Frjáls verslun - 01.11.2009, Blaðsíða 37

F R J Á L S V E R S L U N • 1 1 . T B L . 2 0 0 9 37
Kaupmannsstarfið
mjög gefandi
Sveinn Sigurbergsson kaupmaður í Fjarðarkaupum, hefur unnið þar í 32
ár eða allan sinn starfsaldur. Hann er áhugamaður um fjölmargt, s.s. golf,
stangveiði og garðrækt. En fjölskyldan er ávallt í fyrsta sæti.
Sveinn fæddist í Hafnarfirði 31. desember 1960. Eftir að hann lauk gagnfræðaprófi frá Flensborgarskólanum hóf hann fljót-
lega störf hjá Fjarðarkaupum. Þá var Sveinn
sautján ára gamall.
„Ég hef því verið hér í fullu starfi í 32 ár og
hefur í raun aldrei langað að gera neitt annað
enda eru Fjarðarkaup mínar ær og kýr. Ég hef
því fylgt fyrirtækinu í gegnum súrt og sætt.“
Sveinn er giftur Björk Pétursdóttur, kenn-
ara við Áslandsskóla, og búa þau í Hvömm-
unum í Hafnarfirði. Þau eiga fjögur börn sem
heita Ingibjörg, fædd 1980, Sigurbergur sem
er fæddur 1987, Benedikt fæddur 1994 og
Thelma sem er fædd 1998.
Með golfbakteríu
Sveinn lék körfuknattleik með Haukum þegar
hann var yngri og vann nokkra titla með lið-
inu. „Síðasti leikurinn minn með Haukum var
úrslitaleikur í meistaraflokki gegn Njarðvík-
ingum 1985 en þá meiddist ég í hné og varð
að hætta í körfuboltanum. Við töpuðum að
vísu leiknum en Haukar urðu Íslandsmeistarar
tveimur árum seinna.
Sem gutti var ég í sveit, meðal ann-
ars austur í Langholtskoti og á Böð-
móðsstöðum. Mér þótti mjög gaman í sveit-
inni og sérstaklega átti vel við mig að vera á
Böðmóðsstöðum. Þar var stunduð garðyrkja og
ég þroskaði með mér græna fingur enda hef ég
mjög gaman af garðrækt.
nafn: sveinn sigurbergsson.
fæddur: 31. desember 1960.
maki: Björk Pétursdóttir kennari.
Börn: ingibjörg fædd 1980,
sigurbergur fæddur 1987,
Benedikt 1994 og Thelma fædd
1998.
starf: Verslunarmaður í
Fjarðarkaupum.
Sveinn Sigurbergsson:
TExTi: VilMunDur hansen • myNdir: geir ólaFsson