samkennd í um ­
ræðunni um gildi þjóðarinnar.
Næst ræddi hann um viðhorf þjóðarinnar til sjálfrar sín. Ef
við hefðum það viðhorf að við værum skemmtileg þjóð, það væri
gaman að koma hingað og að hér vildi fólk búa áfram leystust miklir
jákvæðir kraftar úr læðingi í endurreisninni.
„Viðhorf margra er að landið sé afskekkt og náttúran geti verið
óblíð. Við heyrum af erfiðum nágrönnum þegar minnst er á Ice­
save og þorskastríð. En það er hægt að horfa öðruvísi á málin.
Landið er vel í sveit sett landfræðilega með góðar flugsamgöngur,
nátt úran er ægifögur og dregur að ferðamenn og á Bretlandseyjum
er 60 milljóna íbúa markaður sem gefur mikil tækifæri fyrir lítinn
markað hér heima.“
Hjörleifur ræddi næst um styrk þjóðarinnar. Vissulega væru skuldir
hins opinbera miklar en það ætti við um margar aðrar þjóðir líka –
skuldir ríkja færu hækkandi sem hlutfall af landsframleiðslu. Aldurs­
dreifing þjóðarinnar hjálpaði til hérlend is en t.d. hjá Þjóðverjum
væri hlutfall fólks á aldrinum eins árs til fjörutíu ára mun lægra og
það hefði áhrif á getu og landsframleiðslu þeirra á næstu árum.
Hjörleifur sagði að útflutningur væri sjaldan eins mikilvægur og
núna. „Það er mikilvægt að íslensk fyrirtæki sæki út og hasli sér þar
völl. En því miður er orðið útrás og sókn út orðið að skammaryrði
eftir hrunið. Íslenskri þjóð er hins vegar bráðnauðsynlegt að flytja
út vörur og þjónustu, sækja á erlenda markaði.“
En hvar liggja þá stoðirnar? spurði Hjörleifur. Hann sagði að
ferðaþjónustan, sjávarútvegurinn, orkan, tæknin og þekkingin stæði
okkur næst. „Ferðaþjónustan er sú grein sem mun skapa flest störf,
næst kemur sjávarútvegurinn. Orkugeirinn skapar störf í fram ­
tíðinni og það sama er með þekkinguna, þessar
greinar krefjast fjárfestingar og gjaldeyris –
og það tekur tíma að byggja þær upp.“
Hjörleifur nefndi næst að þátttaka og
virkni þjóð arinnar skipti öllu máli. „Ég
hugleiði oft hversu mikil sóun það er að
svo margir séu án atvinnu. Það skiptir máli
að allir séu virkir til að þjóðin nái sér á
strik. Það þarf að hvetja frekar en að letja,
það þarf vald dreif ingu og frelsi frekar en
miðstýringu, opið kerfi frekar en lokað.
Hjörleifur Pálsson, framkvæmdastjóri
fjármálasviðs Össurar.
Fjöreggin eru falin í skýrri sýn, heilbrigðum
gildum, jákvæðu viðhorfi, styrkleikum og
sterkum stoðum í atvinnulífinu og þátttöku.
– Hjörleifur Pálsson.