Frjáls verslun - 01.04.2010, Page 87

F R J Á L S V E R S L U N • 4 . T B L . 2 0 1 0 87
Ice landair, Össur, CCP, Eimskip, Promens, Lexus og Bakkavör verið að
gera góða hluti hérna og skapað sér gott orðspor.“
Mengun er víða mikil í Kína, sérstaklega í höfuðborginni Peking.
En geta Kínverjar eitthvað lært af okkur Íslendingum þegar kemur að
umhverfismálum? „Ég held það, umhverfismálin eru eitt af því sem
Kín verjar beina sjónum að í æ ríkari mæli. Hu Jintao, forseti Kína, gaf
um daginn út yfirlýsingu um að unnið skyldi að því að þróa lausnir
á sviði grænnar orku. Hér á heimssýningunni erum við að kynna það
sem við höfum fram að færa og vonandi leiðir það til þess að íslenskt
hugvit á þessu sviði geti orðið dýrmæt útflutningsvara.“
– Er græna byltingin hafin í umhverfismálum í Kína?
„Græna byltingin er að farin af stað í Kína og Kínverjar eru að verða
meðvitaðri um umhverfismál. Í tengslum við Ólympíuleikana 2008 og
Heimssýninguna núna hefur verið ráðist í margskonar framkvæmdir
sem ætlað er að stemma stigu við mengun í Peking og Sjhanghæ, s.s.
bættar almenningssamgöngur, nýja byggingastaðla og stækkuð græn
svæði innan borganna.“
Hreinn tók við sem framkvæmdastjóri Íslendinga á heims sýn ing ­
unni í september 2008 ásamt öðrum störfum á rekstrarsviði utan ­
ríkisráðuneytisins. Þá hafði hann þegar unnið við rekstrar­, starfs­
manna­, öryggis­ og fjármál í ráðuneytinu í rúm þrjú ár. Áður hafði
hann starfað í sendiráði Íslands í Washington D.C.
„Síðan um mitt ár 2009 hef ég einungis sinnt
heimssýningarþátttökunni og fluttist til Sjanghæ í nóvember síðast­
liðn um til að sinna undirbúningi og uppsetningu á staðnum. Samhliða
rekstri heimssýningarverkefnisins sinni ég einnig tímabundið störfum
aðalræðismanns Íslands hér í Sjanghæ. Ég er nýorðinn 34 ára og mér er
sagt að ég sé yngsti aðalræðismaðurinn af um 70 hér í borginni.“
Hreinn segir að vegna efnahagsástandsins heima hafi verið ákveðið
að minnka umfang Íslendinga á sýningunni og gera þátttökuna eins
hagkvæma og unnt er.
„Við skárum fjárhagsáætlun niður úr 620 milljónum króna í 210
mill jónir króna og minnkuðum skálann úr 1.000 fermetrum í 500 fer ­
metra og breyttum áherslum. Þessi lækkun fjárheimilda reyndist mjög til
góðs að mínu mati. Við höfum þurft að vera á tánum með öll útgjöld,
finna skapandi og frumlegar lausnir, leita samstarfs við fyrir tæki og
einstaklinga auk þess að takast á við mjög krefjandi að stæð ur. Þetta
hefur leitt til þess að við erum að gera hluti með nýjum hætti, höfum
víkkað út þann hóp sem á hlutdeild í verkefninu og verið frábæru
teymi stjórnenda hvatning til að vinna vel og náið saman.“
Það hefur vakið athygli að Unnur Birna Vilhjálmsdóttir, fyrrverandi
fegurðardrottning, er kynningarfulltrúi Íslendinga á sýningunni.
Hvernig kom það til?

„Hluti af samstarfi okkar við Saga Film og Plús arkitekta varðandi
hönnun skálans og sýningarinnar var að þeir legðu okkur til úrvals
starfsmann. Þeir völdu Unni, sem hefur staðið sig mjög vel og heldur
utan um samskipti við kínverska og alþjóðlega fjölmiðla, sér um kynn­
ingu á íslenska skálunum og uppsetningu þeirra menn ingar við burða
sem fara fram í tengslum við þátttökuna,“ segir Hreinn Pálsson.
Við vinnum með Icelandair og Bláa lóninu, sem eru styrktaraðilar þátttökunnar, við að mark ­
aðssetja áfangastaðinn Ísland hér í Kína. Ferðamönnum frá Kína hefur fjölgað mjög.