Frjáls verslun - 01.04.2010, Page 77
F R J Á L S V E R S L U N • 4 . T B L . 2 0 1 0 77
á alla framleiðslu sína, þar með talið framleiðslu á umbúðum úr
bylgjupappa, sem þýðir að allar vörur sem framleiddar eru hjá
Odda koma frá umhverfisvottaðri prentsmiðju,“ segir Jón Ómar.
„Í tilfelli Odda var þessi Svansvottun sérstök sökum þess hversu
breiða vörulínu þurfti að votta, allt frá prentun 50 nafnspjalda upp
í prentun á 200.000 kössum fyrir fiskafurðir. Fyrirtæki þurfa að
uppfylla ýmsar kröfur til þess að öðlast Svansvottun, þar á meðal
er tryggt að hættulegur úrgangur sé í lágmarki og hljóti rétta með
höndlun. Einungis er notaður umhverfisvottaður pappír, endur
unninn eða pappír frá nytjaskógum, og umhverfisvænn litur sem
er í grunninn úr jurtaolíu. Notkun kemískra efna er í lágmarki
og ströngum gæðakröfum er fylgt eftir við framleiðsluna. Einnig
skal bent á það að töluverð hagkvæmni næst í framleiðslunni með
Svansmerkingunni, t.d. minni hráefnis og orkunotkun, sem leiðir af
sér hagkvæmara verð til viðskiptavinar.“
Þjónustan nær yfir allt framleiðsluferlið
Það skiptir ekki máli hvort þarf að prenta lítið eða stórt, einfalt
eða flókið, starfsfólk Odda er reiðubúið að veita ráðgjöf, persónu
lega þjónustu og tryggingu fyrir vönduðum vinnubrögðum. „Þegar
prentgripir eiga í hlut bjóðum við þjónustu sem nær yfir allt fram
leiðsluferlið, ráðgjöf, hönnun, forvinnslu, prentun, bókband, pökkun
og dreifingu,“ segir Jón Ómar og bætir við að þeir hjá Odda geti
með stolti sagt að Oddi sé ein best tækjum búna prentsmiðja í
Evrópu. „Að sjálfsögðu njóta viðskiptavinirnir góðs af því í formi
betri vöru og þjónustu.“
„Oddi er fyrsta prentsmiðjan í heiminum
sem hlýtur Svansvottun á alla framleiðslu
sína, þar með talið framleiðslu á umbúðum
úr bylgjupappa, sem þýðir að allar vörur
sem framleiddar eru hjá Odda koma frá
um hverfisvottaðri prentsmiðju.“